Baby Bag

„შესთავაზეთ არაცრილებს და ოფიციალურად კორონაარგადატანილებს ანტისხეულების ტესტი, ჩინეთი უკვე აღიარებს ანტისხეულის ტესტს სრული იმუნიზაციის დასტურად“

„შესთავაზეთ არაცრილებს და ოფიციალურად კორონაარგადატანილებს ანტისხეულების ტესტი, ჩინეთი უკვე აღიარებს ანტისხეულის ტესტს სრული იმუნიზაციის დასტურად“

„​იმის მაგივრად, რომ ერთიმეორეს ბნელები, მარგინალები, ტვინდაჩიპულები თუ სხვა კიდე ბევრი „საუკეთესო“ სახელი უწოდოთ და ამით გაახაროთ ყველა მართლა ბნელი და მტერი, შესთავაზეთ არაცრილებს და ოფიციალურად კორონაარგადატანილებს ანტისხეულების ტესტი“, - ამის შესახებ სოციალურ ქსელში ექიმი იაგო ფრანგიშვილი წერს.

„ჩინეთი უკვე აღიარებს ანტისხეულის ტესტს სრული იმუნიზაციის დასტურად.ეს ის ჩინეთია, რომელიც კორონას ახალი 100 შემთხვევისას მილიონიან ქალაქებს კეტავს.ეს ის ჩინეთია, სადაც დაიწყო კორონა და აქვს კორონაგადატანილებთან ყველაზე დიდი გამოცდილება. 

რაღაცა მაინც გააკეთეთ. ინტენსიურის ექიმებმა წვერი გაიპარსეთ, ხელისუფალმა ანტისხეულების ტესტი მაინც შესთავაზეთ აუცრელებს და მედიასივრცემ დაიწყეთ ბოლოს და ბოლოს სპეციალისტებთან დისკუსია იმაზე, თუ როგორ უნდა იმართოს ზოგადად ინფექციური ავადმყოფი.

​რაღაცა საწინაო და დადებითი, ერთმანეთის არშემჭმელი და არმავნებელი ერთი რამ მაინც გააკეთეთ“, - წერს ექიმი იაგო ფრანგიშვილი.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების​ ჯგუფი“)

შეიძლება დაინტერესდეთ

აქვს თუ არა დადებითი მხარეები პანდემიას? - ფსიქოლოგ ზურა მხეიძის შეფასება

აქვს თუ არა დადებითი მხარეები პანდემიას? - ფსიქოლოგ ზურა მხეიძის შეფასება

ფსიქოლოგმა ზურა მხეიძემ პანდემიის დადებითი მხარეების შესახებ ისაუბრა და აღნიშნა, რომ ნებისმიერ კრიზისს შეუძლია, რომ ადამიანს გარკვეული სარგებელი მოუტანოს:

„ადამიანს უფრო ეძვირფასება ის, რაც არ აქვს. ის ნაკლებად აფასებს იმას, რაც აქვს. ურთიერთობების ფასი, რაც ადამიანს პანდემიის დროს მოაკლდა, გაცილებით გაიზარდა. როდესაც ჯანმრთელობა გაქვს და კარგად ხარ, მისი ფასი ნაკლებად იცი. როდესაც არ გაქვს, ამ ფასს იგებ. ეს დაფასება ცუდი არ არის. მიხვდი, რომ მნიშვნელოვანია ის საკითხები, რომლისთვისაც არ გეცალა.

მეორე კარგი, რაც მოხდა ის არის, რომ სამსახურები გადავიდნენ ონლაინ რეჟიმში და აღმოაჩინეს, რომ ზოგიერთი ფუნქცია ონლაინ რეჟიმში უფრო კარგად სრულდება. მე ვიცი სამსახურები, რომლებმაც დატოვა თანამშრომლები ონლაინ რეჟიმში. ეს აღმოჩენები გაკეთდა მთელ რიგ სამსარუხებში. თავიდან ერთი რეჟიმიდან მეორეზე გადასვლა გაძნელდა. ახლა ეს ჩვეულებრივი ამბავია.

იაპონელებზე ვკითხულობდი. წარმოიდგინეთ, რა დღეში არიან. არც ბუნებრივი რესურსი აქვთ, სულ ტაიფუნები და მიწისძვრებია. ეს ხალხი არათუ ცხოვრობს, ტექნოლოგიური განვითარება ნახეთ რა დონეზეა. გაძლიერდნენ იმ პირობებში, რა პირობებიც ჰქონდათ. მათი საქმიანობა, ფსიქოლოგიური თვისებები მოერგო იმ პირობებს და აწყობილია ისე, რომ არათუ ადაპტაცია შეძლოს, არამედ სერიოზულ პროგრესზეა ლაპარაკი. ნებისმიერი კრიზისი, ნებისმიერი რაღაც მსგავსი, გვეხმარება რაღაც ღირებულებების გადაფასებაში. რაც მანამდე არ ფასდებოდა მეტი ფასი ეძლევა, ხდება დამატებითი რესურსების შეძენა. ეს პლუსები ყველა კრიზისს ახასიათებს,“- აღნიშნულ საკითხზე ზურა მხეიძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად