Baby Bag

თუ ბავშვი სწორად მოეჭიდება ძუძუს, თქვენ არასოდეს არ დაგისკდებათ და არ დაგიზიანდებათ ძუძუს თავები - როგორ მოვამზადოთ მკერდი ძუძუთი კვებისთვის?

თუ ბავშვი სწორად მოეჭიდება ძუძუს, თქვენ არასოდეს არ დაგისკდებათ და არ დაგიზიანდებათ ძუძუს თავები - როგორ მოვამზადოთ მკერდი ძუძუთი კვებისთვის?

მედიაპორტალი MomsEdu.ge ახალ რუბრიკას წარმოგიდგენთ - ლაქტაცია. ყოველ ოთხშაბათს გაეცანით ლაქტაციის კონსულტანტის*, თამუნა ლობჟანიძე რჩევებს, მოგვწერეთ თემები, რომლებიც ყველაზე მეტად გაინტერესებთ.

პირველ თემად წარმოგიდგენთ -როგორ მოვამზადოთ მკერდი ძუძუთი კვებისთვის?

ლაქტაცია, ანუ ძუძუთი კვება ბუნებრივი პროცესია და წესით, ადვილი უნდა იყოს აბსოლუტურად ყველა ქალისთვის, თუმცა სინამდვილეში ბევრი დედა აწყდება პრობლემებს ლაქტაციის დაწყებისას.

ყველაზე ხშირი კითხვა მომავალი დედებისგან არის - როგორ მოვამზადოთ მკერდი ძუძუთი კვებისთვის?

დედას ეშინია, რომ დაუსკდება ძუძუს თავები, ეტკინება. ასევე ხშირია კითხვები:

  • საჭიროა, თუ არა ძუძუსთავების მომზადება? 
  • ექნებაა თუ არა რძე? 
  • შეუძლიათ თუ არა ლაქტაცია საკეისრო კვეთით ან ნაადრევად დაბადებული ბავშვების დედებს?


ხშირად დედებს ურჩევენ, ორსულობაში პირსახოცი ან ჭურჭლის სარეცხი ღრუბელი გამოიყენონ ძუძუს თავების „მოსამზადებლად“, თითქოსდა კანის გაუხეშების შემდეგ ყველა პრობლემა გაქრება. ორსულობაში ძუძუს თავების სტიმულაციამ შეიძლება ნაადრევი მშობიარობა გამოიწვიოს, ამიტომ ეს მეთოდი დაუშვებელია.

რაც ნამდვილად საჭიროა ლაქტაციისთვის მოსამზადებლად - ეს სწორი ინფორმაციაა.

პირველ რიგში, უნდა იცოდეთ, რომ ყველანაირი ძუძუს ზომით და ძუძუს თავების ფორმითაა შესაძლებელი ბავშვის გამოკვება. სირთულეების არსებობის შემთხვევაში, ლაქტაციის კონსულტანტის დახმარებით და სხვადასხვანაირი ტექნიკის გამოყენების შედეგად თქვენ ამას აუცილებლად შეძლებთ.

ასევე უნდა იცოდეთ, რომ დაბადებიდან, პირველივე დღიდან (არ აქვს მნიშვნელობა, რა გზით დაიბადება ბავშვი) თქვენ გაქვთ რძე. ეს არის ხსენი, რაც აუცილებელია და ძალიან სასარგებლოა ყველა ახალშობილისთვის.

ყველაზე მნიშვნელოვანი, რაც უნდა იცოდეთ:

  • თუ ბავშვი სწორად მოეჭიდება ძუძუს, თქვენ არასოდეს არ დაგისკდებათ და არ დაგიზიანდებათ ძუძუს თავები;
  • იყავით დარწმუნებულები, რომ თქვენ გექნებათ საკმარისი რძე;
  • მიაწოდეთ ძუძუ ისე ხშირად, როგორც თქვენს ახალშობილს მოუნდება;
  • არ გააკეთოთ დიდი დროის ინტერვალები ბავშვის გამოკვებებს შორის;
  • არ გაიუხეშოთ ძუძუს თავების კანი
  • გაეცანით საკმარის ინფორმაციას ძუძუთი კვებასთან დაკავშირებით და თქვენ ეს აუცილებლად გამოგივათ.


* ​ლაქტაციის კონსულტანტი არის დედა, რომელმაც გამოკვება ან კვებავს შვილს ძუძუთი და რომელსაც გავლილი აქვს ტრენინგი ან კურსი ლაქტაციის შესახებ. იგი გეხმარებათ ინფორმაციულად და ფსიქოლოგიურად ძუძუთი კვების საკითხებზე. ლაქტაციის კონსულტანტი არ არის ექიმი, ის არ ნიშნავს წამლებს და არა არის მასაჟისტი (თუ არ აქვს გავლილი შესაბამისი კურსები). უმეტეს ლაქტაციურ პრობლემას არ სჭირდება ექიმი. ლაქტაციის კონსულტანტი წამლების ან მკურნალობის დასანიშნად გიშვებთ ექიმთან. იგი ასწავლის დედას ძუძუთი კვების სწორ ორგანიზაციას, გამოწველას, ლაქტოსტაზების (გამაგრებები) პრობლემის მოგვარებას, ასევე ეხმარება ფსიქოლოგიურად და აძლევს ინფორმაციას ძუძუთი კვების სარგებლის შესახებ.

გაეცანით ლაქტაციის კონსულტანტის, თამუნა ლობჟანიძის ბლოგს ინსტაგრამზე👇

https://bit.ly/3iW9H2j

შეიძლება დაინტერესდეთ

,,ძუძუთი კვება ოჯახური საქმეა... განვმარტავ და გაგიზიარებთ ჩემს გამოცდილებას...''

,,ძუძუთი კვება ოჯახური საქმეა... განვმარტავ და გაგიზიარებთ ჩემს გამოცდილებას...''

ძუძუთი კვების შესახებ მსახიობი მარიამ ნადირაძე სოციალურ ქსელში წერს:

,,ძუძუთი კვება ოჯახური საქმეა... განვმარტავ და გაგიზიარებთ ჩემს გამოცდილებას... ამას დრო, პრაქტიკა და მოთმინება სჭირდება. მახსოვს, სამშობიაროში მე იმდენად გაბრუებული ვიყავი, რომ არც მესმოდა წესიერად, რას მეუბნებოდნენ, გიორგი იმახსოვრებდა, როგორ ჩაგვედო ნიკასთვის ძუძუ და პირველი თვეები ყოველთვის მეხმარებოდა, რადგან ვიყავი ძალიან დაძაბული და მოუქნელი, დაბნეული. ალბათ გიორგიც იყო დაბნეული, მაგრამ ძალიან დიდი მხარდაჭერა იყო, ფაქტიურად ერთად ვკვებავდით ნიკას.

ძალიან დამეხმარა ლიკა, წინასწარ ვყავდი მომზადებული ამ ყველაფრისთვის და არ შემიძლია ასევე არ აღვნიშნო გაგუას კლინიკა, სადაც ძალიან დიდი მონდომებით გიხსნიან, როგორი მნიშვნელოვანია ძუძუთი კვება. კარგია, ბავშვის დაბადებამდე გაერკვეთ ძუძუთი კვების საფუძველში. ჩემი გამოცდილებიდან გამომდინარე, ეს დაგეხმარებათ ძალიან შემდეგი ეტაპებისთვის. ფოტოებისთვის მადლობა ნინის...
p.s. გიორგის ტატუს ვახატავ და არ გვაცდის,'' - აღნიშავს მარიამ ნადირაძე.  

წაიკითხეთ სრულად