Baby Bag

„პედაგოგებთან თანამშრომლობა, მათი ნდობა და მეტი პასუხისმგებლობა - ეს არის ჩვენი რეფორმის საფუძველი“ - მიხეილ ბატიაშვილი

„პედაგოგებთან თანამშრომლობა, მათი ნდობა და მეტი პასუხისმგებლობა - ეს არის ჩვენი რეფორმის საფუძველი“ - მიხეილ ბატიაშვილი

„პედაგოგებთან თანამშრომლობა, მათი ნდობა და მეტი პასუხისმგებლობა - ეს არის ჩვენი რეფორმის საფუძველი,“ - ამის შესახებ განათლების, მეცნიერების, კულტურისა და სპორტის მინისტრმა,​ მიხეილ ბატიაშვილმა „ახალი სკოლის მოდელში” ჩართული სკოლების დირექტორებთან და მათი მხარდამჭერი ჯგუფების წარმომადგენლებთან შეხვედრისას განაცხადა. ინფორმაციას სამინისტრო ავრცელებს.

უწყების ცნობით, მინისტრმა დეტალურად ისაუბრა პროექტის მიზნებზე, განხორციელების გზებზე, მოსალოდნელ შედეგებზე, ადმინისტრაციულ და შინაარსობრივ საკითხებზე.

„პედაგოგებთან თანამშრომლობა, მათი ნდობა და მეტი პასუხისმგებლობა - ეს არის ჩვენი რეფორმის საფუძველი. ამიტომ ჩვენთვის მნიშვნელოვანია საპილოტე სკოლების ხელმძღვანელებთან და ექსპერტებთან შეხვედრები. ეს ის პროფესიონალებია, რომლებიც ახალი საგაკვეთილო პროცესების დანერგვაზე ყოველდღიურ რეჟიმში გააგრძელებენ სკოლებში მუშაობას. ახალი მოდელის განხორციელების დეტალებზე თითოეულ სკოლაში ინდივიდუალურად ვმუშაობთ, ვეცნობით სკოლების საჭიროებებს, რათა მაისის ბოლოს უკვე ვიხილოთ რეფორმირებული სკოლების წარმატებული მაგალითები,“ - განაცხადა მიხეილ ბატიაშვილმა.

სამინისტროს ინფორმაციით, პროექტის ფარგლებში, ყოველდღიურ რეჟიმში სამინისტროს ექსპერტები პედაგოგებთან იმ ძირითად მიმართულებებზე მუშაობენ, როგორიცაა მოსწავლის განვითარებაზე ორიენტირებული სასწავლო გეგმების შემუშავება და დანერგვა, ციფრული ტექნოლოგიების სწავლა-სწავლების პროცესში ინტეგრირება და წინსვლისა და განვითარების ხელშემწყობი შეფასების სისტემის შექმნა.

„როგორც ცნობილია „ახალი სკოლის მოდელი“ - განათლების სისტემაში დაგეგმილი რეფორმის ნაწილია და საპილოტე რეჟიმში წარმატებით მიმდინარეობს. პროექტის მიზანია სასკოლო კულტურის განვითარება და ციფრული ტექნოლოგიების ინტეგრირებით სწავლა-სწავლების ხარისხის გაუმჯობესება. აღნიშნულის ხელშეწყობის მიზნით, პროექტში მონაწილე სკოლებში განხორციელდება ნაწილობრივი რეაბილიტაცია, მოხდება სკოლების WiFi-ით სრული დაფარვა და კომპიუტერული ტექნიკით უზრუნველყოფა. პროექტის ფარგლებში შექმნილი მხარდამჭერი ჯგუფები ასევე, იმუშავებენ პედაგოგებთან სასწავლო გეგმისა და მართვის ეფექტიანი მიდგომების განვითარების კუთხით. პროექტი „ახალი სკოლის მოდელი“ 2023 წლამდე ეტაპობრივად საქართველოს ყველა საჯარო სკოლაში განხორციელდება,“ - აღნიშნულია უწყების მიერ გავრცელებულ ინფორმაციაში.

ასევე დაგაინტერესებთ:

​მარტიდან სკოლებში „ახალი სკოლის მოდელი“ ამუშავდება

​რას გულისხმობს „ახალი სკოლის მოდელი“ - დეტალები

​როდის დაიწყება მასწავლებელთა საგნის გამოცდისათვის რეგისტრაცია

​რამდენ დღეს გაგრძელდება სკოლებში სააღდგომო დასვენება

შეიძლება დაინტერესდეთ

​პროფესიული უნარებისა და ქართულის (I-VI) ონლაინ ტრენინგზე რეგისტრაციის თარიღი გახანგრძლივდა

​პროფესიული უნარებისა და ქართულის (I-VI) ონლაინ ტრენინგზე რეგისტრაციის თარიღი გახანგრძლივდა

პედაგოგთა პროფესიული ზრდის ცენტრმა პროფესიული უნარებისა და ქართულის (I-VI) ტრენინგებზე რეგისტრაცია 11 აპრილამდე გაახანგრძლივა. მათ, ვინც ვერ მოასწრო რეგისტრაცია აღნიშნულ საგნებზე, შესაძლებლობა აქვთ ჩაერთონ ტრენინგებში და მიიღონ გამოცდისათვის სათანადო ცოდნა. ტრენინგებს ატარებენ მასწავლებლის სახლის ტრენერები.

ცენტრის დირექტორის სოფიკო ბიბილაშვილის განცხადებით, თარიღის ცვლილება გაზრდილი ინტერესიდან გამომდინარე მოხდა. ის იზიარებს ქვეყანაში არსებულ მგომარებას და საშუალებას აძლევს ყველა მსურველს გაიარონ აღნიშნული ონლაინ კურსი:

  • პროფესიული უნარები - 24 საათი -100 ლარი
  • ქართული ენა და ლიტერატურა - 24 საათი - 100 ლარი

რეგისტრაციისათვის ეწვიეთ ბმულს - ​​რეგისტ​რაცია​

დეტალური ინფორმაციის მისაღებად ეწვიეთ ბმულს - ​პედაგოგთა პროფ​ესიული ზრდის ცენტრი 

ან დარეკეთ ნომერზე 592 477 277

R.
წაიკითხეთ სრულად