Baby Bag

„საქართველოს მასშტაბით, წელს ძალიან ბევრი სკოლის მშენებლობაა დაგეგმილი“

„საქართველოს მასშტაბით, წელს ძალიან ბევრი სკოლის მშენებლობაა დაგეგმილი“

23 აპრილი წიგნისა და საავტორო უფლებების მსოფლიო დღეა. აღნიშნულ თარიღთან დაკავშირებით, საქართველოს პრემიერ-მინისტრი, მამუკა ბახტაძე და საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი წეროვანის მე-3 საჯარო სკოლას სტუმრობდნენ, სადაც სკოლის ბიბლიოთეკას საჩუქრად შემეცნებითი და კლასგარეშე საკითხავი მხატვრული ლიტერატურა გადასცეს.

„ნებისმიერი ბავშვისთვის წიგნი, წიგნთან ყოველდღიური ურთიერთობა ალბათ, ყოველთვის მნიშვნელოვანია. წიგნის საერთაშორისო დღესთან დაკავშირებით, პრემიერ-მინისტრთან ერთად წეროვანის სკოლის ბიბლიოთეკას საჩუქრად გადავეცით ქართული წიგნები. ამასთანავე, პრემიერ-მინისტრის მიერ გაჟღერდა ინიციატივა, რომ წეროვანში კიდევ ერთი, ახალი თანამედროვე სკოლის მშენებლობა დაიწყება. განათლების რეფორმის ფარგლებში, ინფრასტრუქტურული პროექტების მიმართულებით, საქართველოს მასშტაბით, წელს ძალიან ბევრი სკოლის მშენებლობაა დაგეგმილი. მომავალ წელს ეს რაოდენობა კიდევ უფრო გაიზრდება” - განაცხადა მიხეილ ბატიაშვილმა.


შეიძლება დაინტერესდეთ

მასწავლებლის სახლის განცხადება გარე დაკვირვებასთან დაკავშირებით

მასწავლებლის სახლის განცხადება გარე დაკვირვებასთან დაკავშირებით

,,მასწავლებლებს, რომლებსაც 27, 28, 29 ოქტომბერს ასახული ჰქონდათ გარე დაკვირვების გავლის პერიოდი და საქართველოს განათლების, მეცნიერების, კულტურისა და სპორტის მინისტრის ბრძანების შესაბამისად, შეეცვალათ სწავლების ფორმა და გადავიდნენ დისტანციურ სწავლებაზე, მათი წერილობითი მომართვის საფუძველზე მასწავლებლის პროფესიული განვითარების ეროვნული ცენტრი შეუცვლის მათ გარე დაკვირვების პერიოდს,'' - აღნიშნული განცხადება მასწავლებლის სახლმა გამოაქვეყნა. 


წაიკითხეთ სრულად