Baby Bag

„შემუშავებულმა მიდგომებმა უნდა წაახალისოს მასწავლებელთა შორის თანამშრომლობა და არა კონკრეტული სტატუსის მოპოვებისკენ სწრაფვა“

„შემუშავებულმა მიდგომებმა უნდა წაახალისოს მასწავლებელთა შორის თანამშრომლობა და არა კონკრეტული სტატუსის მოპოვებისკენ სწრაფვა“

მსოფლიო ბანკის ორგანიზებით, პროექტის „პროფესიული განათლების მასწავლებელთა კვალიფიკაციის ამაღლების“ ფარგლებში საკონსულტაციო შეხვედრა გაიმართა, რომელსაც განათლების, მეცნიერების, კულტურისა და სპორტის მინისტრის მოადგილე, თამარ ქიტიაშვილი, „კარგი მმართველობის ფონდის“ (GGF) ფონდის ხელმძღვანელი და ბრიტანეთის საელჩოს წარმომადგენელი, ელენ ვიხმანი და განათლების ადგილობრივი და საერთაშორისო ექსპერტები ესწრებოდნენ, - ინფორმაციას განათლების, მეცნიერების, კულტურისა და სპორტის სამინისტრო ავრცელებს.

უწყების ცნობით, შეხვედრაზე მსოფლიო ბანკის კონსულტანტებმა საჯარო განხილვისა და უკუკავშირის მიღების მიზნით, წარადგინეს პროექტის ფარგლებში შემუშავებული პროფესიული მასწავლებლის სტანდარტებისა და კარიერული განვითარების მოდელის დოკუმენტების სამუშაო ვერსიები.

„გაფართოებული საკონსულტაციო შეხვედრის გახსნისას მინისტრის მოადგილემ სტანდარტებისა და კარიერული განვითარების შემუშავების პროცესში გასათვალისწინებელ რამდენიმე პრიორიტეტზე გაამახვილა ყურადღება და აღნიშნა, რომ ორივე დოკუმენტი ორიენტირებული უნდა იყოს მასწავლებელთა პროფესიულ განვითარებაზე და წაახალისებდეს მათ პიროვნული თუ კარიერული განვითარების სრულყოფისთვის. თამარ ქიტიაშვილმა მისასალმებელ სიტყვაში ასევე აღნიშნა, რომ როგორც სტანდარტები, ასევე კარიერული განვითარების მოდული უნდა წაახალისებდეს პროფესიული განათლების სისტემაში ერთი მხრივ, დარგის პრაქტიკოსი პროფესიონალების, ხოლო მეორე მხრივ ახალგაზრდა პროფესიონალებისა და კოლეჯების წარმატებული კურსდამთავრებულების შემოდინებას.

მინისტრის მოადგილემ მნიშვნელოვანი აქცენტი გაამახვილა მასწავლებლის არა როგორც მენტორის, არამედ როგორც ფასილიტატორის როლის გააზრებაზე და დასძინა, რომ შემუშავებულმა მიდგომებმა უნდა წაახალისოს მასწავლებელთა შორის თანამშრომლობა, ურთიერთდახმარება და კოლეგიალურობა და არა კონკრეტული სტატუსის მოპოვებისკენ სწრაფვა. თამარ ქიტიაშვილის განმარტებით, პროექტის მიერ შემუშავებული მიდგომები უნდა იყოს ერთი მხრივ, მასწავლებლის საქმიანობებისთვის ყოვლისმომცველი, ხოლო მეორე მხრივ, მხარეებისთვის მარტივად აღსაქმელი და ქართულ რეალობაზე მორგებული,“ - აღნიშნულია სამინისტროს მიერ გავრცელებულ ინფორმაციაში. 

შეიძლება დაინტერესდეთ

ელექტრონულ ჟურნალთან დაკავშირებით განათლების მართვის საინფორმაციო სისტემა მასწავლებლებს მიმართავს

ელექტრონულ ჟურნალთან დაკავშირებით განათლების მართვის საინფორმაციო სისტემა მასწავლებლებს მიმართავს

ელექტრონულ ჟურნალთან დაკავშირებით განათლების მართვის საინფორმაციო სისტემა მასწავლებლებს მიმართავს:

,,ელექტრონულ ჟურნალში შესვლისთვის გამოიყენეთ მისი ოფიციალური ვებ გვერდი : https://onlineschool.emis.ge/

გაითვალისწინეთ, რომ ბრაუზერი არ უნდა იყოს ნათარგმნი ქართულ ენაზე.

მაგალითად, Google Chrome-ს ბრაუზერი როდესაც გაქვთ ქართულ ენაზე გადაყვანილი (არ აქვს მნივშენლობა teams-ის თარგმნისთვის შეცვალეთ თუ სხვა დანიშნულებით) და შედიხართ ელექტრონულ ჟურნალში, ამის გამო იქმნება გარკვეული ხარვეზები.

მაგალითად მუდამ ერთ თარიღს აჩვენებს, აქვს სიტყვები ცვლილება- კლასი წერია ,,კლასიკური", არ ინახავს შეყვანილ მონაცემებს და ა.შ. ეს გამოწვეულია ზემოთ ხსენებული ნათარგმნი ბრაუზერით და არა ჟურნალის ხარვეზით.

ამიტომ, წაშალეთ და ახლიდან ჩამოტვირთოთ ასეთი ბრაუზერი, არ თარგმნოთ ის ქართულზე და ისე ისარგებლეთ.

ხოლო, რაც შეეხება microsoft teams-ს თუ გნებავთ რომ ქართულ ინტერფეისზე იყოს, ამისათვის შეგიძლიათ ენა შეცვალოთ მოცემული ვიდეოს მიხედვით. ენის შეცვლა შეგიძლიათ თიმსის ჩამოტვირთულ აპლიკაციაშიც. https://youtu.be/47_Ul3GYCCc,'' - აღნიშნულია განცხადებაში. 
წაიკითხეთ სრულად