Baby Bag

საჯარო სკოლის დირექტორობის მსურველთათვის ტესტირების ჩატარების თარიღი, ადგილი და ხანგრძლივობა განისაზღვრა

საჯარო სკოლის დირექტორობის მსურველთათვის ტესტირების ჩატარების თარიღი, ადგილი და ხანგრძლივობა განისაზღვრა

განათლების, მეცნიერების, კულტურისა და სპორტის მინისტრის, მიხეილ ჩხენკელის ​ბრძანებითსაჯარო სკოლის დირექტორობის მსურველთათვის ტესტირების ჩატარების თარიღი, ადგილი და ხანგრძლივობა განისაზღვრა. 

ბრძანების თანხმად, ტესტირება ჩატარდება 6 და 7 მარტს შემდეგ მისამართებზე:

  • სსიპ კოლეჯი „ახალი ტალღა“
    მისამართი: ქალაქი ქობულეთი, რუსთაველის N154
  • სსიპ „ინფორმაციული ტექნოლოგიების აკადემია“
    მისამართი: ქალაქი თბილისი, გურამ ფანჯიკიძის N3
  • სსიპ საქართველოს ტექნიკური უნივერსიტეტი
    მისამართი: ქალაქი თბილისი, კოსტავას N68 (I კორპუსი).

დირექტორობის მსურველთა საგამოცდო ცენტრებში გადანაწილების შესახებ ინფორმაცია, რეგისტრაციის დროს მინიჭებული უნიკალური კოდების მიხედვით, გამოქვეყნდება 4 მარტს.

როგორც ბრძანებაშია აღნიშნული, ტესტირება ჩატარდება 4 სესიად, დღეში 2 სესია. ტესტირების პირველი სესია დაიწყება 09:00 საათზე, ხოლო მეორე სესია - 16:00 საათზე. ტესტირების ხანგრძლივობა შეადგენს 4 საათს. რეგისტრაცია დაიწყება ტესტირების დაწყებამდე 1 საათით ადრე. დირექტორობის მსურველი ვალდებულია, ტესტირებაზე რეგისტრაციის მიზნით, საგამოცდო ცენტრში გამოცხადდეს რეგისტრაციის დასრულებამდე.

დირექტორობის მსურველი ვალდებულია თან იქონიოს:

  1. საქართველოს მოქალაქის პირადობის მოწმობა ან პასპორტი;
  2. საიდენტიფიკაციო უნიკალური კოდი, რომელიც მიენიჭა რეგისტრაციის დროს;
  3. საწერი კალამი.

დამატებითი ინფორმაცია იხილეთ ბმულზე - ​2020 წლის საჯარო სკოლის დირექტორის შესარჩევი კონკურსი​

გაეცანით საჯარო სკოლის დირექტორის შესარჩევი კონკურსის სერტიფიცირ​ების ეტაპის საგამოცდო პრ​ოგრამას

შეიძლება დაინტერესდეთ

52 პედაგოგს მედიკამენტებისთვის 50-ლარიანი ვაუჩერები გადაეცა

52 პედაგოგს მედიკამენტებისთვის 50-ლარიანი ვაუჩერები გადაეცა

მასწავლებელთა პროფესიული განვითარების ეროვნული ცენტრის ინიციატივით, იმ პენსიონერ პედაგოგებს, რომლებმაც პროფესია ადრე დატოვეს და ვერ ისარგებლეს სახელმწიფო ჯილდოთი, ცენტრის დირექტორმა ბერიკა შუკაკიძემ გორის მუნიციპალიტეტში კონფლიქტის ზონის 20 სკოლის 52 პედაგოგს მედიკამენტებისთვის 50 ლარიანი ვაუჩერები გადასცა.

როგორც ცენტრში აცხადებენ, მომავალშიც გეგმავენ მსგავსი აქტივობების განხორციელებას.

წაიკითხეთ სრულად