Baby Bag

ეროვნულ სასწავლო გეგმაში ცვლილებაა

ეროვნულ სასწავლო გეგმაში ცვლილებაა

ეროვნულ სასწავლო გეგმაში ცვლილებაა. შესაბამისი ბრ​ძანება, რომელსაც განათლების, მეცნიერების, კულტურისა და სპორტის მინისტრი მიხეილ ჩხენკელი აწერს ხელს, საკანონმდებლო მაცნეში გამოქვეყნდა და ძალაშიც შევიდა.

მანამდე ამ ბრძანებში ცვლილება სამი თვის წინ ​განხორციელდა, რომლის თანახმადაც განსხვავებულად ჩამოყალიბდა ის მუხლი, რომელიც პარალელურ კლასებში მოსწავლეთა რაოდენობას ეხებოდა. 

ამ ცვლილებით კი ბრძანებას დაემატა აფხაზეთისა და აჭარის ავტონომიური რესპუბლიკის ტერიტორიაზე არსებული საჯარო სკოლები: 

„პარალელური კლასების არსებობა დასაშვებია იმ შემთხვევაში, თუ თითოეულ პარალელურ კლასში მოსწავლეთა მინიმალური რაოდენობა არის 15. გამონაკლისი მოსწავლეთა მინიმალურ რაოდენობასთან დაკავშირებით დაიშვება საქართველოს განათლების, მეცნიერების, კულტურისა და სპორტის სამინისტროს იმ ტერიტორიულ ორგანოს – საგანმანათლებლო რესურსცენტრთან (შემდგომში – რესურსცენტრი) შეთანხმებით, რომლის სამოქმედო ტერიტორიაზეც მდებარეობს საჯარო სკოლა. აფხაზეთისა და აჭარის ავტონომიური რესპუბლიკის (შემდგომში – ავტონომიური რესპუბლიკა) ტერიტორიაზე არსებული საჯარო სკოლების შემთხვევაში, გამონაკლისი დაიშვება განათლების სფეროში უფლებამოსილ შესაბამის სამინისტროსთან შეთანხმებით.

2014-2015 სასწავლო წლამდე საჯარო სკოლაში ჩარიცხულ მოსწავლეთათვის კლასში მოსწავლეთა მაქსიმალური რაოდენობა განისაზღვრება 30 მოსწავლით. მოსწავლეთა მაქსიმალურ რაოდენობასთან დაკავშირებით გამონაკლისი დაიშვება საქართველოს განათლების, მეცნიერების, კულტურისა და სპორტის სამინისტროსთან წერილობითი შეთანხმებით. თანხმობა გაიცემა ობიექტური გარემოების გათვალისწინებით კონკრეტულ მოსწავლეზე და ვრცელდება ამავე მოსწავლის მიერ ამავე სკოლის მომდევნო კლასში სწავლის გაგრძელებისას. ასეთ შემთხვევაში, მოსწავლეთა მაქსიმალური რაოდენობა არ უნდა აღემატებოდეს 35-ს. პარალელური კლასების არსებობა დასაშვებია იმ შემთხვევაში, თუ თითოეულ პარალელურ კლასში მოსწავლეთა მინიმალური რაოდენობა არის 18; გამონაკლისი მოსწავლეთა მინიმალურ რაოდენობასთან დაკავშირებით დაიშვება იმ რესურსცენტრთან შეთანხმებით, რომლის სამოქმედო ტერიტორიაზეც მდებარეობს საჯარო სკოლა. ავტონომიური რესპუბლიკის ტერიტორიაზე არსებული საჯარო სკოლების შემთხვევაში, გამონაკლისი დაიშვება განათლების სფეროში უფლებამოსილ შესაბამის სამინისტროსთან შეთანხმებით,“ - აღნიშნულია ბრძანებაში.

მოიწონეთ გვერდი „მასწავლებლებ​ის სანდო წყარო“

შეიძლება დაინტერესდეთ

როდიდან მიიღებენ სახელფასო დანამატს ის პედაგოგები, რომლებსაც სტატუსი შეეცვალათ

როდიდან მიიღებენ სახელფასო დანამატს ის პედაგოგები, რომლებსაც სტატუსი შეეცვალათ

მასწავლებლების ნაწილმა ახალი სემესტრი ახალი სტატუსით დაიწყო. ის პედგოგები, რომლებსაც სტატუსი შეეცვალათ (ან მომდევნო დღეებში შეეცვლებათ), სახელფასო დანამატს იანვრიდან მიიღებენ.

როგორც Moms.ge-ს განათლების, მეცნიერების, სპორტისა და კულტურის სამინისტროში განუცხადეს, დანამატის დაანგარიშება სტატუსის შეცვლის თარიღიდან მოხდება:

„სტატუსის ცვლილება ამ კვირაში დაიწყო. პედაგოგები, რომლებსაც სტატუსი შეეცვლებათ, დანამატს იანვრის ბოლოდან მიიღებენ. რომელი თარიღიდანაც მოხდა სტატუსის ცვლილება, იმ თარიღიდან მოხდება დანამატის ათვლაც,“ - განაცხადეს განათლების სამინისტროში.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“.
წაიკითხეთ სრულად