Baby Bag

მთელი ქვეყნის მასშტაბით დაწყებითი საფეხურის პედაგოგები და სკოლის წარმომადგენლები გადამზადდებიან - სკოლებში ახალი სახელმძღვანელო შედის

მთელი ქვეყნის მასშტაბით დაწყებითი საფეხურის პედაგოგები და სკოლის წარმომადგენლები გადამზადდებიან - სკოლებში ახალი სახელმძღვანელო შედის

საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა გარემოს დაცვისა და აგრარული განათლების შესახებ პროგრამის პრეზენტაცია გამართა.

შეხვედრაზე პროგრამის პრეზენტაციასთან ერთად მის ფარგლებში შექმნილი სახელმძღვანელოს „გარემოს დაცვითი და აგრარული განათლება სკოლაში“ წარდგენა მოხდა.

მინისტრის მოადგილემ საზოგადოებას სიტყვით მიმართა და სკოლებში გარემოსდაცვითი და აგრარული განათლების ხელმისაწვდომობის მნიშვნელობაზე ისაუბრა.

თამარ ქიტიაშვილი: „მოხარული ვარ, რომ მაქვს შესაძლებლობა, გარემოსდაცვითი განათლების საერთაშორისო დღე აღვნიშნო იმ ადამიანებთან ერთად, რომლებიც ჩვენს ქვეყანაში ამ მიმართულების განვითარებასა და ხელშეწყობაზე ზრუნავენ.

მნიშვნელოვანია, რომ სკოლის მოსწავლეებმა მიიღონ განათლება და გამოიმუშაონ უნარ-ჩვევები როგორც გარემოს დაცვის, ასევე, აგრარული დარგის მიმართულებით. ვფიქრობ, დაწყებით საფეხურზე, როდესაც ბავშვების ცნობიერება ჩამოყალიბების პროცესშია, ამ საკითხების საგნობრივ ჭრილში ინტეგრირება და მრავალფეროვანი აქტივობებით მოსწავლეებში სწორი შეხედულებებისა და ქცევების ფორმირება კიდევ ერთი წინ გადადგმული ნაბიჯია, რაც გვაახლოებს ჩვენს საერთო მიზანთან – გვყავდეს განათლებული, სწორი ღირებულებების მქონე ახალგაზრდობა, რომლისთვისაც თანაბრად მნიშვნელოვანი იქნება გარემოს დაცვა, სოციალური კეთილდღეობა თუ ეკონომიკური განვითარება. დარწმუნებული ვარ, მომავალ თაობას ექნება გაცილებით მაღალი სოციალური პასუხისმგებლობა, რასაც საფუძველს სკოლებში სწორედ ასეთი პროგრამების დანერგვა ჩაუყრის.“

სახელმძღვანელო საქართველოს განათლების, მეცნიერების, კულტურისა და სპორტის სამინისტროსა და საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის თანამშრომლობით შემუშავდა. იგი დამხმარე სახელმძღვანელოა დაწყებითი საფეხურის პედაგოგებისთვის და გარემოსდაცვითი და აგრარული განათლების ხელშეწყობასა და ზოგადსაგანმანათლებლო სივრცეში ინტეგრირებას ითვალისწინებს.

სახელმძღვანელო გარემოს დაცვისა და აგრარული მიმართულებით შემდეგ თემებს აერთიანებს:

  • მდგრადი განვითარების კონცეფცია;
  • ბიომრავალფეროვნების დაცვა;
  • წყლის რესურსების დაცვა და მდგრადი მართვა;
  • ნარჩენების მართვა;
  • კლიმატის ცვლილება და ბუნებრივი კატასტროფების საფრთხეების შემცირება;
  • ატმოსფერული ჰაერის ხარისხი;
  • მიწის მართვა და გაუდაბნოებასთან ბრძოლა;
  • სოფლის მეურნეობა – სურსათის უვნებლობა და ხარისხი.


​სახელმძღვანელოს წარდგენის შემდეგ იწყება მნიშვნელოვანი პროცესი, რომელიც მთელი ქვეყნის მასშტაბით დაწყებითი საფეხურის პედაგოგებისა და სკოლის წარმომადგენლების გადამზადებას გულისხმობს.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფ​ი“)

შეიძლება დაინტერესდეთ

სახელმწიფოს მიერ დაფინანსებული ფაკულტეტების სია გამოქვეყნდა

სახელმწიფოს მიერ დაფინანსებული ფაკულტეტების სია გამოქვეყნდა

2019-2020 სასწავლო წელს საქართველოს განათლების, მეცნიერების, კულტურისა და სპორტის სამინისტროს მიერ დაფინანსებული საგანმანათლებლო პროგრამების სია ცნობილია.

პროგრამების სია იხილეთ ბმულზე: www.matsne.gov.ge

გთხოვთ, ყურადღებით გაეცნოთ ფაკულტეტების/საგანმანათლებლო პროგრამების ჩამონათვალს, რომელიც სასწავლებლების მიხედვითაა დალაგებული და, ასევე, ინფორმაციას სრულად დაფინანსებული ადგილების რაოდენობის შესახებ (მისაღები კონტინგენტი და სრულად დაფინანსებული ადგილების რაოდენობა შესაძლოა განსხვავებული იყოს).

დეტალური ინფორმაციისათვის მიმართეთ უშუალოდ უმაღლეს საგანმანათლებლო დაწესებულებებს.

სსიპ – ივანე ჯავახიშვილის სახელობის თბილისის სახელმწიფო უნივერსიტეტი www.tsu.ge

სსიპ – საქართველოს ტექნიკური უნივერსიტეტი www.gtu.ge

სსიპ – ილიას სახელმწიფო უნივერსიტეტი www.iliauni.edu.ge

სსიპ – აკაკი წერეთლის სახელმწიფო უნივერსიტეტი www.atsu.edu.ge

სსიპ – ბათუმის შოთა რუსთაველის სახელმწიფო უნივერსიტეტი www.bsu.edu.ge

სსიპ – სოხუმის სახელმწიფო უნივერსიტეტი www.sou.edu.ge

სსიპ – იაკობ გოგებაშვილის სახელობის თელავის სახელმწიფო უნივერსიტეტი www.tesau.edu.ge

სსიპ – სამცხე-ჯავახეთის სახელმწიფო უნივერსიტეტი www.sjuni.edu.ge

სსიპ – გორის სახელმწიფო სასწავლო უნივერსიტეტი www.gu.edu.ge

სსიპ – შოთა მესხიას ზუგდიდის სახელმწიფო სასწავლო უნივერსიტეტი www.zssu.ge

წაიკითხეთ სრულად