Baby Bag

Microsoft 365-ში დროებითი პრობლემაა - ზოგიერთი იუზერი იღებს შეტყობინებას Something went wrong

Microsoft 365-ში დროებითი პრობლემაა - ზოგიერთი იუზერი იღებს შეტყობინებას Something went wrong

განათლების მართვის სანფორმაციო სისტემა Microsoft 365-ში არსებულ პრობლემასთან დაკავშირებით განცხადებას ავრცელებს: 

,,​Microsoft 365-ში დროებითი პრობლემაა - ზოგიერთი იუზერი იღებს შეტყობინებას Something went wrong - მეილზე შესვლისას.

იუზერი მეილზე შეიძლება ვერ შედიოდეს ვერც ვებიდან, ვერც აუთლუქიდან და ვერც ტელეფონიდან. ან მხოლოდ რომელიმე მეთოდით.

აღნიშნულ იუზერებთან ასევე არ იმუშავებს მეილთან დაკავშირებული სერვისები, როგორიცაა კალენდარი Teams-ში.
სხვა სერვისები, როგორიცაა OneDrive და ა.შ. მუშაობს და მათზე შესვლა office.com-იდანაა შესაძლებელი.
პრობლემა მხოლოდ მცირე რაოდენობის იუზერებთან ფიქსირდება, ჯერჯერობით.

პრობლემას სავარაუდოდ, მალე მოაგვარებენ,'' - აღნიშნულია განცხადებაში. 

შეიძლება დაინტერესდეთ

მიმდინარე კვირაში Covid-19 მოსწავლეთა 0.03%-ს და სკოლის თანამშრომელთა 0,1% გამოუვლინდა

მიმდინარე კვირაში Covid-19 მოსწავლეთა 0.03%-ს და სკოლის თანამშრომელთა 0,1% გამოუვლინდა

ინტენსიური მონიტორინგისა და სავალდებულო ტესტირების შედეგად, მიმდინარე კვირის განმავლობაში, ქვეყნის მასშტაბით, Covid-19 მასწავლებლებისა და სკოლის ადმინისტრაციული პერსონალის 0.1%-ს და მოსწავლეთა საერთო რაოდენობის 0.03%-ს დაუდასტურა.

მშობელთა მოთხოვნის ან კორონავირუსის შემთხვევის გამოვლენის საფუძველზე, საქართველოს მასშტაბით, სრულად დისტანციურ რეჟიმზე მიმდინარე კვირაში სრულად 11 სკოლა და 109 ცალკეული კლასი გადავიდა.

მასწავლებელთა და სკოლის ადმინისტრაციულ პერსონალთა სავალდებულო ტესტირება საქართველოს მასშტაბით უწყვეტ რეჟიმში გრძელდება. ამავდროულად, სამინისტროს პირველი პირებისა და ადგილობრივი რესურსცენტრების მხრიდან სკოლების მონიტორინგი ასევე უწყვეტად მიმდინარეობს. შესაბამისი სანიტარულ-ჰიგიენური პირობების უზრუნველყოფის მიმართულებით საქართველოს საჯარო და კერძო სკოლებში ნორმები მაქსიმალურადაა დაცული. ამ კუთხით, საქართველოს მასშტაბით, რეკომენდაცია მხოლოდ რამდენიმე სკოლას მიეცა.

განათლების ხარისხთან ერთად, სკოლებში მოსწავლეთა უსაფრთხოების დაცვა განათლების, მეცნიერების, კულტურისა და სპორტის სამინისტროს ერთ-ერთი მთავარი პრიორიტეტია. სწორედ ამიტომ, ვირუსის თავიდან ასაცილებლად, სამინისტროს მხრიდან ყველაფერი გაკეთდა იმისათვის, რომ სკოლებს ჰქონდეთ ჰიგიენური საშუალებების მარაგი.

ხაზგასასმელია, რომ ზოგადსაგანმანათლებლო დაწესებულებებისთვის დამტკიცდა რეკომენდაციების შესრულების მონიტორინგის ახალი ფორმა. სკოლებში არსებული გარემოს მონიტორინგი კოვიდპანდემიის პერიოდში, სწორედ აღნიშნული ფორმით განხორციელდება. კერძოდ, მონიტორინგის პროცესში საგანმანათლებლო რესურსცენტებთან ერთად, ჩართულები იქნებიან სკოლამდელი, ზოგადი განათლებისა და ადმინისტრაციის დეპარტამენტის თანამშრომლები.

ვირუსის გამოვლენის შემთხვევებში სკოლებზე კვლავ წერტილოვანი შეზღუდვები გავრცელდება. ისინი იმოქმედებენ ჯანდაცვის სამინისტროს პროტოკოლის გათვალისწინებით.

წაიკითხეთ სრულად