Baby Bag

სტატუსიანი პედაგოგები გამუდმებით გვემატებიან, წინსვლა კი ნაკლებად ჩანს

სტატუსიანი პედაგოგები გამუდმებით გვემატებიან, წინსვლა კი ნაკლებად ჩანს
ამის შესახებ ფილოლოგი, პედაგოგი გია მურღულია სოციალურ ქსელში წერს

თუ გინდათ, რო განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მა​სწავლებლების სანდო წყარო“


კატა და კითხვა
ისე ამაღლდა ჩვენთან განათლების დონე, რომ ამდენი ახალი მენტორი, წამყვანი და უფროსი მასწავლებელი გვყავს, მათი რიცხვი კი კვლავაც განუწყვეტლივ იზრდება? - სად არის მიზეზ-შედეგობრივი კავშირი რაოდენობასა და ხარისხს შორის? სტატუსიანი პედაგოგები გამუდმებით გვემატებიან, წინსვლა კი ნაკლებად ჩანს. აუცილებლად გამოსაკვლევი და შესაფასებელია, რას ვხარჯავთ (სახელმწიფოებრივად თუ ინდივიდიუალურად) მასწავლებელთა პროფესიული განვითარებისთვის, რამდენად მაღლა იწევს მათი პროფესიული სტატუსი და როგორ აისახება ეს ვითარების გაუმჯობესებაზე სასკოლო განათლების სისტემაში.
მანამდე კი:
ერთხელ მოლა ნასრედინმა სახლში სამი კილო მშვენიერი ხორცი მიიტანა და მეუღლეს სთხოვა, საღამოსთვის კარგი კერძი მოემზადებინა. ცოლმა სწრაფად მოამზადა და მეგობარ ქალებს გაუმასპინძლდა. საღამოს შინ მისული მოლა გემრიელი ვახშმის გარეშე დარჩა. ცხადია, მან ხორცი მოიკითხა, რაზეც ცოლმა უთხრა, რომ ის კატამ შეჭამა. მათი კატაც სწორედ სამი კილო იყო.
მოლამ სასწორი მოიტანა და ცხოველი აწონა. მოწყობილობამ სამი კილო აჩვენა. გაოგნებული კაცი ცოლს მოუტრიალდა და ჰკითხა:
- თუ ეს კატაა, ხორცი სად არის და თუ ხორცია, კატა სად წავიდა?!
ასეა ჩვენთანაც - ან ხარისხი არ გვაქვს, ამ მასწავლებლები დავკარგეთ სადღაც.
რა თქმა უნდა, კარგი და ძალიან კარგი მასწავლებლებიც გვყავს, მაგრამ ამქვეყნად ყველაფერი ფარდობითია - ადამიანები თუ არა, კატები კითხვებს ყოველთვის დასვამენ.

„ვინც სტატუსით მაღლა დგას, მას მეტი საათი უნდა ჰქონდეს“ - ბერიკა შუკაკიძე
„ვინც სტატუსით მაღლა დგას, მას მეტი საათი უნდა ჰქონდეს. როდესაც სკოლაში არსებობს მაღალკვალიფიციური კადრი, რატომ უნდა ჰქონდეს ასეთ მასწავლებელს ნაკლები დატვირთვა და შესაბამისად, ნაკლები ხელფასი?!“...
,,უფროსები გახადეთ 1 კრედიტით და თანაც საათებიც მიართვით ,,დამსახურებულად" ზოგიერთებს...ამ...
მასწავლებლის სახლის დირექტორის, ბერიკა შუკაკიძის განცხადებას - ვინც სტატუსით მაღლა დგას, მას მეტი საათი უნდა ჰქონდეს, მასწავლებელთა მხრიდან დიდი გამოხმაურება მოჰყვა. მათი ნაწილი ეთანხმე...
„თითქმის ყველა უფროსი მასწავლებელია, ასევე ძალიან ბევრმა მიიღო წამყვანი მასწავლებლის სტატუ...
,,მასწავლებელთა სქემის თანახმად " მუხლი 1. პუნქტი 2 . სქემის ამოცანაა მასწავლებლის პროფესიული განვითარებისა და კარიერული წინსვლის ერთიანი სისტემის დანერგვა, რომელიც უზრუნველყოფს საუკეთესო კადრების შე...

შეიძლება დაინტერესდეთ

განათლების სამინისტროს უახლესი რეკომენდაციები სკოლებს

განათლების სამინისტროს უახლესი რეკომენდაციები სკოლებს
განათლების, მეცნიერების, კულტურისა და მეცნიერების სამინისტრომ სკოლებს ონლაინსწავლებასთან დაკავშირებით დამატებითი რეკომენდაციები გაუგზავნა.
როგორც სკოლებთან მიწერილ ტექსტშია აღნიშნული, ქვეყანაში შექმნილი მდგომარეობის გათვალისწინებით საქართველოს განათლების, მეცნიერების, კულტურისა და სპორტის სამინისტრომ ზოგადსაგანმანათლებლო დაწესებულებებს გაუზიარა პირველადი რეკომენდაციები, რომლის ფარგლებშიც ერთ-ერთ რეკომენდაციას წარმოადგენს Microsoft office 365-ის პროდუქტების საკომუნიკაციო არხებად გამოყენება (მათ შორის, სურვილის შემთხვევაში დისტანციური სწავლა-სწავლების პროცესში).
„ამასთან დაკავშირებით თანდართული ფაილის სახით გიგზავნით თქვენი სკოლის ადმინისტრაციის, მასწავლებლებისა და მოსწავლეების მომხმარებლის პროფილებსა (user) დაერთჯერად პაროლებს, რომლის მეშვეობითაც შეძლებთ Office 365-ის შემდეგ პროგრამებში ავტორიზებას (შესვლას): Email, Microsoft Teams, Class Notebook, PowerPoint, Forms, OneDrive და ა.შ.
დამატებით, გიგზავნით ინსტრუქციას სისტემაში მომხმარებლის პროფილის გააქტიურებასა და ასევე რეკომენდებული პროდუქტების საგანმანათლებო მიზნებისთვის გამოყენებასთან დაკავშირებით.
როგორ შევიდეთ სისტემაში პირველად:
მისამართი: ​Email.mes.gov.ge (ან ​Teachers.g​ov.ge​Studen​ts.gov.ge)
სისტემაში და Microsoft Teams ში შესვლის დეტალური ვიდეო ინსტრუქციის სანახავად დააჭირეთ​ აქ
Teams-ის ინსტრუქციები:
შეგახსენებთ, რომ ყველა ზემოაღნიშნული ინსტრუქცია ასევე განთავსებულია საიტზე: ​email.mes.gov.ge, ინსტრუქციების განყოფილებაში.
სკოლებს, რომლებიც გადაწყვეტენ Microsoft office 365-ის პროდუქტების გამოყენებას სასკოლო საზოგადოებასთან კომუნიკაციისა და დისტანციური სწავლა-სწავლების პროცესის ხელშეწყობის მიზნით გთავაზობთ შემდეგ რეკომენდაციებს:
1. დამრიგებლების საშუალებით მოახდინეთ მშობლებთან კომუნიკაცია, რათამათი ჩართულობით, მოხდეს დისტანციური სწავლების დანერგვის ხელშეწყობა. ამასთან, ინდივიდუალური შესაძლებლობებიდან გამომდინარე უზრუნველყონ ბავშვებისთვის ინტერნეტისა და მოწყობილობების (მობილური ტელეფონი ანპლანშეტი ან პერსონალური კომპიუტერი ან ბუკი) ხელმისაწვდომობა.
2. დამრიგებლის საშუალებით მოახდინეთ ბავშვებთან/მშობლებთან კომუნიკაციანებისმიერი ხელმისაწვდომი საკომუნიკაციო ფორმით, გაუგზავნეთ დეტალურიინფორმაცია და ინსტრუქცია მომხმარებლის პროფილის (user) და ერთჯერადიპაროლის შესახებ, რისი მეშვეობითაც შეძლებენ დისტანციურ გაკვეთილში ჩართვას დაoffice 365-ის ყველა პროგრამით სარგებლობას.
3. სასურველია პირველ ეტაპზე დისტანციური გაკვეთილი ჩატარდეს საპილოტე რეჟიმში, რაც გულისხმობს ყველა საფეხურისა სხვადასხვა ძირითად საგანში, რათა მასწავლებლებმა შეძლონ დიფერენცირებული მიდგომებისა და სტრატეგიების შემუშავება.
4. დისტანციური გაკვეთილების საპილოტე რეჟიმში გაშვებისას დაიხმარეთ ისთანამშრომლები ან/და მაღალი კლასის მოსწავლეები, რომლებიც კარგად ფლობენტექნოლოგიებს და დისტანციურად შეძლებენ კონსულტაციების გაცემას. ასევე,გთხოვთ, იდენტიფიცირებული პირების (თანამშრომლების/მაღალი კლასის მოსწავლეების) შესახებ ინფორმაცია აცნობოთ მასწავლებლებს, მოსწავლეებსა და მათ მშობლებს, რათა საჭიროების შემთხვევაში გაეწიოთ შესაბამისი ტექნიკური დახმარება.
5. იმ შემთხვევაში თუ სკოლაში იდენტიფიცირებული პირი (სკოლის თანამშრომლები/მაღალი კლასის მოსწავლეები) ვერ ახერხებს რიგ საკითხებთან დაკავშირებით სრულყოფილი კონსულტაციის გაცემას, რეგიონის მასშტაბით მობილიზებული იქნებიან მოხალისეები (ზოგადი განათლების რეფორმის პროექტის „ახალი სკოლის მოდელის“ ტექნოლოგიების ექსპერტები), რომლებიც პროგრამა TEAMS-ის საშუალებით უპასუხებენ დასმულ შეკითხვებს და გასცემენ კონსულტაციებს Microsoft Office 365-ის პროდუქტებთან დაკავშირებით. აღნიშნული მოხალისეები თავად შექმნიან TEAMS-ში ვირტუალურ საკონსულტაციო სივრცეს, რომლის ბმულიც რესურს ცენტრების საშუალებით გაზიარდება სკოლებში. აღნიშნული ბმულის საშუალებით სკოლაში იდენტიფიცირებული პირვები (სკოლის თანამშრომლები/მაღალი კლასის მოსწავლეები) შეძლებენ საკონსულტაციო სერვისის მიღებას,“ - აღნიშნულია სამინისტროს წერილში.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“ 

წაიკითხეთ სრულად