Baby Bag

​„ცალკე საგნებით სწავლება არის ღრმა წარსული“ - ბერიკა შუკაკიძე

​„ცალკე საგნებით სწავლება არის ღრმა წარსული“ - ბერიკა შუკაკიძე

მასწავლებელის სახლის დირექტორმა, ბერიკა შუკაკიძემ ​Zoom განათლებაზე ახალი სკოლის მოდელზე ისაუბრა.

როგორც მან აღნიშნა, ცალკე საგნებით სწავლება არის ღრმა წარსული. 

„ეს არის გვიანი XIX საუკუნე, როდესაც ჯერ ფიზიკის გაკვეთილი მაქვს, 5 წუთის მერე უნდა შევიდე მათემატიკაზე, მერე მშობლიურ ენაზე... ეს ბავშვი ტელევიზორი ხომ არ არის, რომ გადართო არხები...“ - განაცხადა ბერიკა შუკაკიძემ.

მისივე თქმით, ახალი სკოლის მოდელი ყველა საგნის ინტეგრირებას მოითხოვს.

ნახეთ ვიდეო ☝️

სრული გადაცემა იხილეთ ამ ​ბმულ​ზე.

წყარო: Zoom განათლებ​აზე

შეიძლება დაინტერესდეთ

ინფორმაცია მასწავლებლებისთვის - სკოლებში დისტანციურ სწავლებასთან დაკავშირებით ონლაინშეხვედრა ჩატარდება

ინფორმაცია მასწავლებლებისთვის - სკოლებში დისტანციურ სწავლებასთან დაკავშირებით ონლაინშეხვედრა ჩატარდება

სკოლებში დისტანციური სწავლების მხარდაჭერის მიზნით, საქართველოს საზოგადოებრივი ინტერესების დაცვის ასოციაცია (სსიდა) მასწავლებლებს ონლაინკონსულტაციას სთავაზობს. ასოციაციის ცნობით, ონლაინშეხვედრაზე მასწავლებლები გაეცნობიან დისტანციური სწავლების თავისებურებებს, დისტანციური სწავლების დაგეგმვისა და განხორციელების შესაძლებლობებს ხელმისაწვდომი რესურსების გათვალისწინებით.

„კორონავირუსის შესაძლო გავრცელებასთან დაკავშირებით საქართველოში გამოცხადდა სასკოლო არდადეგები.

შექმნილი გარემოებიდან გამომდინარე, სკოლებში სწავლის პროცესის განახლების პროცესი 1-ლ აპრილამდე გადაიდო. დისტანციური განათლება დღის წესრიგში დგას, მასწავლებლები კარგად იცნობენ თანამედროვე ტექნოლოგიებს და წარმატებით იყენებენ სასწავლო პროცესში.

თანამედროვე ტექნოლოგიების, კოლაბორაციული პლატფორმებისა და სხვადასხვა აპლიკაციების დახმარებით შესაძლებელია მასწავლებელმა სწრაფად შექმნას სასწავლო გეგმა და განაგრძოს გაკვეთილების დისტანციურად ჩატარება.

მოკლე ვადებში სწავლების ტრადიციული ფორმატის ცვლილება რთულია, თუმცა შესაძლებელია იმ გარემოში, სადაც მასწავლებლებსა და მოსწავლეებს აქვთ კომპიუტერები, მობილური ტელეფონები, პლანშეტები და ინტერნეტი.

სწორედ ამ მიზნით ვგეგმავთ დისტანციურ სამუშაო შეხვედრას/კონსულტაციას მასწავლებლებთან.

მონაწილეებს გავაცნობთ:

- დისტანციური სწავლების თავისებურებებს;
- დისტანციური სწავლების დაგეგმვისა და განხორციელების შესაძლებლობებს ხელმისაწვდომი რესურსების გათვალისწინებით.

შეხვედრას წარუძღვებიან თამარ მოსიაშვილი და დავით ლიპარტელიანი.

დისტანციურ შეხვედრაში მონაწილეობის მსურველები უნდა დარეგისტრირდნენ და შეავსონ კითხვარი.

რეგისტრაციის ბოლო ვადაა 2020 წლის 11 მარტი, 23:59.

დისტანციური კონსულტაცია ჩატარდება 2020 წლის 14 მარტს (შაბათი) - 18:00-დან 20:00-მდე.

დისტანციური კონსულტაციის ჩატარების შესახებ დეტალურ ინფორმაციას მიიღებთ რეგისტრაციის დროს მითითებულ ელ. ფოსტაზე, პარასკევს 12:00-მდე (2020 წლის 13 მარტი),“ - აღნიშნულია ასოციაციის მიერ გავრცელებულ ინფორმაციაში.

​კითხვარი შეავსეთ ბმულზე - ​​დისტანციური სწავლება 2020

წაიკითხეთ სრულად