Baby Bag

2021-2022 სასწავლო წლიდან სკოლებში პროექტი „შემოაღე კარი მეცნიერებაში“ ახალ ეტაპზე გადადის

2021-2022 სასწავლო წლიდან სკოლებში პროექტი „შემოაღე კარი მეცნიერებაში“ ახალ ეტაპზე გადადის

ახალი სასწავლო წლიდან პროექტი „შემოაღე კარი მეცნიერებაში“, რომელიც სკოლებისა და სამეცნიერო-კვლევითი დაწესებულებების თანამშრომლობას გულისხმობს, ახალ ეტაპზე გადადის. პროექტის ფარგლებში, მოსწავლეები მათ მიერვე შერჩეულ კვლევით ინსტიტუტს ეწვევიან, მეცნიერთა საქმიანობას გაეცნობიან და მიიღებენ უახლეს ინფორმაციას მიმდინარე კვლევებისა და სამეცნიერო პროექტების შესახებ. „შემოაღე კარი მეცნიერებაში“, მეცნიერების პოპულარიზაციის მიზნით, განათლებისა და მეცნიერების პროექტის „მეცნიერების კალენდარი – 2021“ ფარგლებში ხორციელდება.

აღნიშნულთან დაკავშირებით საქართველოს განათლებისა და მეცნიერების მინისტრის პირველმა მოადგილემ ეკატერინე დგებუაძემ და მინისტრის მოადგილემ ნუნუ მიცკევიჩმა პროექტით დაინტერესებული სამეცნიერო-კვლევით ინსტიტუტების, სკოლებისა და რესურსცენტრების წარმომადგენლებთან სამუშაო შეხვედრა გამართეს.

ნუნუ მიცკევიჩმა შეკრებილ საზოგადოებას აქტიური ჩართულობისთვის მადლობა გადაუხადა და მათთან ერთად პროექტის განხორციელების გზები და შესაძლებლობები განიხილა. მინისტრის მოადგილის თქმით, 2020 წელს შეიქმნა ინტერნეტპლატფორმა „შემოაღე კარი მეცნიერებაში“, სადაც განთავსებულია სამეცნიერო-კვლევითი ინსტიტუტების საქმიანობის ამსახველი ვიდეოსიუჟეტები და წარმატებული მეცნიერების მონათხრობები. პლატფორმამ მოსწავლეებს შორის დიდი ინტერესი გამოიწვია და მათ სხვადასხვა კვლევით დაწესებულებებთან თანამშრომლობის სურვილი გამოთქვეს.

ღონისძიებას ასევე ესწრებოდა შოთა რუსთაველის საქართველოს ეროვნული სამეცნიერო ფონდის გენერალური დირექტორი ჯაბა სამუშია, რომელმაც შეხვედრის მონაწილეებს მოსწავლეებში მეცნიერების პოპულარიზაციის მიმართულებით ფონდის კონკურსები გააცნო. მან აღნიშნა, რომ სკოლის მოსწავლეებისათვის განკუთვნილი საგრანტო კონკურსები უახლოეს მომავალში გამოცხადდება, კერძოდ, „მეცნიერება იწყება სკოლიდან - კვლევები მოსწავლეთა მონაწილეობით“ და მოსწავლე გამომგონებელთა და მკვლევართა კონკურსის ,,ლეონარდო და ვინჩი“. აღნიშნულ კონკურსებში მოსწავლეებთან ერთად კონკრეტულ დარგში მოღვაწე მეცნიერებიც აქტიურად იქნებიან ჩართული.

პროექტს მეცნიერების კალენდარი – 2021“საქართველოს განათლებისა და მეცნიერების სამინისტრო მეცნიერების პოპულარიზაციის მიზნით ახორციელებს. პროექტის სლოგანია Undique scientia est (მეცნიერება ყველგან არის) და გულისხმობს მეცნიერების, როგორც საზოგადოების ყველა ფენის ყოველდღიური ცხოვრების ნაწილის წარმოჩენას და ფართო საზოგადოებაში მის პოპულარიზაციას. პროექტის ფარგლებში საქართველოს მასშტაბით წლის განმავლობაში არაერთი საგანმანათლებლო და შემეცნებითი ღონისძიება იმართება.

შეიძლება დაინტერესდეთ

საჯარო სკოლების დირექტორობის მსურველთა შესარჩევ კონკურსზე რეგისტრაცია დაიწყო - ვადები და პროცედურები

საჯარო სკოლების დირექტორობის მსურველთა შესარჩევ კონკურსზე რეგისტრაცია დაიწყო - ვადები და პროცედურები

საქართველოს განათლების, მეცნიერების, კულტურისა და სპორტის სამინისტრო იწყებს საჯარო სკოლების დირექტორობის მსურველთა შესარჩევი კონკურსის პირველ ეტაპს - სერტიფიცირებას.

დირექტორობის მსურველთა რეგისტრაცია დღეიდან, 3 თებერვლიდან 17 თებერვლის ჩათვლით გაგრძელდება. რეგისტრაციის გავლა შესაძლებელია საიტზე www.directors.mes.gov.ge.

შესარჩევ კონკურსში მონაწილეობის საფასური შეადგენს 35 ლარს. გადახდა შესაძლებელია ლიბერთი ბანკის ნებისმიერ ფილიალში (იხ. რეკვიზიტები).

საკვალიფიკაციო მოთხოვნები:

  • უმაღლესი განათლება;
  • მუშაობის მინიმუმ 3 წლიანი გამოცდილება;
  • სწავლების მინიმუმ 1 წლიანი გამოცდილება.

ინფორმაცია ტესტირების ზუსტი თარიღის, დროისა და ადგილის შესახებ განთავსდება 2020 წლის 27 თებერვალს.

წაიკითხეთ სრულად