Baby Bag

რა გადაწყვეტილება მიიღეს სკოლებში სწავლის დაწყებასთან დაკავშირებით?

რა გადაწყვეტილება მიიღეს სკოლებში სწავლის დაწყებასთან დაკავშირებით?

15 სექტემბრიდან 4 ოქტომბრამდე სწავლა დისტანციურ რეჟიმში განახლდება - ამის შესახებ განათლებისა და მეცნიერების მინისტრმა მიხეილ ჩხენკელმა საკოორდინაციო საბჭოს სხდომის დასრულების შემდეგ განაცხადა. 

„როგორც სახელმწიფო, ასევე კერძო საბავშვო ბაღები, არ იფუნქციონირებენ 4 ოქტომბრამდე. სკოლები, პროფესიული კოლეჯები და უმაღლესი სასწავლებლები 4 ოქტომბრამდე იფუნქციონიერებენ დისტანციურ რეჟიმში.
რაც შეეხება სკოლებს, მინდა დავაკონკრეტო, 15 სექტემბერს, როგორც არის გამოცხადებული, სასწავლო პროცესი იწყება, სემესტრი დაიწყება, მაგრამ დისტანციურ რეჟიმში და ეს იქნება 4 ოქტომბრამდე.
მინდა დეტალურად აგიხსნათ, რა მოხდება 4 ოქტომბერს და როგორი კრიტერიუმით ვისარგებლებთ. ჩვენ გადავწყვიტეთ, რომ გვექნება დიფერენცირებული მიდგომა. ეს გულისხმობს შემდეგს: იმ ქალაქეში ან სოფელში, სადაც ინფიცირების მაჩვენებელი იქნება 4%-ზე ქვემოთ, სწავლა განახლდება საკლასო ოთახებში ანუ დასწრებულ ფორმატში. ხოლო იმ ქალაქებში და სოფლებში, სადაც 4%-ზე მაღალი იქნება ინფიცირების მაჩვენებელი, სწავლა კვლავ დისტანციურ ფორმატში გაგრძელდება.

როგორც იცით, ამჟამად საქართველოში დელტა შტამი შეადგენს 90%-ს და სამწუხაროდ, ეს შტამი განსაკუთრებით დაერია ბავშვებს და ახალგზარდებს. შესაბამისად, ბავშვების, ჩვენი შვილების ჯანმრთელობა არის უმთავრესი პრიორიტეტი. ამის საფუძველზე და დაავადებათა კონტროლის ეროვნული ცენტრის რეკომენდაციებით, საკოორდინაციო საბჭომ მიიღო ეს გადაწყვეტილება.

ასევე მინდა განვმარტო, რომ, როგორც მოგახსენეთ, 4 ოქტომბერს იმ სოფლებში და ქალაქებში, სადაც 4%-ზე ქვემოთ იქნება ინფიცირების მაჩვენებელი, სწავლა გაგრძელდება დასწრებულ ფორმატში, მაგრამ იქაც ჩვენ გვინდა მაქსიმალურად მოქნილი სისტემა შევთავზოთ მშობლებს. ჩვენ გვქონდა ეს პრაქტიკა დანერგილი წინა სემესტრებში - თუ რომელიმე მშობელი გადაწყვეტს, რომ ურჩევნია მისი შვილი კვლავ დისტანციურ ფორმატში სწავლობდეს, ჩვენ ამის საშუალებას მივცემთ. ჩვენი შეთავაზებული სისტემა იქნება მაქსიმალურად მოქნილი,“ - დასძინა მინისტრმა. 


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუ​ფი“)

შეიძლება დაინტერესდეთ

მიუხედავად იმისა, რომ 2 მარტიდან 16 მარტამდე პერიოდი არდადეგებადაა გამოცხადებული, სკოლებს ადრე დაწყებული დასვენების დღეების აღდგენა მოუწევთ

მიუხედავად იმისა, რომ 2 მარტიდან 16 მარტამდე პერიოდი არდადეგებადაა გამოცხადებული, სკოლებს ადრე დაწყებული დასვენების დღეების აღდგენა მოუწევთ
კორონავირუსთან დაკავშირებით, სადეზინფექციო სამუშაოების ჩატარების გამო სკოლებში საგაზაფხულო არდადეგები ნაადრევად დაიწყო. არდადაგების თარიღის შეცვლის შესახებ განათლების, მეცნიერებისა და სპორტის მინისტრის, მიხეილ ჩხენკელის ​ბრძანება საკანონმდებლო მაცნეშიც გამოქვეყნდა.
„საგაზაფხულო არდადეგები 2019-2020 სასწავლო წლისთვის განისაზღვროს 2 მარტიდან 16 მარტამდე,“ - წერია ბრძანებაში.
დოკუმენტში არ არის აღნიშნული, რომ სკოლებს 2 მარტიდან 6 მარტის ჩათვლით პერიოდის ანაზღაურება მოუწევთ (2 მარტიდან 16 მარტამდე პერიოდი არდადეგებადაა გამოცხადებული). თუმცა, როგორც განათლების, მეცნიერების, კულტურისა და სპორტის სამინისტროში Momsedu.ge-ს განუმარტეს, სკოლებმა დაუგეგმავი არდადეგები უნდა აღადგინონ:
„სკოლებს ადრე დაწყებული არდადეგების გამო გაცდენილი საათების ანაზღაურება მოუწევთ, საუბარია 4 დღეზე (3 მარტი ისედაც ოფიციალური დასვენებაა). სკოლები თავად გადაწყვეტენ, რომელ პერიოდში აღადგენენ ამ დღეებს - შაბათობით, თუ სასწავლო პროცესის დასრულების (15 ივნისის) შემდეგ,“ - აღნიშნეს სამინისტროში.
წაიკითხეთ სრულად