Baby Bag

7 ფილმი, რომელიც ბავშვს ემოციური ინტელექტის განვითარებაში დაეხმარება

7 ფილმი, რომელიც ბავშვს ემოციური ინტელექტის განვითარებაში დაეხმარება

ფილმები ბავშვის განათლებისა და განვითარებისთვის ერთ-ერთ საუკეთესო რესურსს წარმოადგენს. მშობლებს ბავშვების ემოციური ინტელექტის განვითარებისთვის სხვადასხვა ტექნიკისა და მიდგომის გამოყენება შეუძლიათ. ემოციური ინტელექტი არის უნარი, რომ ადამიანმა გააკონტროლოს, მართოს და სხვას გაუზიაროს ემოციები სოციალურ კონტექსტში. კინოს ისტორიაში არაერთი ფილმი გადაუღიათ იმ მიზნით, რომ ბავშვის ემოციური ინტელექტის განვითარებისთვის შეეწყოთ ხელი. ჩვენს სტატიაში 7 ფილმს გაგაცნობთ, რომლებიც ბავშვს ემოციური ინტელექტის განვითარებაში დაეხმარება.

1. თავდაყირა

ეს ფილმი ერთ-ერთი საუკეთესო რესურსია ბავშვისთვის ემოციების შესახებ ინფორმაციის მისაწოდებლად. ის პატარა გოგონას ემოციების შესახებ მოგვითხრობს. ბედნიერება, სევდა, ზიზღი, შიში და რისხვა მისი ახალი ცხოვრების თანამგზავრები ხდებიან. ფილმი გვიჩვენებს, როგორ განიცდის ბავშვი სხვადასხვა ემოციას, უმკლავდება დაბრკოლებებს და ცვლილებებთან ადაპტაციას სწავლობს.

2. მაღლა

ფილმი ზრდასრული მამაკაცისა და პატარა ბიჭის შესახებ მოგვითხრობს. ისინი ერთმანეთს ოცნებების ასრულებაში ეხმარებიან. ფილმი არამხოლოდ ემოციების შესახებ გვაწვდის ინფორმაციას, არამედ ცხოვრების ორ ოპტიმისტურ და პესიმისტურ ხედვას ერთმანეთს უპირისპირებს. პერსონაჟები პრობლემებს აწყდებიან და მათ გადაჭრას წარმატებით ახერხებენ.

3. დამბო

დისნეის კლასიკური მულტფილმი ცირკში მცხოვრები პატარა სპილოს შესახებ მოგვითხრობს. ის წარმოდგენებში მონაწილეობისას პრობლემებს აწყდება და მუდმივად ჩაგვრას განიცდის. დამბო დედასაც დააშორეს, რომელიც მას ყოველთვის მხარს უჭერდა. ფილმი ბავშვს თავმდაბლობის მნიშვნელობას ასწავლის და სირთულეებთან გამკლავებისთვის საჭირო უნარების განვითარებაში დაეხმარება.

4. უოლ-ი

ფილმი რობოტის ისტორიას მოგვითხრობს, რომელსაც ემოციების გამოხატვის უნარი აქვს. ის სიყვარულის ძალისა და მისი განცდით გამოწვეული ცვლილებების შესახებ მოგვითხრობს. ფილმი ბავშვებს თავისუფლების, დამოუკიდებლობისა და სხვა ადამიანების მიმღებლობის მნიშვნელობას ასწავლის.

5. გაყინული

პოპულარული ფილმი ყველაზე ცხადად გადმოგვცემს ემოციების ძალას. ის ბავშვს სხვების პატივისცემას და თავმდაბლობის მნიშვნელობას ასწავლის. ფილმის თანახმად, სიყვარული და გამძლეობა ადამიანის წარმატების გასაღებია.

6. მოჩვენებების მიერ გატაცებულნი

ფილმის მთავარი თემა ოჯახის მნიშვნელობის ხაზგასმაა. ფილმის მთავარ გმირს ემოციების გაკონტროლება უჭირს. მას მარტოობის, სევდისა და მრისხანების განცდით ცხოვრებისეული გაკვეთილის სწავლა მოუწევს.

7. უცხოპლანეტელი

ეს კლასიკური ამერიკული ფილმი უცხოპლანეტელზე მოგვითხრობს, რომელიც დედამიწაზე ბავშვს დაუმეგობრდება. უცხოპლანეტელს სახლში დაბრუნება სურს, ბავშვი კი მას ოცნების ასრულებაში ეხმარება. ფილმი ასევე ეხება განქორწინების მძიმე შედეგებს ბავშვებისთვის. ის თქვენს შვილს სიკეთისა და სოლიდარობის მნიშვნელობას ასწავლის.

წყარო: ​youaremom.com

შეიძლება დაინტერესდეთ

„რძიანი ჩაი კატეგორიულად არ უნდა მიიღოს მეძუძურმა დედამ,“ - ნეონატოლოგი ლია ოტიაშვილი

„რძიანი ჩაი კატეგორიულად არ უნდა მიიღოს მეძუძურმა დედამ,“ - ნეონატოლოგი ლია ოტიაშვილი

პედიატრმა, ნეონატოლოგმა ლია ოტიაშვილმა მეძუძური დედის კვების თავისებურებებზე ისაუბრა და აღნიშნა, რომ მეძუძურ დედას მკაცრი დიეტის დაცვა არ მოეთხოვება:

​ძალიან მკაცრი დიეტა, როგორიც ადრე იყო რატომღაც მიღებული, არ არის საჭირო. რძიანი ჩაი კატეგორიულად არ უნდა მიიღოს მეძუძურმა დედამ, პირველ რიგში, იმიტომ, რომ შედედებული რძე ინახება წლები. წარმოიდგინეთ, რამდენი კონსერვანტია მასში. ის არის ძალიან ტკბილი. რძე თვითონ ბერავს და ალერგენია. ქალს მოვუწოდებთ, რომ ნებისმიერი რძის პროდუქტი ჭამოს და ცოტა ნაკლებად მიიღოს ნედლი რძე.“

ლია ოტიაშვილის თქმით, მეძუძურმა დედამ არ უნდა მიირთვას ის პროდუქტები, რომლებიც ხანგრძლივად ინახება:

„ზოგადად დიეტის დაცვა არ არის მოწოდებული. დედამ უნდა მიირთვას ყველანაირი ჯანსაღი პროდუქტი, არა ის, რაც დიდხანს ინახება. დღევანდელ დღეს გაფუჭებულ პროდუქტს იშვიათად ვხვდებით, მაგრამ ​გადაჭარბებული კონსერვაციის პროდუქტები უფრო დიდ ზიანს გვაყენებს. რაც უფრო მოკლე ვადა აქვს პროდუქტს შენახვისთვის, მით უკეთესია. ის, რაც ხანგრძლივად ინახება, არაფერი არ უნდა მიირთვას ქალმა.“

„ შებოლილი პროდუქტები, მით უმეტეს, სახლში დამზადებული არ უნდა მიიღოს. მეძუძური დედა უნდა მოერიდოს ალერგენებს. ზოგადად თუნდაც ალერგიული პროდუქტიც ზომიერად შეიძლება მოსინჯოს. ეს პროდუქტები მან ცალ-ცალკე უნდა მიიღოს და დააკვირდეს ბავშვს, როგორ აიტანს.​ თანდათან მიიღოს ყველა პროდუქტი, რაც კი ჯანსაღია,“ - აღნიშნულ საკითხებზე ლია ოტიაშვილმა საპატრიარქოს ტელევიზიის გადაცემაში „ზღვარი მარინა კაჭარავასთან ერთად“ ისაუბრა.

წყარო: ​„საპატრიარქოს ტელევიზია“

წაიკითხეთ სრულად