1. გაზქურას გამორთავთ
თუ თქვენ, პირველ რიგში, გაზქურის გამორთვა გადაწყვიტეთ, თქვენ ტემპერამენტიანი ადამიანი ხართ, რომელიც გადაწყვეტილებებს ძალიან სწრაფად იღებს. დიდხანს ფიქრი არ გჩვევიათ და მიზნების მიღწევას ყოველთვის ახერხებთ. თუ მიზანს დაისახავთ, ვერაფერი შეგაჩერებთ. მონოტონურობა ძალიან მალე გღლით. თქვენთვის უსაფრთხოება ძალიან მნიშვნელოვანია. თქვენ ყოველთვის გეგმის მიხედვით მოქმედებთ. მოულოდნელობები არ გიყვართ და ცდილობთ, ყველაფერი წინასწარ განსაზღვროთ.
2. ტელეფონს უპასუხებთ
თუ თქვენ, პირველ რიგში, ტელეფონს უპასუხებთ, ეს იმას ნიშნავს, რომ დიპლომატი ადამიანი ხართ. ადამიანებისადმი ძალიან მომთხოვნი ხართ და მათთვის შეცდომების პატიება გიჭირთ. თქვენ ძალიან წარმატებული იქნებით ბიზნესში, რადგან ერთდროულად რამდენიმე საქმის გაკეთება შეგიძლიათ. ადამიანებთან კომუნიკაცია ძალიან გიადვილდებათ. საჭირო კავშირების გაბმა არ გიჭირთ და ყურადღების ცენტრში ყოფნა გიყვართ.
3. ატირებულ ბავშვს დაამშვიდებთ
თუ თქვენ , პირველ რიგში, ატირებულ ბავშვს დაამშვიდებთ, თქვენ გონიერი და მშვიდი ადამიანი ხართ. ყოველთვის მზად ხართ სხვების დასახმარებლად. ადამიანებისთვის საკუთარ სიცოცხლესაც კი გაწირავთ. ძალიან გიყვართ თქვენი ოჯახი და ურთიერთობებს უდიდეს მნიშვნელობას ანიჭებთ. მარტოობა ძალიან გაშინებთ. მნიშვნელოვანია, რომ ყოველთვის ვიღაც გყავდეთ გვერდით. სახლში, ოჯახის წევრებთან ერთად მყუდრო და წყნარი საღამოს გატარება ბევრად დიდ სიხარულს განიჭებთ, ვიდრე ხმაურიან წვეულებებზე სიარული.
4. ძაღლს ტახტიდან ჩამოიყვანთ
თუ თქვენ, პირველ რიგში, ძაღლს ჩამოიყვანთ ტახტიდან, ე.ი. წესრიგის მოყვარული ადამიანი ხართ. ქაოსს ვერ იტანთ და ყოველთვის ყველაფერს აკონტროლებთ. თქვენ ვერ დამშვიდდებით, თუ თქვენს ცხოვრებაში ყველაფერი ისე არ არის, როგორც გსურთ, რომ იყოს. მატერიალურ კეთილდღეობას ძალიან დიდ მნიშვნელობას ანიჭებთ და სოციალური სტატუსიც ძალიან გაღელვებთ. თქვენ ნებისმიერ კითხვაზე გაქვთ პასუხი და ნებისმიერ ვითარებაში ცდილობთ შესაბამისად მოიქცეთ.