Baby Bag

შემოდგომის სტილი ქართველი გოგოებისგან

შემოდგომის სტილი ქართველი გოგოებისგან

შემოდგომით ბევრს უჭირს ტანსაცმლის შერჩევა. სიცივე თითქოს ფანტაზიებს გვიქრობს, ამას კი ეპიდსიტუაციაც ემატება. ყველაფრის მიუხედავად, ლამაზად ჩაცმა ყოველთვის სასიამოვნოა. გთავაზობთ რამდენიმე საშემოდგომო ლუქს ქართველი ცნობილი ინფლუენსერებისგან და მოდელებისგან, რომლებიც შესაძლოა, თქვენი სეზონური ინსპირაციის წყარო გახდეს.

თაკო საზინა (ინფლუენსერი, იუთუბერი)
შავი როლონგი, ყავისფერი ყელსახვევი, ჯინსის შარვალი და ყვითელი ბერეტი


ანუკი არეშიძე (დიზაინერი) 
თეთრი კაბა, კუბოგრული მწვანე მოსაცმელი, სამკუთხა ჩანთა და ლეოპარდის ფეხსაცმელი


რუსა ჩაჩუა (მოდელი)
მწვანე გრძელი ატლასის კაბა, შავი ქამარი, მწვანე შემოსაცმელი და ჭაობისფერი მაღალი ჩექმა


ელენიკო რუხაძე (ინფლუენსერი)
დახეული ჯინსის შარვალი, წითელ ფერში ბენდენა, შემოცმული, როგორც მაისური


ლიკუნა ხაჭაპურიძე (მოდელი)
შავი როლინგი, შავი ტყავის კურტკა, შავი ტყავის შარვალი და ასევე შავი ტყავის ფეხსაცმელი


თაკო ნაცვლიშვილი (მოდელი)

წითელი მოქსოვილი ჟაკეტი, მოკლე წითელი ქვედაბოლო, თეთრი მაღალქუსლიანი ფეხსაცმელი


სალი წვერავა (ინფლუენსერი)

ღია ვარდისფერი პრინტიანი ჰუდი, თეთრი შარვალი, შავი ბათინკი


ნინა ცქიტიშვილი (Lookmodéls''-ის დამფუძნებელი)

შავი მოკლე კაბა, ნაცრისფერი შემოსაცმელი პიჯაკი, შავი ფეხსაცმელი


ნათია (ინფლუენსერი, იუთუბერი)

თეთრი როლინგი, თეთრი შემოსაცმელი გრძელი პიკაკი, შავი ფეხსაცმელი


მარიამ წილოსანი (ინფლუენსერი, იუთუბერი)

კრემისფერი საწვიმარი, თეთრი ყელსახვევი


ავტორი: თამთა შერმაზანაშვილი

შეიძლება დაინტერესდეთ

10 ფილმი, რომელიც 6 წლამდე ასაკის ბავშვს აუცილებლად უნდა აჩვენოთ

10 ფილმი, რომელიც 6 წლამდე ასაკის ბავშვს აუცილებლად უნდა აჩვენოთ

ბავშვები ფილმების დახმარებით სამყაროს შეცნობას  ​სწავ​ლობენკინემატოგრაფთან ზიარება ნაადრევი არასდროს არის. გთავაზობთ 10 საუკეთესო ფილმს, რომელიც 6 წლამდე ასაკის ბავშვს აუცილებლად უნდა აჩვენოთ.

1. სათამაშოების ისტორია

სათამაშოების ისტორია პირველი კომპიუტერული ანიმაციაა და მსგავსი ფორმატით ანიმირებულ ფილმებს შორის დღემდე საუკეთესო ნამუშევრად ითვლება. უმჯობესია, თუ ფილმს ბავშვთან ერთად უყურებთ და მას ანიმაციის სამყაროსთვის „სათამაშოების ისტორიის“ მნიშვნელობას კარგად აუხსნით. ბავშვი გაცოცხლებული სათამაშოების თავგადასავლებით აუცილებლად მოიხიბლება.

2. მეფე ლომი

დისნეის ისეთ საოცარ ნამუშევრებთან ერთად, როგორებიცაა „ურჩხული და მზეთუნახავი,“ „ალადინი“ და „პატარა ქალთევზა“, „მეფე ლომი“ კინოს ისტორიაში ნამდვილად ღირსეულ ადგილს იკავებს. ბავშვებს ანიმაციის ყურებისას შექსპირზე მცირედი ცნობები მიაწოდეთ, რადგან მეფე ლომი სწორედ შექსპირის „ჰამლეტის“ მიხედვით არის გადაღებული. როგორც წესი, პატარები ელტონ ჯონის საოცარი შესრულებითა და ხმითაც მოხიბლულები რჩებიან.

3. კოსმიური შეჯიბრი

„კოსმიური შეჯიბრის“ ყურებისას ბავშვი უამრავ ინფორმაციას იღებს. ის ეცნობა ყველა დროის საუკეთესო კალათბურთელს, საუკეთესო ანიმაციურ პერსონაჟს, ეზიარება 90-იანი წლების განწყობებს. „კოსმიური შეჯიბრის“ პირველ ეპიზოდში ბავშვებს მაიკლ ჯორდანის გაცნობის საშუალება აქვთ, მეორე ეპიზოდში კი - შესანიშნავი ლებრონ ჯეიმსის. ესაუბრეთ მათ „კოსმიური შეჯიბრის“ მსგავსი სხვა ფილმების შესახებაც, რომლებშიც ანიმაცია და ცოცხალი შესრულება საუცხოოდ არის კომბინირებული, მაგ. „მერი პოპინსი,“ „ვის უნდოდა კურდღელი როჯერის გაყიდვა?“

4. ბავშვი

მუნჯი კინოს ეს შავ-თეთრი შედევრი, შესაძლოა, ბევრ მშობელს მოძველებულად და თანამედროვე ბავშვისთვის მოსაწყენ ფილმადაც მოეჩვენოს, მაგრამ ჩარლი ჩაპლინის ამ საოცარ ნამუშევარს აქტუალობა ჯერ კიდევ არ დაუკარგავს. აუცილებელია, რომ ბავშვს ადრეული ასაკიდანვე ჩამოუყალიბოთ კარგი გემოვნება. ჩაპლინის გაცნობა ნაადრევი არასდროსაა.

5. მევიოლინე სახურავზე

ბავშვები ხარისხიანი მიუზიკლების ყურებასაც უნდა მიაჩვიოთ. მართალია, აღნიშნული ფილმი საკმაოდ დიდხანს გრძელდება (ის სამ საათიანია), მაგრამ მისი ყურებისას ბავშვს უამრავი კარგი სიმღერის მოსმენა შეუძლია. გარდა ამისა, „მევიოლინე სახურავზე“ ბავშვისთვის ისტორიის ერთ-ერთი საუკეთესო და სახალისო გაკვეთილია.

6. საოცრება 34-ე ქუჩაზე

„საოცრება 34-ე ქუჩაზე“ საუკეთესო სადღესასწაული ფილმია, რომელიც ბავშვმა ოჯახთან ერთად აუცილებლად უნდა ნახოს. თქვენს შვილს მსგავსი სიამოვნების მიღების შესაძლებლობა არ უნდა წაართვათ.

7. ვილი ვონკა და შოკოლადის ქარხანა

აღნიშნული ფილმი ნამდვილი სასწაულია, რომელიც ბავშვთან ერთად ოჯახურ გარემოში უნდა ნახოთ. „ ვილი ვონკა და შოკოლადის ქარხანა“ ოსკარ უალიდის ცნობილი პიესის „როგორი მნიშვნელოვანია, ვიყოთ სერიოზული“ მიხედვით არის გადაღებული. სასურველია ბავშვს ფილმის ორიგინალი ვერსია აჩვენოთ და არა - რიმეიქი.

8. მერი პოპინსი

დისნეის შედევრი „მერი პოპინსი“ ანიმაციისა და ცოცხალი შესრულების საოცარი ნაზავია, რომელიც ნებისმიერ ასაკში მყოფ ადამიანს ხიბლავს. ზღაპრული ძიძის ისტორიის ყურება ბავშვს საოცარ განწყობაზე დააყენებს.

9. მაპეტების განძთა კუნძული

განძის საძიებლად საზღვაო მოგზაურობაში წასული გმირების ისტორიით ნებისმიერი პატარა მოიხიბლება. ფილმის მთავარი გმირი კაპიტან ჯეკ ბეღურას ანალოგია, რომელიც ბავშვების გულის მოგებას მარტივად ახერხებს. ფილმის მუსიკალური გაფორმება კი კინოს ისტორიაში ერთ-ერთი საუკეთესოა.

10. უოლესი და გრომიტი - ნავსი შარვალი

თანამედროვე ანიმაციური ფილმების უმეტესობა ძალიან ხმაურიანი და მძაფრსიუჟეტიანია. უოლესისა და გრომიტის ანიმაცია კი თანამედროვე ანიმაციისგან ძალიან განსხვავდება და ბავშვის განწყობაზე დადებითად ზემოქმედებს. „უოლესი და გრომიტი - ნავსი შარვალი“ ბრიტანული კომედიის ნამდვილი კლასიკაა, რომელიც არამხოლოდ ბავშვებს, ზრდასრულებსაც ხიბლავს ჯანსაღი იუმორით. ფილმი ექსცენტრიკული გამომგონებლის უოლესისა და მისი ერთგული ძაღლის გრომიტის თავგადასავლებს გვაცნობს.

ავტორი: ია ნაროუშვილი

წაიკითხეთ სრულად