Baby Bag

​როგორ ჩამოვუყალიბოთ ბავშვებს ჯანსაღი კვების ჩვევა?

​როგორ ჩამოვუყალიბოთ ბავშვებს ჯანსაღი კვების ჩვევა?

მშობლად ყოფნა უამრავ სასიამოვნო მომენტთან ერთად, დიდ პასუხისმგებლობას მოიცავს. ერთ-ერთი ასეთი მნიშვნელოვანი საკითხი ბავშვებში ჯანსაღი კვების ჩვევების ფორმირებაზე ზრუნვაა. საკვები, რომელსაც ბავშვი პატარა ასაკიდანვე მიირთმევს, შემდგომში გადამწყვეტ როლს ასრულებს მისი ფიზიკური, მენტალური ჯანმრთელობისა და კოგნიტიური ფუნქციების ჩამოყალიბებაში.

ჯანსაღი კვების მნიშვნელობა ბავშვებში მეტად სერიოზული საკითხია. შიმშილის გრძნობის დაკმაყოფილების გარდა, საკვები ნივთიერებები, რომლებსაც ბავშვის ორგანიზმი იღებს, პირდაპირ აისახება ფიზიკურ ზრდაზე, ტვინის განვითარებასა და იმუნურ ფუნქციაზე. მაგალითად, თუ მოზარდი ინტენსიურად მიირთმევს გადამუშავებულ, შაქრიან საკვებს და არაჯანსაღ ცხიმებს, ამან შეიძლება გამოიწვიოს სიმსუქნე, დიაბეტი, გულ-სისხლძარღვთა და სხვა ქრონიკული დაავადებები. ამიტომ, ბავშვის დღიური რაციონი აუცილებლად უნდა შეიცავდეს შემდეგი ტიპის საკვებ პროდუქტებს: ხი​ლი, ბოსტნეული, ხორცი, მარცვლე​ული, ბურღულეული, თხი​ლეული. სწორედ დაბალანსებული კვების რაციონიდან ითვისებს მოზარდის ორგანიზმი აუცილებელ ვიტამინებს, მინერალებსა და ანტიოქსიდანტებს.

სტატიაში განხილულია პრაქტიკული რჩევები, რომლებიც მშობლებს დაეხმარება ბავშვებში ჯანსაღი კვების ჩვევების ფორმირებაში.

სამაგალითო ქცევა

​​
ყველა ბავშვისთვის მშობელი მისაბაძი მაგალითია. კვლევები აჩვენებს, რომ ის ბავშვები უფრო მარტივად ეჩვევიან ჯანსაღ კვებას, რომელთა მშობლებიც ასევე ჯანსაღად იკვებებიან. ამრიგად, ხილით, ბოსტნეულითა და ზოგადად, ნუტრიენტებით მდიდარი საოჯახო კერძების მომზადება ჯანსაღი ჩვევების ფორმირებაში წამყვან როლს თამაშობს. ისეთ მარტივ ქმედებებს, როგორებიცაა, ვაშლით ან სტაფილოთი წახემსება, შეუძლია დიდი შთაბეჭდილება მოახდინოს ბავშვზე.

163,000+ Healthy Eating Family Stock Photos, Pictures & Royalty-Free Images  - iStock | Healthy eating family overweight, Healthy eating family dinner

ბავშვების ჩართვა საჭმლის მომზადების პროცესში

ბავშვების ჩართვა საჭმლის მომზადების პროცესში არა მხოლოდ ასწავლით მათ ცხოვრებისეულ საბაზისო უნარებს, არამედ ხელს უწყობს ჯანსაღ კვებასთან პოზიტიური განწყობის ჩამოყალიბებას. ბავშვების დახმარება მომდევნო დღის კვების რაციონის დაგეგმვაში, სასურსათო საყიდლებში და მომზადების პროცესში მნიშვნელოვნად იწვევს ცნობისმოყვარეობას ჯანსაღი კვების მიმართულებით. შესაძლებელია წაახალისოთ და მისცეთ ასაკის შესაბამისი დავალებები, როგორებიცაა, ხილისა და ბოსტნეულის გარეცხვა, გახეხვა ან დაჭრა. საჭმლის ერთად მომზადება ახალისებს მზადების პროცესს, შედეგად კი პატარები განსაკუთრებული სიამოვნებით მიირთმევენ საკუთარი ხელით მომზადებულ კერძებს.

How to grocery shop with a toddler - LIFE WITH BOBUX | Bobux

მრავალფეროვანი არჩევანი

ბავშვთა კვებაში მრავალფეროვნება უმნიშვნელოვანესია. ნაცნობი პროდუქტების პარალელურად, შესთავაზეთ ბავშვებს ახალი ინგრედიენტები და გემოები. სცადეთ რეცეპტები, რომლებიც შეიცავს ფერების, ტექსტურებისა და გემოების ნაზავს. ასევე ჩართეთ ისინი გადაწყვეტილების მიღების პროცესშიც. ნება მიეცით აირჩიონ ის ხილი, ბოსტნეული ან სხვა ჯანსაღი საკვები, რომელსაც დღის განმავლობაში მიირთმევენ.

20 Fun, Healthy Snacks for Kids | Taste of Home

კვების პროცესი - სახალისო აქტივობა

ბავშვებისთვის მნიშვნელოვანია ნებისმიერი ტიპის საკვები მიწოდებული იყოს სახალისო და კრეატიული გზით. იმისთვის, რომ ჯანსაღი კვება მიმზიდველი გახდეს, საჭმლის მომზადებისას მხიარული ელემენტების ჩართულობას დიდი მნიშვნელობა ენიჭება. მაგალითად, შესაძლებელია ნებისმიერი კერძი ბავშვის თვალისთვის მომხიბვლელად გაფორმდეს. დაჭერით ხილი და ბოსტ​ნეული სახალისო ფორმებად, შემდეგ კი მორთეთ მომზადებული კერძი.

school lunch boxes for kids with food in the form of funny faces - Your  Choice Nutrition

გახსოვდეთ, რომ ბავშვობაში ჩამოყალიბებულ გემოვნებასა და ჩვევებს დიდი როლი აქვს ზრდასრულ ასაკში ჯანსაღი კვების რუტინის ფორმირებაში. ნებისმიერი ქმედება, რომელიც ჩვევაში უნდა გადაიზარდოს, მოთმინებასა და თანმიმდევრულობას მოითხოვს, თუმცა ზემოთ ჩამოთვლილი რჩევები პროცესის გამარტივებაში დაგეხმარებათ.

აღნიშნული ჯანსაღი პროდუქტების მომარაგება შესაძლებელია ონლაინ მაღაზიიდან „ჩემი მარ​აგი“, რომელიც მომხმარებელს 250-მდე დასახელების მარცვლ​ეულს, ბურღულეულს, ჩირეულს, თხილეულს, ხილსა და ბოსტნეულს სთავაზობს სხვადასხვა მომსახურებასთან ერთად. ასორტიმენტი მოიცავს სხვადასხვა კატეგორიის საუკეთესო ხარისხის პროდუქტებს ქვეყანაში უკონკურენტო ფასად. საუკეთესო ონლაინ შეძენის გამოცდილება იქმნება ხელით ნარჩევი პროდუქტების სახლის კარამდე მიტანის სერვისით, რომელიც მოიცავს ნებისმიერი მოცულობის შეკვეთის შესაძლებლობასა და მთელი ქვეყნის მასშტაბით უფასო მიწოდებას.

R.​

შეიძლება დაინტერესდეთ

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

,,მაწონი არის ძალიან სასარგებლო და უნიკალური პროდუქტი, რაც ქართველებს გვაქვს, თუმცა...'' - ბავშვთა კვებაზე პედიატრი ანა მაღრაძე საუბრობს

რატომ უნდა ამოიღოს მშობელმა კატეგორიულად შვილის კვების რაციონიდან შაქარი და რა უარყოფით შედეგებამდე შეიძლება, მიიყვანოს მოზარდი ტკბილეულისკენ მიდრეკილებამ - ამის შესახებ ,,რადიო ფორტუნასთან" საუბრისას პედიატრმა, ანა მაღრაძემ განმარტა.

,,ტერმინი ,,გასინჯვა" უკვე არასწორია, რადგან ბავშვთა კვება არის ერთ-ერთი მთავარი და უმნიშვნელოვანესი საფეხური ჩვენთვის, პედიატრებისთვის და ბავშვებისთვის. სწორედ  სწორ კვებას ეფუძნება ბავშვის ჯანმრთელობა, მისი სწორი ფიზიუკრი და გონებრივი განვითარება. შესაბამისად, ნებისმიერი საკვები ინგრედიენტი ბავშვის კვების რაციონში შეგვაქვს გარკვეული ასაკობრივი კატეგორიის მიხედვით.

მაწონი არის ძალიან სასარგებლო და უნიკალური პროდუქტი, რაც ქართველებს გვაქვს. თუმცა, მისი ადრეული ასაკიდანვე დაწყება, რა თქმა უნდა, ბავშვისთვის არასასურველია. ეს არის ცოცხალი პროდუქტი, რომელიც შეიცავს ისეთ ბაქტერიებს, რომლებიც ჩვენს ნაწლავურ მიკროფლორაში იწვევენ დუღილის პროცესს. მისი გადადამუშავებელი ფრმენტები ერთ წლამდე ასაკის ბავშვებს, ფაქტობრივად, არ აქვთ. 

პირველი კვება, როგორც წესი, იწყება ან მარცვლეულის ფაფით ან, გამონაკლის შემთხვევებში, ბოსტნეულის პიურით. რა თქმა უნდა, შემდგომ უკვე ვამატებთ ხილს, ოღონდ ყველაფერი ერთად, ცხადია, არ უნდა შევიტანოთ ბავშვის საკვებ მენიუში, არამედ - სათითაოდ, მინიმუმ, რამდენიმეკვირიანი ინტერვალებით.  თვითონ მარცვლეულის ფაფასაც ვაძლევთ სათითაოდ, სხვადასხვა სახეობას, რათა, აუტანლობის ან ალერგიის შემთხვევაში, მარტივად შევძლოთ დიფერენცირება.

ფაფების დატკბობა არავითარ შემთხვევაში არ შეიძლება. ზოგადად, შაქარი და მარილი არის ორი ყველაზე მავნე პროდუქტი, რაც კაცობრიობას გააჩნია. მშობლებს კატეგორიულად ვაფრთხილებ ხოლმე, მინიმუმ 5 წლამდე ბავშვმა საერთოდ არც კი უნდა იცოდეს, რა არის ტკბილეული. ვაძლევთ მხოლოდ მარცვეულის ფაფას, თავიდან - ურძეოს და შემდგომ, ნელ-ნელა შემოგვაქვს რძიანი. არანაირი შაქრის დანამატი არც ფაფაში და არც შემდეგ სხვა საკვებში არ უნდა იყოს. ორ წლამდე ტკბილეულს კატეგორიულად ვკრძალავთ. შაქრის რაოდენობა, რაც საკვებ რაციონში უნდა შედიოდეს, არის 30, მაქსიმუმ 40 გრამი. ამაზე მეტი შაქარი არ უნდა მიიღოს ბავშვმა, ის არანაირ ტკბილეულს არ უნდა იღებდეს - არანაირ ტკბილ სითხეს, არანაირ ტკბილ საკვებს. მათ შორის, ოჯახში გამომცხვარი ორცხობილებიც არ უნდა შეიცავდეს შაქარს. არომატისთვის ხშრად ვურჩევ ხოლმე, გამოიყენონ ცოცხალი ხილი. 

შაქარი, ზოგადად, ძალიან ბევრ რაიმეს აზიანებს. ის ორგანიზმში არღვევს მეტაბოლიზმს, იწყება ინსულინალური აპარატის გადატვირთვა, გამოფიტვა, რაც განაპირობებს დიაბეტს, ბავშვობის ასაკში შეიძლება - იყოს სიმსუქნის წინაპირობა, ბავშვთა ასაკში განვითარებული ჭარბი წონა მოზრდილ ასაკში სწორედ დიაბეტის განვითარების პირობებს ქმნის", - აღნიშნავს ანა მაღრაძე.


წყარო: ,,​რადიო ფორტუნა"

წაიკითხეთ სრულად