Baby Bag

2022 წლის საუკეთესო მასწავლებლის გამოსავლენად კონკურსები ცხადდება

2022 წლის საუკეთესო მასწავლებლის გამოსავლენად კონკურსები ცხადდება

მასწავლებელთა პროფესიული განვითარების ეროვნული ცენტრი, მასწავლებლის პროფესიის პოპულარიზაციის, პრესტიჟის ზრდის, წარმატებული პედაგოგიური პრაქტიკის გამოვლენისა და საზოგადოებისათვის საუკეთესო მასწავლებლების წარდგენის მიზნით, ატარებს ყოველწლიურ კონკურსებს.

2022 წლის საუკეთესო მასწავლებლის გამოსავლენად კონკურსები ცხადდება:

• 2022 წლის ქართული ენისა და ლიტერატურის საუკეთესო მასწავლებელი;
• 2022 წლის ფრანგული ენის საუკეთესო მასწავლებელი;
• 2022 წლის გერმანული ენის საუკეთესო მასწავლებელი;
• 2022 წლის რუსული ენის საუკეთესო მასწავლებელი;
• 2022 წლის იტალიური ენის საუკეთესო მასწავლებელი;


თითოეული კონკურსის ფარგლებში გამოვლინდება ერთი გამარჯვებული.

კონკურსებში მონაწილეობა შეუძლიათ საქართველოს საჯარო და კერძო სკოლების უფროს, წამყვან და მენტორ მასწავლებლებს, სულ მცირე 3 წლიანი პედაგოგიური გამოცდილებით.

3. კონკურსში მონაწილეობა ნებაყოფლობითია.

4. . კონკურსში კანდიდატის წარდგენის უფლება აქვს:

ა) თავად პედაგოგს, რომელიც ავსებს ცენტრის მიერ განსაზღვრულ ფორმას (იხ.ბმული).
ბ) პედაგოგიური / სამეურვეო საბჭოს გადაწყვეტილებით სკოლის ადმინისტრაციას;
გ) ადგილობრივ მუნიციპალიტეტს და/ან არასამთავრობო ორგანიზაციას;
დ) საგანმანათლებლო რესურსცენტრებს;
ე) პროფესიულ გაერთიანებას.
„ბ-ე“ ქვეპუნქტებით გათვალისწინებული პირების მიერ მასწავლებლის კანდიდატურის მასწავლებელთა პროფესიული განვითარების ეროვნულ ცენტრში წარდგენის შემდეგ ცენტრი წერილობით მიმართავს მასწავლებელს იმისთვის, რათა მან შეავსოს დანართით განსაზღვრული ფორმა ცენტრის ვებგვერდზე მითითებული ბმულის მეშვეობით ცენტრის მიერ დადგენილ ვადაში.


რეგისტრაციის ვადა: 2022 წლის 20 სექტემბრიდან - 7 ოქტომბრის ჩათვლით.


კონკურსში გამარჯვებული უნდა აკმაყოფილებდეს შემდეგ კრიტერიუმებს:

ა) საგნის და მისი სწავლების ღრმა და საფუძვლიანი ცოდნა - რაც გამოვლინდება წერილობით (მასწავლებლის პროფესიულ საქაღალდეში არსებული დოკუმენტების შემოწმება) და ზეპირად (მაქსიმუმ 3 წუთიანი ვიდეოჩანაწერი) წარმოდგენილი „ჩემი პედაგოგიური კრედოს“, რომელიც შეფასდება „ ჩემი პედაგოგიური კრედო „ -ს შეფასების რუბრიკით, საშუალებით, ასევე, მასწავლებლის მიერ ჩატარებულ გაკვეთილზე/ გაკვეთილებზე დასწრებით,(გაკვეთილის ფასდება მასწავლებლის შეფასების სტანდარტიზებული ინსტრუმენტების დამტკიცების შესახებ“ ცენტრის დირექტორის ფუნქციების დროებითი შემსრულებლის 2019 წლის 12 ივნისის N124 ბრძანებით, დამტკიცებული მასწავლებლის შეფასების სტანდარტიზებული ინსტრუმენტის მიხედვით).

ბ) შემოქმედებითი უნარების დემონსტრირება - რაც გამოვლინდება მასწავლებლის მიერ გამოქვეყნებული მასალებით (წერილები, მეთოდური და სასწავლო ლიტერატურა, ბლოგი);
გ) მოსწავლეების სწავლის შედეგების დინამიკა - რაც დადასტურდება მოსწავლეების ქცევის, აკადემიური მოსწრების გაუმჯობესების ამსახველი მასალით;
დ) სწავლების ინოვაციური და ეფექტური მიდგომების გამოყენება - რაც დადასტურდება გაკვეთილზე დასწრებით და სხვა გაკვეთილების გეგმების გაცნობით;
ე) ზოგადსაკაცობრიო ღირებულებების სწავლება - რაც გამოვლინდება ეთნიკური, კულტურული, რელიგიური განსხვავებულობის მიმართ ტოლერანტული დამოკიდებულებით;
ვ) საზოგადოებრივი აღიარება და სამოქალაქო აქტივობა - რაც გამოვლინდება მასწავლებლის როლით და მონაწილეობით სასკოლო თუ საზოგადოებრივ ცხოვრებაში, მისი რეპუტაციით და აღიარებით თემის, ადგილობრივი მოსახლეობის, კოლეგების, სკოლის ადმინისტრაციისა და ფართო საზოგადოების მიერ (მაგ. მონაწილეობა საზოგადოებრივ საქმიანობაში, სკოლისა და თემისათვის გაწეული ღვაწლი,დამსახურება).
ზ) პროფესიული განვითარება და გამოცდილების გაზიარება - რაც დადასტურდება მასწავლებლის მუდმივი ზრუნვით როგორც საკუთარ, ისე კოლეგების პროფესიულ განვითარებაზე (ჩართულობა პროფესიული განვითარების სხვადასხვა აქტივობაში; პედაგოგიური პრაქტიკის კვლევა; დამწყები და მომავალი მასწავლებლების მხარდაჭერა კონსულტაციის, მენტორინგის ან სხვა საშუალებებით; სხვა სახის საქმიანობა პროფესიის პოპულარიზაციის მიმართულებით).


რეგისტრაციისათვის, გთხოვთ ეწვიოთ ბმულს :
https://rb.gy/llzg7t

საკონკურსო აპლიკაციებში ყველა ველის შევსება სავალდებულოა. წინააღმდეგ შემთხვევაში მონაწილე გამოეთიშება კონკურსს.


საკონკურსო ვიდეოში (მაქსიმუმ 3წთ. ხანგრძლივობის) ისაუბრეთ:

1. თქვენთვის , როგორც პედაგოგისათვის მნიშვნელოვანი პრინციპებისა და ღირებულებების შესახებ;
2. აღნიშნეთ (მოიყვანეთ მაგალითები), როგორ ასახვას პოულობს ეს პრინციპები და ღირებულებები თქვენს პედაგოგიურ პრაქტიკაში

გთხოვთ, ვიდეოჩანაწერი გადმოგზავნოთ შემდეგ მისამართზე: [email protected]

შეიძლება დაინტერესდეთ

იწყება მომზადება მასწავლებელთა სასერთიფიკაციო გამოცდისთვის კომპიუტერულ ტექნოლოგიებში

იწყება მომზადება მასწავლებელთა სასერთიფიკაციო გამოცდისთვის კომპიუტერულ ტექნოლოგიებში
მასწავლებელთა სასერთიფიკაციო გამოცდებამდე სულ უფრო ცოტა დრო რჩება და გამოცდისთვის მომზადება აქტიურ ფაზაში გადადის. ამიტომ გთავაზობთ რეგისტრაციას საგნის გამოცდებისთვის მოსამზადებელ ტრენინგ-კურსზე კომპიუტერულ ტექნოლოგიებში.

ტრენინგს ჩაატარებს გამოცდილი ტრენერი, მოქმედი პედაგოგი და დოქტორანტი ნუკრი ებრალიძე, რომლის მსმენელთა უმრავლესობა გამოცდებს მაღალი შედეგებით აბარებს.
კურსი მოიცავს როგორც თეორიულ, ასევე პრაქტიკული ნაწილის სწავლებას, კერძოდ:
თეორიული ნაწილი:
  • კომპიუტერის (არქიტექტურა) აგებულება და მასთან დაკავშირებული მოწყობილობები, ინფორმაციის ცნება, თვლის სისტემები („2“, „10“, „16“)
  • ოპერაციული სისტემა Windows 10 ნავიგაცია (Control Panel), BIOS, გრაფიკული რედაქტორი
  • ლოკალური და გლობალური ქსელები, ინტერნეტი Drive Storage, Mail, უსაფრთხოება(Security, Firewall) (ქსელის საფუძვლები)
პრაქტიკული ნაწილი:
  • MS OFFICE
  • Word 2019
  • Excel 2019
  • PowerPoint 2019
  • Scratch ვიზუალური პროგრამირება
ტრენინგზე რეგისტრაცია 2023 წლის 31 მარტის ჩათვლით გაგრძელდება.რეგისტრაციისთვის ეწვიეთ ბმულს:

​​
ტრენინგი 10 აპრილიდან დაიწყება და 3 თვემდე გაგრძელდება. ლექციები ჩატარდება კვირაში ორჯერ ონლაინ ფორმატში და ყოველი ლექციის ხანგრძლივობა იქნება მინიმუმ 2 საათი.

კურსის ხელმძღვანელი, დოქტორანტი ნუკრი ებრალიძე, დამატებითი ინფორმაციისთვის დარეკეთ ნომერზე - 591 988 748 ან ისარგებლეთ ელ: ფოსტით [email protected]; [email protected].

R.​

წაიკითხეთ სრულად