Baby Bag

როდიდან გაიზრდება მასწავლებელთა ხელფასები - ,,160 მი­ლი­ო­ნი ლარი მოხ­მარ­დე­ბა მას­წავ­ლებ­ლე­ბის ხელ­ფა­სე­ბის ზრდას''

როდიდან გაიზრდება მასწავლებელთა ხელფასები - ,,160 მი­ლი­ო­ნი ლარი მოხ­მარ­დე­ბა მას­წავ­ლებ­ლე­ბის ხელ­ფა­სე­ბის ზრდას''

,,2024 წელს პედაგოგების ხელფასები მნიშვნელოვნად გაიზრდება - სრულ განაკვეთზე მომუშავე მასწავლებლებს ანაზღაურება საშუალოდ 500 ლარით და მეტით მოემატებათ,'' - აღნიშნულის შესახებ პრემიერ-მინსიტრმა ირაკლი ღარიბაშვილმა მთავრობის სხდომაზე განაცხადა.

მისი თქმით, 2024 წლეს 160 მლნ ლარი განათლების სამინისტროსთვის გამოიყო: 

„ბიუჯეტის გადამუშავებული ვარიანტი გაიზრდება 700 მილიონით და მთლიანი ბიუჯეტი შეადგენს უკვე 28 მილიარდ 500 მილიონ ლარს. შედარებისთვის მინდა გითხრათ, რომ 2012 წელს ბიუჯეტი თითქმის 9 მილიარდამდე იყო. ანუ თითქმის 20-მილიარდიანი ზრდა გვაქვს 11 წელიწადში. ჩვენი გუნდის მუშაობის საკმაოდ შთამბეჭდავი შედეგი გვაქვს. რაც შეეხება დამატებით 700 მილიონის განაწილებას, როგორც პედაგოგებთან შეხვედრისას დავაანონსეთ, დამატებით 160 მლნ ლარი გამოვუყავით განათლების სამინისტროს და ჯამში, სამინისტროს ბიუჯეტი შეადგენს 2 მილიარდ 500 მილიონ ლარს. შედარებისთვის მინდა ვთქვა, რომ განათლების სამინისტროს ბიუჯეტი გაზრდილია მილიარდ რვაასი მილიონი ლარით 2012 წელთან შედარებით, 300%-იანი ზრდა გვაქვს ბოლო 11 წელიწადში. აქაც კარგად ჩანს, თუ როგორ ყურადღებას აქცევდნენ განათლებას. ასევე, როგორც უკვე ჩვენ ძვირფას მასწავლებლებს ვაცნობეთ, მნიშვნელოვნად გაიზრდება პედაგოგების ხელფასები 2024 წელს, რაც ნიშნავს იმას, რომ სრული დატვირთვით, სრულ განაკვეთზე მომუშავე მასწავლებელთა ხელფასები გაიზრდება საშუალოდ 500 ლარით და მეტით. ზოგს შეიძლება გაეზარდოს 600 ლარით, ზოგს 700 ლარით და ა.შ. ძალიან მნიშვნელოვანი ზრდა არის და მინდა ჩვენს მასწავლებლებს მადლობა ვუთხრა კიდევ ერთხელ და წარმატებები ვუსურვო. ეს არის მნიშვნელოვანი სიახლე და ჩვენი მნიშვნელოვანი გადაწყვეტილება, რომელიც სკოლების ინფრასტრუქტურის გაუმჯობესებასთან ერთად განათლების ხარისხის ამაღლების კიდევ უფრო მეტი მოტივაცია და უდიდესი კომპონენტი იქნება“, - დასძინა პრემიერ მინისტრმა. 

მასწავლებლის ხელფასის მატების საკითხს გვინდა, შემდეგი წლიდან გადავხედოთ
​მასწავლებლის ეროვნული დღე არ არის მხოლოდ ერთი დღე, ეს არის იმ პოლიტიკის დასაწყისი, რომელიც ჩვენს ხელისუფლებას გვინდა, ვაჩვენოთ პედაგოგების პროფესიული თუ სხვა განვითარების ნაწილში, – ამის შესახებ განა...
მასწავლებლის პროფესიული განვითარების სქემა და სახელფასო პოლიტიკა - გადაცემა სრულად
მასწავლებლის პროფესიული განვითარების სქემა და სახელფასო პოლიტიკა - საქართველოს განათლებისა და მეცნიერების მინისტრი, გიორგი ამილახვარი გადაცემაში გადაწყვეტილება.წყარო: ​1TV.GE

შეიძლება დაინტერესდეთ

როდის გამოქვეყნდება სხვა საგნების შედეგები

როდის გამოქვეყნდება სხვა საგნების შედეგები

შეფასებისა და გამოცდების ეროვნული ცენტრის ცნობით, სხვა საგნების შედეგები მომდევნო კვირის განმავლობაში ეტაპობრივად გამოქვეყნდება.

შეგახსენებთ, რომ გუშინ შემდეგი საგნის შედეგები გამოქვეყნდა: მათემატიკის (VII-XII), გეოგრაფიის, სამოქალაქო განათლების, ფიზიკის, ქიმიის, ბიოლოგიის, სახვითი და გამოყენებითი ხელოვნების, ფიზიკური აღზრდისა და სპორტის გამოცდების შედეგებს.

სააპელაციო განაცხადების მიღება დაიწყება ყველა საგნის გამოცდის შედეგის გამოქვეყნების შემდეგ.


2019 წლის მასწავლებელთა კომპეტენციის დადასტურებისა და საგნის მაქსიმალური და მინიმალური გამსვლელი ქულები 

წაიკითხეთ სრულად