Baby Bag

მასწავლებლის სახლში 7 დღიანი ტრენინგი ჩატარდა

მასწავლებლის სახლში 7 დღიანი ტრენინგი ჩატარდა

მასწავლებელთა პროფესიული განვითარების ეროვნული ცენტრის პროგრამის „ასწავლე საქართველოსთვის“ ფარგლებში მაღალმთიანი და ბარის შორეული სოფლების საჯარო სკოლების ვაკანტურ ადგილებზე გამოცხადებული კონკურსის შედეგად სხვადასხვა საგნობრივი ჯგუფის 19 კონსულტანტ-მასწავლებელი შეირჩა.

პროგრამის ახალ მონაწილეებს მასწავლებლის სახლში 7 დღიანი მოსამზადებელი საორიენტაციო ტრენინგები შემდეგი მიმართულებით ჩაუტარდათ:

• თანამედროვე მიდგომები სწავლებაში
• მოსწავლეზე ორიენტირებული სასწავლო გარემო - სწავლებისა და შეფასების სტრატეგიები

ტრენინგების დასრულებისთანავე პროგრამის მონაწილეები საქართველოს სხვადასხვა რეგიონის მაღალმთიანი და ბარის შორეული სოფლების საჯარო სკოლებში შესაბამის ვაკანტურ ადგილებზე განაწილდნენ (სამეგრელო/ზემო სვანეთი, კახეთი, ქვემო ქართლი, რაჭა, იმერეთი, მცხეთა-მთიანეთი, რაჭა-ლეჩხუმი/ქვემო სვანეთი).

პროგრამის მიზანია საქართველოს მაღალმთიანი და ბარის შორეული სოფლების საჯარო სკოლებში კვალიფიციური კადრების მოზიდვის გზით სწავლა-სწავლების პროცესის ხელშეწყობა და ხარისხიანი განათლების მიღების ხელმისაწვდომობის უზრუნველყოფა;

ასევე, ადგილობრივი მასწავლებლების უწყვეტ პროფესიულ განვითარებაზე ზრუნვა, არაფორმალური განათლების ხელშეწყობა და თანამშრომლობითი კულტურის განვითარება.

შეიძლება დაინტერესდეთ

კითხვები, რომელთაც მასწავლებლის სახლის დირექტორს, ბერიკა შუკაკიძეს დაუსვამდით

კითხვები, რომელთაც მასწავლებლის სახლის დირექტორს, ბერიკა შუკაკიძეს დაუსვამდით

ახალი სასწავლო წლის დაწყებასთან ერთად პედაგოგებს მასწავლებელთა საქმიანობაში დაგეგმილ და განხორციელებულ სიახლეებთან დაკავშირებით უამრავი კითხვა აქვთ. 

მოგვწერეთ დღესვე თქვენი კითხვა მეილზე  - [email protected] და ჩვენ შევეცდებით პასუხები მასწავლებლის სახლის დირექტორისგან მივიღოთ. 

წაიკითხეთ სრულად