Baby Bag

გეოგრაფიის მასწავლებლებისთვის ონლაინ პრეზენტაცია ჩატარდება

გეოგრაფიის მასწავლებლებისთვის ონლაინ პრეზენტაცია ჩატარდება

მასწავლებლეთა პროფესიული განვითარების ეროვნული ცენტრის ინფორმაციით, გეოგრაფიის მასწავლებლებისთვის 10 დეკემბერს, 15:00 საათზე ვებინარი ჩაატარდება. ვებინაზე განხილული იქნება თემა „მდგრადი განვითარების მიზნები“ და ასევე აქტივობები, რომლებიც დაეხმარება მასწავლებლებს გეოგრაფიის გაკვეთილზე მოსწავლებისთვის ამ მიზნების უკეთ გაცნობასა და გაცნობიერებაში.

ვებინარებში მონაწილეობა შეეძლება გეოგრაფიის ყველა მასწავლებელს ან მასწავლებლობის მსურველს. ვებინარში ჩართვა შესაძლებელი იქნება კომპიუტერით ნებისმიერი ადგილიდან, სადაც არის ინტერნეტთან წვდომა. მასწავლებლებს შეეძლებათ კითხვების დასმა და მათზე პასუხების მიღება.

ვებინარებზე ჩართვის მსურველები უნდა დარეგისტრირდნენ ამ ბმულზე - ​„მდგრადი განვითარების მიზნები და აქტივობები მათი სწავლებისათვის“.

ვებინარებს გაუძღვება მასწავლებელთა პროფესიული განვითარების ეროვნული ცენტრის ათასწლეულის გამოწვევის ფონდის - საქართველოს მასწავლებელთა და სკოლის დირექტორთა პროფესიული განვითარების პროექტის გეოგრაფიის კონსულტანტი, გეოგრაფიის დოქტორი მაია ბლიაძე.

შეიძლება დაინტერესდეთ

მიხეილ ბატიაშვილი: „თქვენ ხართ ჩვენი ქვეყნის ყველაზე საამაყო ადამიანები, რომელებმაც არაერთი წარმატებული თაობა აღზარდეთ“

მიხეილ ბატიაშვილი: „თქვენ ხართ ჩვენი ქვეყნის ყველაზე საამაყო ადამიანები, რომელებმაც არაერთი წარმატებული თაობა აღზარდეთ“

განათლების რეფორმის ფარგლებში საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი თბილისის კლასიკური გიმნაზიის ღვაწლმოსილ პედაგოგებს შეხვდა და ზოგადი განათლების რეფორმის თაობაზე დეტალური ინფორმაცია მიაწოდა.

პედაგოგებთან შეხვედრაზე საუბარი შეეხო საპენსიო ასაკის პრაქტიკოსი პედაგოგებისთვის სახელმწიფოს მიერ შეთავაზებული ჯილდოს მნიშვნელობას, რაზეც მინისტრმა მათთან პირადად ისაუბრა.

მიხეილ ბატიაშვილმა პედაგოგებს კიდევ ერთხელ გადაუხადა მადლობა მრავალწლიანი ნაყოფიერი პედაგოგიური საქმიანობისთვის და აღნიშნა, რომ მათი ღვაწლი წარმატებული თაობების აღზრდის საქმეში ფასდაუდებელია.

„თქვენ ხართ ჩვენი ქვეყნის ყველაზე საამაყო ადამიანები, რომლებმაც არაერთი წარმატებული თაობა აღზარდეთ,“ - განაცხადა მინისტრმა მათთან შეხვედრაზე.

თავის მხრივ, პედაგოგებმა მადლობა გადაუხადეს მიხეილ ბატიაშვილს ამ ჰუმანური მიდგომისა და საპენსიო ასაკის პრაქტიკოსი პედაგოგებისთვის შეთავაზებული ჯილდოსთვის:

„სახელმწიფოს მხრიდან საპენსიო ასაკის პრაქტიკოსი პედაგოგებისათვის შემოთავაზებული ჯილდო პირადად ჩემთვის როგორც ფინანსური ასევე, მორალური მხარდაჭერის გამოცხადებაა“, - განაცხადა თბილისის კლასიკური გიმნაზიის რუსული ენის პედაგოგმა ნათელა (სვეტა) ფანგანმა, რომელმაც პროფესიიდან გასვლის გადაწყვეტილება მიიღო.

განათლების რეფორმის ფარგლებში საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია ნებაყოფლობითი არჩევანის საფუძველზე 2019 წელს სახელმწიფოსგან მიიღონ ერთჯერადი ფულადი ჯილდო - ორი წლის ჯამური ხელფასი; ამასთან, შეუნარჩუნდებათ ჯანმრთელობის დაზღვევის პაკეტი მთელი სიცოცხლის განმავლობაში (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების შენარჩუნებით).

წაიკითხეთ სრულად