Baby Bag

რა უნდა გაკეთდეს დისტანციური სწავლების გაუმჯობესებისთვის? - დღეს ამ თემაზე მასწავლებლებისთვის დისკუსია გაიმართება

რა უნდა გაკეთდეს დისტანციური სწავლების გაუმჯობესებისთვის? - დღეს ამ თემაზე მასწავლებლებისთვის დისკუსია გაიმართება

რა უნდა გაკეთდეს დისტანციური სწავლების გაუმჯობესებისთვის? ამ თემაზე დღეს, 15 მაისს 17:00 საათზე ​მასწავლებლის ეროვნული ჯილდოს გვერდზე დისკუსია გაიმართება. 

დისკუსიას ჟურნალისტი ნინო ზაუტაშვილი წარუძღვება. ხოლო მონაწილეები იქნებიან:
  • გიორგი ჭანტურია - განათლების კოალიციის დირექტორი
  • მანანა რატიანი - მასწავლებლის პროფესიული განვითარების ეროვნული ცენტრის დირექტორის მოადგილე
  • რევაზ აფხაზავა - განათლების კოალიციის პოლიტიკის ადვოკატირების ოფიცერი
  • ხათუნა გოგალაძე - მასწავლებლის ეროვნული ჯილდოს ათეულთა კლუბის წევრი

ფეისბუქ ლაივის მაყურებლებს შეეძლებათ კითხვების დასმა ონლაინ რეჟიმში.

შეიძლება დაინტერესდეთ

,,სკოლა ვალდებული იქნება, შექმნას სამედიცინო პუნქტების ფუნქციონირებისათვის შესაბამისი პირობები''

,,სკოლა ვალდებული იქნება, შექმნას სამედიცინო პუნქტების ფუნქციონირებისათვის შესაბამისი პირობები''

სკოლა ვალდებული იქნება, სკოლის ტერიტორიაზე მოსწავლეთა ჯანმრთელობის დაცვისა და სრულყოფილი განვითარებისათვის შექმნას სამედიცინო პუნქტების ფუნქციონირებისათვის შესაბამისი პირობები. კანონში შესატანი ცვლილების ინიცირება განათლების, მეცნიერებისა და კულტურის კომიტეტის სხდომაზე განხორციელდა.

კომიტეტის თავმჯდომარის, გენადი მარგველაშვილის განცხადებით, კანონის 26-ე მუხლის პირველ პუნქტს დაემატება ქვეპუნქტი, რომლის მიხედვითაც, საქართველოს განათლების, მეცნიერების, კულტურისა და სპორტის მინისტრი დაამტკიცებს ზოგადსაგანმანათლებლო დაწესებულების სამედიცინო პერსონალის სტანდარტს.

„კოვიდ19-მა დაგვანახა, რომ ეს აქტუალური საკითხია და სწორად, კომპლექსურად უნდა იყოს გადაჭრილი. აღსანიშნავია, რომ სამინისტროში უკვე მიმდინარეობს სამედიცინო პერსონალის სტანდარტის შემუშავების პროცესი“, - განაცხადა გენადი მარგველაშვილმა.

ცვლილება შედის მოქმედი კანონის თვითონ 26-ე მუხლში, როლის მიხედვითაც, საქართველოს განათლების, მეცნიერების, კულტურისა და სპორტის სამინისტრო საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან ერთად დაამტკიცებს ზოგადსაგანმანათლებლო დაწესებულებების სამედიცინო პუნქტების ფუნქციონირების წესს.

„კანონპროექტით, 2023 წლის 1 იანვრამდე საქართველოს განათლების, მეცნიერების, კულტურისა და სპორტის სამინისტრომ უნდა უზრუნველყოს ყველა ზოგადსაგანმანათლებლო დაწესებულებაში სამედიცინო პუნქტების ფუნქციონირება“, - აღნიშნა გენადი მარგველაშვილმა.

დეპუტატებმა მხარი დაუჭირეს კანონპროექტს. კომიტეტის გადაწყვეტილებით, „ზოგადი განათლების შესახებ“ კანონში შესატან ცვლილებებს პარლამენტი დაჩქარებული წესით განიხილავს.

წაიკითხეთ სრულად