Baby Bag

როდის დაიწყება 5-კრედიტიანი ტრენინგები და ფორმით ჩატარდება

როდის დაიწყება 5-კრედიტიანი ტრენინგები და ფორმით ჩატარდება

პედაგოგები ისევ 5-კრედიტიანი ტრენინგების​ დაწყების მოლოდინში არიან. როდის და რა ფორმით ჩატარდება ტრენინგები, ამ კითხვით მივმართეთ მასწავლებელთა პროფესიული განვითარების ეროვნულ ცენტრს. როგორც ცენტრში განგვიცხადეს, ამ კითხვაზე პასუხი ჯერ არ არის ცნობილი:

„როგორც კი ტრენინგების ჩატარების დრო დაზუსტდება, ინფორმაცია განთავსდება ცენტრის ვებგვერდზე“, - აღნიშნეს მასწავლებლის სახლში.

შეგახსენებთ, რომ მასწავლებელთა პროფესიული განვითარების ეროვნული ცენტრის ხელძღვანელმა ბერიკა შუკაკიძემ ჩვენთან ​ინტერვიუში განაცხადა, ხუთკრედიტიანი ტრენინგების მეშვეობით პრაქტიკოსი მასწავლებლები კრედიტების შევსებასა და უფროსი მასწავლებლის სტატუსის მოპოვებას შეძლებენ.

„პრაქტიკოს პედაგოგს მიეცემა უფლება, 19 კრედიტქულამდე გარე მექანიზმებით შეივსოს და დაადასტუროს კომპეტენცია. რას ნიშნავს გარე მექანიზმები? - 5 კრედიტის ფარგლებში მასწავლებელს ექნება შესაძლებლობა, გაიაროს ტრენინგმოდულები და წარმატებით გავლის შემთხვევაში, დააგროვოს 5 კრედიტი. თუ გამოცდა არ აქვს ჩაბარებული, პარალელურად ჩააბაროს და ამით შეივსოს 19 კრედიტქულამდე. გარე მექანიზმებია ტრენინგები და გამოცდა.

დღეს სისტემაში 14 000-მდე პრაქტიკოსი მასწავლებელია, მათგან დაახლოებით 7 000-მდე პედაგოგს არც ერთი გამოცდა არა აქვს ჩაბარებული და შესაბამისად, კომპეტენცია არ აქვს დადასტურებული. 2 000-მდე მასწავლებელს ორივე საგანი ჩაბარებული აქვს, 2 700 მასწავლებელს საგნის გამოცდა აქვს ჩაბარებული, 2 300-ს კი პროფესიული უნარების გამოცდა.

პედაგოგებს 3 კრედიტის მოპოვება შეეძლებათ საგნობრივი კომპეტენციის ტრენინგებიდან, 2 კრედიტის - პროფესიული უნარების ტრენინგებიდან. მასწავლებლებს ტრენინგ მოდულების წარმატებით გავლის შემთხვევაში, 1-დან 5-მდე კრედიტის დაგროვების შესაძლებლობა ექნებათ. პედაგოგები მათთვის სასურველი და საჭირო კრედიტქულის შესაბამისი ტრენინგმოდულის შერჩევას შეძლებენ,“ - განაცხადა მასწავლებელთა პროფესიული განვითარების ეროვნული ცენტრის ხელმძღვანელმა ბერიკა შუკაკიძე.

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლები​ს სანდო წყარო“

შეიძლება დაინტერესდეთ

ტრენინგები მოქმედი პრაქტიკოსი მასწავლებლებისთვის და სკოლაში დასაქმებული მასწავლებლობის მაძიებელთათვის

ტრენინგები მოქმედი პრაქტიკოსი მასწავლებლებისთვის და სკოლაში დასაქმებული მასწავლებლობის მაძიებელთათვის

მასწავლებელთა პროფესიული განვითარების ეროვნული ცენტრი საგნობრივი და პროფესიული კომპეტენციების დადასტურების ტესტირებისათვის მოსამზადებელ ტრენინგებზე მსურველთა რეგისტრაციას აცხადებს. 

ტრენინგები განკუთვნილია მოქმედი პრაქტიკოსი მასწავლებლებისთვის და სკოლაში დასაქმებული მასწავლებლობის მაძიებელთათვის.

ტრენინგის გავლის აუცილებელი პირობები და მოთხოვნები:

  • ტრენინგზე რეგისტრაციის გავლა www.tpdc.ge;
  • მასწავლებლის კომპეტენციის დამადასტურებელ გამოცდაზე რეგისტრირება www.naec.ge;
  • მსურველი უნდა იყოს კონკრეტული საგნის და შესაბამისი საფეხურის მოქმედი პრაქტიკოსი მასწავლებელი/მოქმედი მაძიებელი;
  • განათლების დაწყებითი საფეხურის (I-IV) კლასების კომბინირებულ გამოცდაზე გამსვლელ პირს მხოლოდ ერთი საგნობრივი მიმართულებით (ქართული, მათემატიკა, ბუნებისმეტყველება) აქვს ტრენინგის გავლის შესაძლებლობა;
  • კომპეტენციების დადასტურების მოსამზადებელი ტრენინგი/ები არ უნდა ქონდეს გავლილი 2019 წელს.

ტრენინგები არ ანიჭებს კრედიტქულას.

ტრენინგზე მონაწილეები გაეცნობიან კომპეტენციების დადასტურების ტესტირების მოთხოვნებს, ტესტის სტრუქტურას, ტესტის შევსების ტექნიკას და შეძლებენ საგნობრივი ცოდნის მობილიზებას.

ტრენინგებზე დამსწრეთა რაოდენობა შეზღუდულია.

რეგისტრაციისთვის მიჰყევით ბმულს

წაიკითხეთ სრულად