Baby Bag

„შესაძლოა, სექტემბერში მათ სტატუსი აიმაღლონ“ - ბერიკა შუკაკიძე კარიერული წინსვლის დეტალებზე

„შესაძლოა, სექტემბერში მათ სტატუსი აიმაღლონ“ - ბერიკა შუკაკიძე კარიერული წინსვლის დეტალებზე

„მასწავლებლებზე ვიზრუნეთ, რომლებსაც ჩაბარებული აქვთ გამოცდები, მაგრამ არ აქვთ დაგროვებული 19 კრედიტქულა (აკლდებათ 1-დან 5 კრედიტამდე). მათ მიეცემათ შესაძლებლობა, რომ ეს დანაკლისი იმ ტრენინგების ხარჯზე შეავსონ, რომელსაც ჩვენ შევთავაზებთ, ცხადია, უფასოდ,“ - ამის შესახებ მასწავლებლის სახლის დირექტორმა ბერიკა შუკაკიძემ ,​,ახალ განათლებასთან'' ინტერვიუში განაცხადა. 

„დაახლოებით, ერთ კვირაში დავიწყებთ ​ტრენინგებს და შესაძლოა, სექტემბერში მათ სტატუსი აიმაღლონ. ასეთი 1000-მდე პრაქტიკოსი მასწავლებელია,“ - დასძინა ბერიკა შუკაკიძემ. 

მისივე თქმით, სქემაში განაწილებულ უფროს მასწავლებლებს, რომლებმაც 2020 წლის 31 იანვრისთვის მიიღეს 15 კრედიტქულა და შესრულებული აქვთ ორი სავალდებულო აქტივობა, გარე დაკვირვების გარდა, 2020 წლის სექტემბრიდან მიეცემათ უფლება, გაიარონ გარე დაკვირვება. წარმატებით გავლის შემთხვევაში, თავისთავად, მათ წამყვანის სტატუსი მიენიჭებათ. ასევე, წამყვანი მასწავლებლები, რომლებსაც 2020 წლის 31 იანვრისთვის მიღებული აქვთ 25 კრედიტქულა და განხორციელებული აქვთ ყველა სავალდებულო აქტივობა, ელექტრონული პროფესიული საქაღალდის მონიტორინგის განხორციელების შემდეგ, მენტორის სტატუსი მიენიჭებათ.

,,რაც შეეხება სამომავლოდ, მასწავლებლის რეგულირების წესის მიხედვით, მასწავლებელთა კარიერულ წინსვლას, აქ უკვე საჭირო იქნება შესაბამისი გამოცდის ჩაბარება პროფესიულ უნარებში, რომელიც ჯერ მზად არ არის,'' - აღნიშნა მასწავლებლის სახლის დირექტორმა. 

🔘

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებ​ლების სანდო წყარო“.

სქემაში შესული 5 ცვლილება, რომლის შესახებ ინფორმაციას მასწავლებლები დიდი ხანი ელოდებოდნენ
​MomsEdu.ge გთავაზობთ მოკლედ იმ 5 ცვლილების შესახებ, რაც სქემაში შევიდა:1. 2020 წელს, პირველად სპეციალურ მასწავლებლებს პრაქტიკოსი მასწავლებლის სტატუსი მიენიჭათ;2. პრაქტიკოს მასწავლებლებ...

შეიძლება დაინტერესდეთ

„ჩემო გემრიელებო, წუწუნებო, ბაჯაღლოებო, ვწერთ შეუჩერებლად!“ - მასწავლებლის მიმართვა აბიტურიენტებს

„ჩემო გემრიელებო, წუწუნებო, ბაჯაღლოებო, ვწერთ შეუჩერებლად!“ - მასწავლებლის მიმართვა აბიტურიენტებს
ბათუმის N2 საჯარო სკოლის ქართული ენისა და ლიტერატურის მასწავლებელი, შპს „მეგასკოლის" ხარისხის მართვის მენეჯერი ანა ლორია სოციალურ ქსელში წინასაგამოცდოდ აბიტურიენტებს მიმართავს:


​„ალბათ, უცნაური მოლოდინის ჟრუანტელი გივლით ახლა ტანში. ხვალ გამოცდაა. ვინ იცის, რა მოვა? როგორი სირთულის ტექსტი იქნება? თქვენი ორჭოფობა რომ ვიცი, დაიწყებთ ახლა სიღრმეებში ბოდიალობას, არიქა, აქაა მთავარი სათქმელიო. ზოგი გვირილასავით მიუდგება, ან ეს იქნება, ან- ესო... გახსოვთ ხომ ამ დროს ჩემი რეაქცია? 

ხოდა, თუ არ გინდათ გაბრაზებული ანიკო საჰაერო დილიჟინსით შემოგიფრინდეთ აუდიტორიაში და კაპასი თვალებით გადმოგხედოთ, დროულად მიაგენით მთავარ სათქმელს! 

თორემ გპირდებით, ერთი ანიკო რა რთული ასატანია და გაავებული რომ ათას ატომად დავიშლები და მოვეფინები აუდიტორიებს, მერე ნახეთ თქვენ! ..
ამიტომაც, პირველ რიგში, როცა ჩართავთ საგამოცდო პროგრამას და ტესტს დაინახავთ, გაიღიმეთ! თან როგორ იცით, აი, უბედნიერეს ადამიანად რომ წარმოიდგენს თავს კაცი, ისე (გეცბის ღიმილი მოუხდება აქ).

მეორე, რასაც აკეთებთ, გადახედავთ გრამატიკას და თვალში რომ შეგეჩხირებათ ათასჯერ გასწორებული შეცდომები, ისევ გაიღიმეთ. ხო მარტივია? ახლა ესეს შევხედოთ. ვითომ გერთულა? ამოხედე სათვალთვალო კამერას: ნახე, თვალს გიკრავ. დამინახე ხო? თითქოს რთული ესეა? გატყუებენ, ეს ხრიკია...აბა, დააკვირდი - რა მარტივი ყოფილა...ბიჭოს! ამოისუნთქე ხო? კარგია... 


ესეს სტრუქტურა იცი და მოდი, ახლა თემას გადავხედოთ. ლექსი და მოთხრობა... გეცნოთ ხომ ერთ-ერთი? ეს უკვე მაგარია...რომელი აარჩიოთ?.. გადახედეთ შინაარსს, რომლისკენ გაგიწევთ გული? ისევ ორჭოფობთ?.. უნდა დაგეხმარო თ რა...იგრძენით ნიავი? უფრო სიო, ხო? .. სხვა ვერაფერი მოვიფიქრე, ხოდა მარჯვენა მხარეს შემოისვით ლექსი, მარცხენა მხარეს-მოთხრობა... და დამელოდეთ...სულ 1-2 წუთი და მოვფრთხიალდები...ჰეეე, საიდან გრძნობთ ქროლას? თუ მენდობით, მოგაგებინებთ ამ რაუნდს.. ანუ ავირჩიეთ? გადასარევია.... ვიწყებთ წერას...ვისხენებთ ყველაფერს, რამდენს ვბჭობდით მთავარ სათქმელზე? აქედან ვგრძნობ, როგორ გინათდებათ გონება!!! 


აუ, ახლა რომ შემეძლოს, ყავას ან ცხელ შოკოლადს მოგირბენინებდით, კანფეტსაც მოვაყოლებდი ან ფუნთუშას და შეგიქმნიდით კომფორტულ ზონას. ამის გარეშეც შეიძლება! წარმოდგენაში გააცოცხლებთ ჩვენს ოთახს (ატიკუსეთს) და შეუდგებით წერას, დარწმუნებული და თავდაჯერებული... რა კარგად გამოგდით, ყოჩაღ თქვენ! გრძნობთ ხო მონიტორის დაჟინებულ ცქერას? ფანჯრის მინაც ირეკლავს რაღაც ნათებას, ხო? საათის ისარი გასუქებული გეჩვენება?.. აი , რამდენ ადგილას ვარ ჩამალული და რაღა გაშინებთ? თუ მაინც ვერ დაძლიე შიში, მაშინ ირგვლივ ჰაერს დააკვირდი, როგორ დამძიმდა... ნუ მსუბუქი არ ვარ... დამაცქერდით და ისე მარტივად მიგანიშნებთ, ვერავინ გაიგებს!  


აბა, ჩემო გემრიელებო, წუწუნებო, ბაჯაღლოებო, ვწერთ შეუჩერებლად!.. ძალიან მიყვარხართ და ეს სიყვარული იმდენად დიდია, არ მოგცემს შეჩერების უფლებას!!!“ - წერს მასწავლებელი.

წაიკითხეთ სრულად