Baby Bag

,,ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?''

,,ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?''

,,მასწავლებელი ან არის კარგი ან ცუდი. ეს ის სპეციალობაა, ,,საშუალო" რომ არ გამოდგება შასაფასებლად. მასწავლებელი მოსწავლეებს ან უყვართ/პატივს სცემენ ან არ უყვართ (ცუდ შემთხვევაში სძულთ), შესაძლოა არანაირი გრძნობა არ ჰქონდეთ, ესაც ძალიან ცუდია. 

მასწავლებლის სტატუსი (პრაქტიკოსი, უფროსი, წამყვანი, მენტორი) არანაირ კავშირში არ არის - კარგია მასწავლებელი თუ ცუდი, როგორ გაკვეთილს ატარებს საინტერესოს თუ უინტერესოს ან საერთოდ არ ატარებს. 

რას ნიშნავს მასწავლებლის წინსვლა? - აბა, ვცადოთ და ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?

წინსვლა, ჩემი აზრით, უნდა იყოს სხვა სახის და ის პიროვნულ თვისებებზე უნდა იყოს მიბმული. მაგ. მივედი სკოლაში პრაქტიკოს მასწავლებლად, გავხდი მასწავლებელი, შემდეგ უფროსი მასწავლებელი, ამის მერე კათედრის ხელმძღვანელი, შემდეგ დირექტორის მოადგილე, შემდეგ დირექტორი. 

ესაა წინსვლა სკოლის დონეზე. როგორია მასწავლებელი, ამის შეფასებას მოსწავლე გააკეთებს ყველაზე კარგად. ხოლო თუ რა შედეგებს დებს, ესაც მისი მოსწავლეების ცოდნისა და უნარ-ჩვევების შედეგების მიხედვით განისაზღვრება. 

მოდით ჩავატაროთ ექსპერიმენტი - შევიდეთ ნებისმიერ სკოლაში და დავესწროთ სხვადასხვა სტატუსის მასწავლებლებს გაკვეთილზე, წინასწარი გაფრთხილების გარეშე. დავინახავთ, რომ ჩვეულებრივი მიმდინარე გაკვეთილია (დაუდგმელი), არაფრით განსხვავდება ერთმანეთისგან. (არ შეიძლება არ ავღნიშნოთ მასწავლებლების მცირე ჯგუფი, მათი აქტივობები სოციალურ ქსელშიც ჩანს). მაგალითად, მოვიყვან - ჩემი სკოლის მასწავლებლებს, როგორ გაკვეთილსაც ატარებდნენ პრაქტიკოსის სტატუსით - ისეთივეს ატარებენ უფროსის სტატუსითაც. მაშინ ამიხსენით, რა საჭიროა ამდენი წვალება (გამოცდები, ტრენინგები..) თუ საკლასო ოთახში არ გადმოვიდა მასწავლებლების ახალშეძენილი ცოდნა და უნარ-ჩვევები?''

ავტორი: ელზა ბადაშვილი

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავ​ლებლების სანდო წყარო“

,,გავშიფროთ, რას თხოვენ მასწავლებლებს...''
ავტორი: თბილისის 136-ე სკოლის დირექტორი ელზა ბადაშვილი მოიწონეთ გვერდი „მას​წავლებლების სანდო წყარო“

შეიძლება დაინტერესდეთ

Momsedu.ge-ს ახალი პროექტი - „მასწავლებლის ხმა“

Momsedu.ge-ს ახალი პროექტი - „მასწავლებლის ხმა“

მედიაპორტალი ​​MomsEdu.ge ახალ პროექტს  - „მასწავლებლის ხმას“ იწყებს. 

„მასწავლებლის ხმა“ პედაგოგებს მოგცემთ შესაძლებლობას, ფართო აუდიტორიას მიაწოდოთ თქვენი ფიქრები, მოსაზრებები, იმსჯელოთ და წეროთ აქტუალურ თემებზე, გასცეთ და მიიღოთ რჩევები და გამოცდილება, ერთად გადაჭრათ პრობლემები, გამართოთ დისკუსია მნიშვნელოვან საკითხებზე.

პროექტი ემსახურება მასწავლებლის ინფორმირებას, გამოცდილების გაზიარებას, პროფესიული ზრდის ხელშეწყობას და მასწავლებლის პროფესიის პოპულარიზაციას. ჩვენი მიზანია, თქვენთან ერთად შევქმნათ უკეთესი საზოგადოება უკეთეს სკოლასთან და უკეთეს მასწავლებლებთან ერთად. 

ამ სივრცეში თქვენ შეგიძლიათ თქვენი პუბლიცისტური ნაშრომების, ბლოგებისა და სტატიების გამოქვეყნება. ბლოგი უნდა ეხებოდეს განათლების სფეროს, სკოლას, მასწავლებლებს, მოსწავლეებს.

თქვენი ტექსტი უნდა მოიცავდეს 500-700 სიტყვას. არ გამოგრჩეთ თქვენი სახელის, გვარის და იმ საგნის მითითება, რომელსაც ასწავლით.
​MomsEdu.ge-ს რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს გთხოვთ, გაითვალისწინოთ ჩვენი სარედაქციო პოლიტიკა და წესები.

ჩვენ არ ვაქვეყნებთ მასალებს, რომლებიც შეიცავს 
დისკრიმინაციას, ცილისწამებას, დისკრედიტაციას, უხამსობას, შეურაცხყოფას, ძალადობისკენ მოწოდებას, სიძულვილის ენას, პორნოგრაფიას, მუქარას.
ტექსტი გამოგზავნეთ ვორდის დოკუმენტით.

მასალები მოგვაწოდეთ ელექტრონულ ფოსტაზე - [email protected] (subject-ში ჩაწერეთ „მასწავლებლის ხმა“)

ტექსტები ქვეყნდება შინაარსის შეუცვლელად.

დამატებითი კითხვების შემთხვევაში დაგვიკავშირდით ნომერზე: 577 378 936

წაიკითხეთ სრულად