Baby Bag

ბერიკა შუკაკიძემ 9 სპეცმასწავლებელს სერტიფიკატები გადასცა

ბერიკა შუკაკიძემ 9 სპეცმასწავლებელს სერტიფიკატები გადასცა

მასწავლებელთა პროფესიული განვითარების ეროვნულ ცენტრში ტრენინგის მონაწილე სპეცმასწავლებლები დაჯილდოვდნენ. 9 სპეცმასწავლებელს ცენტრის დირექტორმა ბერიკა შუკაკიძემ სერტიფიკატები გადასცა.

2017-2018 წლებში მასწავლებლებმა უსინათლო და მცირემხედველთა მობილობა-ორიენტაციაში 50 საათიანი სასერტიფიკატო და პრაქტიკული კურსები გაიარეს, რაც მათ საშუალებას აძლევს იმუშაონ როგორც უსინათლოთა საჭიროების მიმართულებით სკოლებში, ასევე ზრდასრულ უსინათლოებთან მათი დამოუკიდებლად ცხოვრებისა და გადაადგილების გაზრდის მიზნით.

არასამთავრობო ორგანიზაციამ "მარიანი" სპეცმასწავლებლებს ბრაილის შრიფტით დაბეჭდილი წიგნები და სხვა საჩუქრები გადასცა. 

შეიძლება დაინტერესდეთ

მასწავლებლის სახლი მორიგ კრედიტქულიან ტრენინგზე რეგისტრაციას აცხადებს

მასწავლებლის სახლი მორიგ კრედიტქულიან ტრენინგზე რეგისტრაციას აცხადებს

მასწავლებელთა პროფესიული განვითარების ეროვნული ცენტრი მორიგ კრედიტქულიან ტრენინგზე - ​„მოსწავლეზე ორიენტირებული სასწავლო გარემო - სწავლებისა და შეფასების სტრატეგიები“ რეგისტრაციას აცხადებს. 

ცენტრის ცნობით, ტრენინგი განკუთვნილია ყველა მოქმედი მასწავლებლისათვის ვისაც აღნიშნული კურსი არ აქვს გავლილი.

როგორც მასწავლებლის სახლის მიერ გავრცელებულ ინფორმაციაშია აღნიშნული, ტრენინგზე მონაწილეები გაეცნობიან: შემაჯამებელი შეფასების სხვადასხვა ფორმებს, შეფასების რუბრიკის შექმნის წესსა და შეფასების პროცესში გასათვალისწინებელ უმთავრეს პრინციპებს. მოდულში განსაკუთრებული აქცენტი კეთდება განმავითარებელი შეფასებისა და დიფერენცირებული სწავლების მნიშვნელობაზე და სასწავლო პროცესში მათ მიზნობრივად და ეფექტურად გამოყენებაზე. ტრენინგის მსვლელობისას მოხდება განმავითარებელი შეფასებისა და დიფერენცირებული სწავლების ინსტრუმენტების მოდელირება და მონაწილეებს მიეცემათ მათი გამოყენებისა და იმ საგანთან ადპტირების შესაძლებლობა, რომელსაც ასწავლიან.

„მოდული მონაწილეებს ასევე დაეხმარება შეფასების შედეგების გენდერის, სოციალური განსხვავებებისა და განსაკუთრებული საჭიროებების გათვალისწინებით გაანალიზებასა და სწავლების პროცესის შესაბამისად მოდიფიცირებაში.

ტრენინგ მოდულის ხანგრძლივობაა: 12 საკონტაქტო საათი (ტრენინგი ტარდება ორი დღის განმავლობაში,დღეში 6 საათი.)

ტრენინგის წარმატებით გავლის შემთხვევაში პედაგოგს მიენიჭება 1 კრედიტი“, - აღნიშნულია მასწავლებელთა პროფესიული განვითარების ეროვნული ცენტრის მიერ გავრცელებულ ინფორმაციაში.

რეგისტრაციისთვის მიჰყევით ბმულს: ​ტრენინგზე რეგისტრაცია

წაიკითხეთ სრულად