Baby Bag

თუ პროფესიული უნარების გამოცდაზე 10 კრედიტს მოიპოვება გსურთ - პრაქტიკოსი პედაგოგების საყურადღებოდ!

თუ პროფესიული უნარების გამოცდაზე 10 კრედიტს მოიპოვება გსურთ - პრაქტიკოსი პედაგოგების საყურადღებოდ!
პედაგოგთა პროფესიული ზრდის ცენტრი პრაქტიკოსი მასწავლებლებისთვის საგამოცდოდ ტრენინგზე რეგისტრაციას აცხადებს. ცენტრის ინფორმაციით, ტრენინგს ატარებს გამოცდილი ტრენერი. მის მიერ მომზადებულმა ყველა აპლიკანტმა გამოცდა წარმატებით ჩააბარა.

​„თუ ხართ პრაქტიკოსი პედაგოგი და გამოცდაზე სამსახურის შესანარჩუნებლად გიწევთ გასვლა, მაშინ ნამდვილად დაგჭირდებათ რჩევა გამოცდილი ტრენერისგან, რომელიც თვითონ ასწორებს მასწავლებლის საგნის გამოცდებს. მან ზუსტად იცის, რას უნდა მიაქციოთ ყურადღება ტესტის დაწერისას, ის გირჩევთ, როგორი მეთოდით გააკეთოთ დავალებები და გასწავლით „ხრიკებს“ ტესტის ადვილად დასაწერად. მის მიერ მომზადებულმა ყველა აპლიკანტმა გამოცდა წარმატებით ჩააბარა“,  - აცხადებენ 
პედაგოგთა პროფესიული ზრდის ცენტრში.

​ტრენინგზე რეგისტრაცია სრულდება 3 ნოემბერს. ხანგრძლივობა - 12 მეცადინეობა, თითო მეცადინეობა 2-საათიანია.

​სრული კურსის ღირებულება 150 ლარი

​მეცადინეობა დაიწყება 4 ნოემბრიდან

​რეგისტრაციისთვის ეწვიეთ ბმულს: https://forms.​gle/Z1asrE9oxswMHyxA8

​ან დარეკეთ ნომერზე 592477277.
R.

შეიძლება დაინტერესდეთ

საჯარო სკოლის დირექტორის ახალი სტანდარტი დამტკიცდა

საჯარო სკოლის დირექტორის ახალი სტანდარტი დამტკიცდა

საქართველოს განათლების, მეცნიერების, კულტურისა და სპორტის მინისტრის ბრძანებით, საჯარო სკოლის დირექტორის ახალი სტანდარტი დამტკიცდა.​ 

დოკუმენტში აღნიშნულია, რომ საჯარო სკოლის დირექტორის სტანდარტი განსაზღვრავს საჯარო სკოლის დირექტორის ცოდნასა და უნარებს, პროფესიულ ღირებულებებსა და ვალდებულებებს. სტანდარტში თავმოყრილია ის აუცილებელი კომპეტენციები, რომლებიც მოეთხოვება საჯარო სკოლის ხელმძღვანელ პირს.

სტანდარტი შეიძლება გამოყენებულ იქნეს:

„ა) დირექტორის მიერ თავისი საქმიანობისა და პროფესიული განვითარების დაგეგმვის მიზნით – დირექტორს საშუალება ეძლევა თვითშეფასების საფუძველზე სტანდარტთან მიმართებით შეაფასოს თავისი კომპეტენციები, განსაზღვროს რა თეორიული ცოდნის შეძენა და პრაქტიკული უნარების განვითარება ესაჭიროება მას იმისათვის, რომ დააკმაყოფილოს სტანდარტის მოთხოვნები და უზრუნველყოს პროფესიული განვითარება;

ბ) დირექტორის შერჩევის მიზნით – სტანდარტთან მიმართებით კადრების შერჩევა და მათი კომპეტენციების შეფასება სახელმწიფოს საშუალებას აძლევს გამჭვირვალედ და ობიექტურად დაგეგმოს და განახორციელოს დირექტორის სერტიფიცირება;

გ) დირექტორის შეფასების მიზნით – დირექტორის საქმიანობის შეფასება შეიძლება ხორციელდებოდეს როგორც სასკოლო საზოგადოების, ისე სახელმწიფოს მხრიდან. ამ შემთხვევაში განსაკუთრებული მნიშვნელობა მის პრაქტიკულ მიღწევებს ენიჭება, თუ როგორი გარემოა სკოლაში, როგორია სკოლის მოვლა-პატრონობის პრაქტიკა, როგორია სასკოლო კულტურა. ამოსავალი კი არის სწავლა-სწავლების გამართული პროცესი, რომელშიც თითოეული მოსწავლისთვის შექმნილია მისი სწავლისა და განვითარებისთვის პოზიტიური გარემო;

დ) დირექტორის მომზადების მიზნით – უმაღლესი საგანმანათლებლო დაწესებულებები სტანდარტების საფუძველზე ამზადებენ სკოლების მომავალ ხელმძღვანელებს. სტანდარტი თავის მხრივ უნივერსიტეტებისთვის არის ორიენტირი ამ სტანდარტის მოთხოვნის შესაბამისი პროგრამების მოსამზადებლად და საგანმანათლებლო პროგრამების აკრედიტაციის წარმატებით გასავლელად“.

ბრძანების თანახმად, სტანდარტის სტრუქტურა წარმოდგენილია ოთხი ძირითადი მიმართულებით, რომლებიც ურთიერთდამოკიდებული და თანაბრად მნიშვნელოვანია:

ა) საგანმანათლებლო ლიდერობა;

ბ) სასწავლო პროცესის ადმინისტრირება და ანგარიშვალდებულება;

გ) თვითგანვითარება და თანამშრომელთა პროფესიული განვითარება;

დ) თემთან, ინსტიტუციებთან და დაინტერესებულ მხარეებთან თანამშრომლობა.

საჯარო სკოლის დირექტორის სტანდარტი სრულად იხილეთ ბმულზე - სკოლის დირექტორის ​სტანდარტი

განათლების, მეცნიერების, კულტურისა და სპორტის სამინისტრო საჯარო სკოლის დირექტორობის მსურველთათვის ​სერტიფიცირების პროცესს იწყებს. სერტიფიცირების მსურველთათვის ელექტრონული რეგისტრაცია სამინისტროს ვებგვერდზე www.directors.mes.gov.ge 3 თებერვალს დაიწყება და 17 თებერვალს დასრულდება.

წაიკითხეთ სრულად