Baby Bag

„სჯობს, თოვლის ბაბუის რიტუალი ბავშვისთვის უპირობო სიყვარულთან ასოცირდებოდეს“

„სჯობს, თოვლის ბაბუის რიტუალი ბავშვისთვის უპირობო სიყვარულთან ასოცირდებოდეს“

დღესასწაულების და მასთან დაკავშირებული ატრიბუტიკის მნიშვნელობის შესახებ ​MomsEdu.ge-ს ესაუბრა ფსიქოლოგი თეონა ლოდია, რომელმაც რჩევები მოგვცა, როგორ გავახაროთ სადღესასწაულო დღეებით ჩვენი შვილები.

თეონა ლოდია: მნიშვნელოვანია, რომ დღესასწაული ბავშვისთვის სასიამოვნო ემოციებთან იყოს დაკავშირებული, რასაც პირველ რიგში განაპირობებს გარშემომყოფთა დამოკიდებულება, განწყობილება. ბავშვი სწავლობს მისთვის მნიშვნელოვანი ადამიანების ქცევაზე დაკვირვებით და თუკი ის ხედავს, რომ ადამიანებს მის ირგვლივ ახარებთ დღესასწაულები, საგანგებოდ ემზადებიან ამისთვის, ისიც სწავლობს ამ დღეებს სიხარულით შეხვდეს.

- რამდენად უნდა იყვნენ ბავშვები ჩართულები დიდ წინასადღესასწაულო სამზადისში?

- სადღესასწაულო განწყობას ქმნის სამზადისში, კონკრეტულ რიტუალებში მონაწილეობა. ამით ბავშვი რაღაც მნიშვნელოვანის ნაწილად და, შესაბამისად, თავადაც მნიშვნელოვნად გრძნობს თავს. გასათვალისწინებელია ის გარემოება, რომ საქმიანობები, რომლებში ჩართვასაც ბავშვს ვთავაზობთ, მის შესაძლებლობებს უნდა შეესაბამებოდეს - შეეძლოს დამოუკიდებლად ან უფროსის დახმარებით გამკლავება, მხოლოდ ასე მიიღებს ის სიამოვნებას პროცესისგან. დღესასწაულთან დაკავშირებულ რიტუალებში მონაწილეობა ურთიერთმხარდაჭერის, კომუნიკაციის გაუმჯობესების საშუალებად შეგვიძლია ვაქციოთ. აქვე აღვნიშნავ, რომ მომავალში თავიანთ შვილებს ის ადამიანები უწყობენ დღესასწაულებს, რომლებსაც თავად აქვთ ამგვარი გამოცდილება, დადებით ემოციები აკავშირებთ კონკრეტულ დღესასწაულებთან. ამავდროულად, მნიშვნელოვანია გავითვალისწინოთ, რომ დღესასწაულების დროს ბავშვს ხანგრძლივად არ უნდა დაერღვეს დღის რუტინა. თუკი ასე მოხდება, ეს უარყოფით გავლენას მოახდენს ბავშვის ემოციურ მდგომარეობაზე.

- თოვლის პაპის რეალურობა-არარეალურობა როგორ დავაბალანსოთ ისე, რომ სასწაულის არსებობაც არ გაუვუქროთ და არც ტრავმა მიიღონ მოზრდილობის ასაკში?

- 6 წლამდე ასაკის ბავშვის აზროვნების განვითარებისთვის ნიშანდობლივია, რომ ფანტაზიასა და რეალობას შორის ზღვრის გავლება უჭირს. ამიტომაც კეთილი ბაბუის არსებობა, რომელსაც ყოველწლიურად საჩუქრები მოაქვს ბავშვისთვის, მისი რეალობის ნაწილია. ეს, ერთი მხრივ, ბავშვის ფანტაზიას ავითარებს, მეორე მხრივ კი, ისევ და ისევ დადებითი ემოციების განცდით მნიშვნელოვან ადამიანად აგრძნობინებს თავს. არ არის რეკომენდებული, თუკი თოვლის ბაბუის მიერ საჩუქრების მოტანას ბავშვის დასასჯელად გამოვიყენებთ („იმიტომ არ მოგიტანა, რომ კარგად არ იქცეოდი“). აჯობებს, თოვლის ბაბუის რიტუალი ბავშვისთვის უპირობო სიყვარულთან ასოცირდებოდეს. ასაკის მატებასთან ერთად, აზროვნების განვითარების კვალდაკვალ, ბავშვს თავად უჩნდება შეკითხვები თოვლის ბაბუის არსებობასთან დაკავშირებით, ხშირად ისეც ხდება, რომ უფრო ინფორმირებული თანატოლი ან უფროსი და-ძმა არის მაპროვოცირებელი ამ შეკითხვის გაჩენის. უნდა გვახსოვდეს, რომ ეს სწორედ ის დროა, როცა სიმართლე უნდა გავამხილოთ, ავუხსნათ, თუ რატომ არ ვუთხარით აქამდე. მნიშვნელოვანია, ბავშვმა გააცნობიეროს, რომ ამ კეთილ ტყუილს მხოლოდ მისი გაბედნიერების მიზანი ჰქონდა. შესაძლოა, ვერ ავაცილოთ თავიდან იმედგაცრუება, მაგრამ იმედგაცრუების დაძლევაც საჭირო უნარია, რომლის განვითარებაშიც უნდა დავეხმაროთ მას.

- საჩუქრების მიმართ მათი დამოკიდებულება როგორი უნდა იყოს და რა საშუალებით შევქმნათ?

- მნიშვნელოვანია, ბავშვი ჩავრთოთ სხვებისთვის საჩუქრების მომზადების პროცესში, ამით ის სხვებზე ზრუნვას სწავლობს და, მეორე მხრივ, უფრო უადვილდება თოვლის ბაბუის არარსებობასთან დაკავშირებული რეალობის მიღება - ხვდება, რომ თურმე დედ-მამა უმზადებდა მას საჩუქრებს. 

ესაუბრა ელენე ოვაშვილი

ბავშვის პირველი ახალი წელი - 15 რჩევა დაუვიწყარი დღესასწაულის მოსაწყობად
p.p1 {margin: 0.0px 0.0px 0.0px 0.0px; font: 12.0px Times} p.p2 {margin: 0.0px 0.0px 0.0px 0.0px; text-align: justify; font: 10.0px Helvetica} p.p3 {margin: 0.0px 0.0px 0.0px 0.0px; text-align: justi...
„არავითარ შემთხვევაში ბავშვს არ უნდა უთხრათ, რომ თოვლის ბაბუა არ არსებობს,“ - ლევან წულაძე
რეჟისორმა ლევან წულაძემ მშობლებს ურჩია, ბავშვებს არ უთხრან, რომ თოვლის ბაბუა არ არსებობს:„არავითარ შემთხვევაში ბავშვს არ უნდა უთხრათ, რომ თოვლის ბაბუა არ არსებობს. ეს ძალიან დიდი სტრესია ბავშვისთვის....

შეიძლება დაინტერესდეთ

„ეს საახალწლო ტრადიცია მაქვს, რომ განვმარტოვდები ორი წუთით, მიზნად ვისახავ, რას გავაკეთებ,“ - სალომე ბაკურაძე

„ეს საახალწლო ტრადიცია მაქვს, რომ განვმარტოვდები ორი წუთით, მიზნად ვისახავ, რას გავაკეთებ,“ - სალომე ბაკურაძე

მომღერალმა სალომე ბაკურაძემ ახალი 2022 წლის მიმართ მისი მოლოდინების შესახებ ისაუბრა და აღნიშნა, რომ იმედიანად არის განწყობილი:

„ძლივს, რა კარგი იყო, რომ გამახსენდა სამუშაო რეჟიმი. ისევ კონცერტები, ისევ ჩქარობ, ისევ გეგმავ, ისევ ბევრი ტანსაცმელი მანქანაში. ამან ძალიან გამახარა და დამიბრუნა რწმენა, რომ 2022 წელი ნამდვილად იქნება გარდამტეხი და ნელ-ნელა დავუბრუნდებით ჩვეულ რეჟიმს. ახალ წელს შევხვდი სიმღერით, შუშხუნა ღვინით ხელში. დავთვალე ათიდან ერთამდე.“

სალომე ბაკურაძის თქმით, პანდემიის გამო არსებული შეზღუდვების პირობებში ცხოვრების ეტაპი მისთვის ძალიან რთულ პერიოდთან ასოცირდება:

​ურთულესი პერიოდი იყო. ძალიან მძიმე იყო, მით უმეტეს, ჩემთვის. მივხვდი, რომ მხოლოდ კარგ ხასიათზე ვართ საჭირო, მეტი უფუნქციოები ვართ. რჩები საყვარელი საქმისა და შემოსავლების გარეშე.“

„მე უკვე ვგრძნობ, რომ ეს წელი ბევრად უკეთესი იქნება. ეს საახალწლო ტრადიცია მაქვს, რომ განვმარტოვდები ორი წუთით, მოკლე ექსკურსს ვაკეთებ, მიზნად ვისახავ რაღაცებს, რასაც გავაკეთებ. რაც უფრო კონკრეტულია ხოლმე ეს მიზნები, მით უფრო ერთ წელიწადში ესწრება,“ - აღნიშნულ საკითხზე სალომე ბაკურაძემ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

წაიკითხეთ სრულად