Baby Bag

თუ გინდათ შობის ღამეს განსაკუთრებულად შეხვდეთ, გამოაცხვეთ უგემრიელესი გურული ღვეზელი

თუ გინდათ შობის ღამეს განსაკუთრებულად შეხვდეთ, გამოაცხვეთ უგემრიელესი გურული ღვეზელი
ახლოვდება შობის ღამე და თუ გინდათ მას განსაკუთრებულად შეხვდეთ, გამოაცხვეთ უგემრიელესი გურული ღვეზელი. 

გურული ღვეზელის მოსამზადებლად დაგჭირდებათ, ცომი, ყველი და მოხარშული კვერცხები (თითო ღვეზელისთვის 2 ცალი და ზემოდან გადასასმელად კი 1 ცალი).

როგორ უნდა მოამზადოთ ცომი?

შეათბეთ რძე, შეურიეთ მარილი და წყალში გახსნილი საფუარი. აღნიშნულ მასას დაუმატეთ ფქვილი და ზეთი. ჩაზილეთ ცომი და დაყავით რამდენიმე ნაწილად. ბურთები შეფუთეთ და ასაფუებლად დადეთ თბილ ადგილას.
ამოფუების შემდეგ ცომს დაუმატეთ ფქვილი და კიდევ ერთხელ ჩაზილეთ. ცომი გაყავით ოთხ ნაწილად. ისევ შეფუთეთ და დადგით თბილ ადგილას დაახლოებით 10-15 წუთით. ცომი მზად არის.

ღვეზელს შეგიძლიათ ნებისმიერი ფორმა მისცეთ, თუმცა სასურველია, ნახევარმთვარისებური გამოაცხოთ.

გაფუებული ცომი გაყავით სასურველი ზომის გუნდებად და დაალაგეთ 10-15 წუთი ხელახლა ასაფუებლად. მოხარშული კვერცხები დაჭერით რამდენიმე ნაწილად და ყველი გახეხეთ.

ნახევარმთვარისებურად გააბრტყელეთ ცომი. ერთ ნაწილზე დაალაგეთ ყველი და გაჭრილი კვერცხები, ზემოდან კი ცომის მეორე ნაწილი დაადეთ. სანამ გამოცხობას დაიწყებთ, ღვეზელს ათქვეფილი კვერცხი გადაუსვით და 180-200 გრადუსზე 20-25 წუთი გამოაცხვეთ. 

გემრიელად მიირთვით 😊

შეიძლება დაინტერესდეთ

დიეტური ქათმის სალათი, რომელიც ქალების საყვარელი კერძი გახდა - მომზადება უმარტივესია

დიეტური ქათმის სალათი, რომელიც ქალების საყვარელი კერძი გახდა - მომზადება უმარტივესია

ნუცა სურგულაძე დაბალკალორიული და მარტივი კერძის - დიეტური ქათმის სალათის რეცეპტს გთავაზობთ, რომელიც საჭირო ვიტამინებითა და მიკროელემენტებითაა გაჯერებული. 

ჯანსაღი სალათა წონის კლებაში დაგეხმარებათ. 

საჭირო ინგრედიენტები:

  • ქათმის ფილე - 500 გრამი
  • ბულგარული წიწაკა - 2 ცალი ( ან რა ბოსტნეულიც გიყვართ, უმი სახით)
  • სალათის ფურცელი
  • ლიმონი
  • სტაფილო - 1 ცალი
  • ბერძნული იოგურტი ან დაბლენდერებული სქელი მაწონი
  • კამა

მომზადების წესი იხილეთ ვიდეოში👇

წაიკითხეთ სრულად