Baby Bag

ბავშვების მკურნალობის პროტოკოლი შეიცვალა - თამარ გაბუნიას განცხადება

ბავშვების მკურნალობის პროტოკოლი შეიცვალა - თამარ გაბუნიას განცხადება

ჯანდაცვის მინისტრის მოადგილემ, თამარ გაბუნიამ ტელეკომპანია „რუსთავი 2“-თან ინტერვიუში განაცხადა, რომ ბავშვების მკურნალობის პროტოკოლი შეიცვალა. მან ის სიმპტომები დაასახელა, რომელთა გამოვლენის შემთხვევაში ბავშვებს კლინიკაში გადაჰყვანა სჭირდებათ:

„პროტოკოლი შეიცვალა. მეტად საყურადღებო, ბუნებრივია, რჩება ერთ წლამდე ასაკის ბავშვი. სხვა შემთხვევაში, თუ ბავშვს არ აქვს მაღალი ტემპერატურა დიდი ხნის განმავლობაში, რომელიც არ ექვემდებარება სიცხის დამწევს, ან არ აქვს სხვა თანხმლები სიმპტომები, ძლიერი ხველა. სხვა შემთხვევაში მისი მართვა სრულიად წარმატებით არის შესაძლებელი სახლის პირობებში. მითითებაა იმ კრიტერიუმებზე, თუ როდის არის საჭირო ბავშვის ჰოსპიტალიზაცია, რომ თავიდან ავიცილოთ არასაჭირო ჰოსპიტალიზაცია, რაც საკმაოდ სტრესულია ბავშვისთვისაც, მშობლისთვისაც და იწვევს სისტემის გადატვირთვას. ამიტომ, თუ ბავშვს არ სჭირდება ჰოსპიტალიზაცია, ბუნებრივია, ის უნდა დარჩეს ბინაზე,“ - განაცხადა თამარ გაბუნიამ.

წყარო: ​„რუსთავი 2“

შეიძლება დაინტერესდეთ

„როცა ამბობენ: „ნუ გეშინიათ, კაცო, კოვიდი მალე გრიპად გადაიქცევა!"-ო, სულ შავიუმორიანი გაცვეთილი ანეკდოტი მახსენდება,“ - დავით გადელია

„როცა ამბობენ: „ნუ გეშინიათ, კაცო, კოვიდი მალე გრიპად გადაიქცევა!"-ო, სულ შავიუმორიანი გაცვეთილი ანეკდოტი მახსენდება,“ - დავით გადელია

ბოჭორიშვილის სახელობის კლინიკის გენერალური დირექტორი დავით გადელია სოციალურ ქსელში პოსტს აქვეყნებს, რომელშიც კოვიდის გრიპთან შედარების საკითხს ეხმაურება. მისი თქმით, ყველაზე ბანალურ სეზონურ გრიპებსაც სერიოზული გართულებები ახასიათებთ:

„როცა ამბობენ: „ნუ გეშინიათ,კაცო, კოვიდი მალე გრიპად გადაიქცევა!"-ო, სულ ის შავიუმორიანი გაცვეთილი ანეკდოტი მახსენდება: "-რამ მოკლა? -გრიპმა.. -აჰ, მაი არაფერი!".. თავი რომ დავანებოთ გრიპთან კოვიდის შედარებას (რამდენნაირი შტამია თანაც!), თვით ყველაზე ბანალურ სეზონურ გრიპებსაც ბევრი გართულება ახასიათებთ, რომ არაფერი ვთქვათ გრიპის ა ტიპის მუტანტებზე, რომელიც ძალიან დიდ ზიანს აყენებს კაცობრიობას,“- წერს დავით გადელია.

წაიკითხეთ სრულად