Baby Bag

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო. სოციალური მედია და ტექნოლოგიები ახალგაზრდების განვითარებისთვის ძალიან მნიშვნელოვანია. მიუხედავად იმისა, რომ ინტერნეტსა და სოციალურ მედიას განათლებისა და კომუნიკაციის სახით ბავშვებისთვის სარგებელი მოაქვს, მას ისეთი ნეგატიური ასპექტებიც აქვს, რომელიც მშობლებში შეშფოთებას იწვევს.

„TikTok“-ის პოპულარობა პანდემიის პერიოდში განსაკუთრებით გაიზარდა, როდესაც ადამიანები სახლებში იყვნენ ჩაკეტილები. ის ახალგაზრდებსა და მოზარდებში ამჟამად ყველაზე პოპულარული აპლიკაციაა. აშშ-ის რამოდენიმე შტატმა აპლიკაციის მიმართ გამოძიება დაიწყო მოზარდებისა და ახალგაზრდების ფსიქიკური ჯანმრთელობისთვის მიყენებული სავარაუდო ზიანის გამო.

შტატები იმ მავნე ზეგავლენის გამოკვლევას გეგმავენ, რომელსაც „TikTok“ მოზარდებსა და ახალგაზრდებზე ახდენს. ცნობილი აპლიკაცია აშშ-ის მთავრობის კრიტიკის ობიექტი მანამდეც ყოფილა. გამოძიების დაწყება კი მის მიმართ ნეგატიურ დამოკიდებულებას კიდევ უფრო ამძაფრებს. პოპულარულ აპლიკაციას ბავშვების დიდი ნაწილი აქტიურად იყენებს, ამიტომ მნიშვნელოვანია, მშობლები კარგად იყვნენ ინფორმირებული მისი დადებითი და ნეგატიური მხარეების შესახებ. შტატები, რომლებიც „TikTok“-ის მიმართ გამოძიებას აწარმოებენ შემდეგია: კალიფორნია, ფლორიდა, კენტუკი, მასაჩუსეტსი, ნებრასკა, ნიუ-ჯერსი, ვერმონტი და ტენესი.

გამოძიება აპლიკაციას ალგორითმის გამოყენებით მოზარდებისა და ახალგაზრდებისთვის ისეთი ვიდეოების შეთავაზებას ედავება, რომლებიც კვებითი აშლილობების, თვითდამაზიანებელი და სხვა სახის სახიფათო ქცევების წახალისებას უწყობს ხელს.

„TikTok“-მა საზოგადოების მრისხანება მანამდეც დაიმსახურა, როდესაც ცნობილი გახდა აპლიკაციაში არსებული სახიფათო გამოწვევებისა და ტენდენციების შესახებ. „TikTok“ გამოწვევებში მონაწილეობა ზოგიერთი მოზარდისთვის ფატალური აღმოჩნდა. მნიშვნელოვანია, რომ მშობლებმა შვილებისგან მიიღონ ინფორმაცია, თუ რას აკეთებენ ისინი აპლიკაციაში და რა ზიანი შეიძლება მიაყენოს მათ „TikTok“-ის გამოყენებამ.

წყარო: ​Moms.com

შეიძლება დაინტერესდეთ

რამდენიმე მარტივი ჭეშმარიტება, რომელიც, სამწუხაროდ, არ აღმოჩნდა მარტივი და ბევრჯერ გამეორებას საჭიროებს

რამდენიმე მარტივი ჭეშმარიტება, რომელიც, სამწუხაროდ, არ აღმოჩნდა მარტივი და ბევრჯერ გამეორებას საჭიროებს

რამდენიმე მარტივი ჭეშმარიტება, რომელიც, სამწუხაროდ, არ აღმოჩნდა მარტივი და ბევრჯერ გამეორებას საჭიროებს - აღნიშნული სათაურით აქვეყნებს პოსტს ინფექციონისტი მაია ბუწაშვილი, რომელსაც ​MomsEdu.ge უცვლელად გთავაზობთ:

▪️ „გადასხმები“ არ არის კოვიდის სამკურნალო საშუალება!
▪️ ანტიბიოტიკები არ არის კოვიდის სამკურნალო საშუალება!
▪️ ხველა არ ნიშნავს, რომ ადამიანს ჭირდება ანტიბიოტიკი! და საერთოდაც, კოვიდის დიაგნოზი არ ნიშნავს, რომ ადამიანს აუცილებლად ჭირდება რაიმე წამალი!
▪️ კოვიდის დიაგნოზი არ ნიშნავს, რომ ადამიანს ჭირდება კომპიუტერული ტომოგრაფიის ჩატარება!
▪️ კოვიდის მქონე პაციენტში კომპიუტერული ტომოგრაფიით პნევმონიის დიაგნოზი (და რომელიმე ქულით შეფასებული დაზიანება) ავტომატურად არ ნიშნავს, რომ ადამიანს ჭირდება ანტიბიოტიკი!
▪️ კოვიდის დიაგნოზი ავტომატურად არ ნიშნავს, რომ ადამიანს ჭირდება „სისხლის გამათხელებელი“ მედიკამენტი!
▪️ არც D დიმერის ნებისმიერი მომატება არ ნიშნავს, რომ პაციენტს ჭირდება „სისხლის გამათხელებელი“ მედიკამენტი!
▪️ პაციენტს, რომელიც ბინაზეა და არ ჭირდება ჟანგბადი, არ ჭირდება დექსამეტაზონი!
▪️ დექსამეტაზონის გამოყენებას შეიძლება სერიოზული გართულებები ქონდეს და ამიტომ თვითნებურად მისი გამოყენება არ შეიძლება!

წაიკითხეთ სრულად