Baby Bag

ქალთა ფონდ „სოხუმსა“ და ხობის მუნიციპალიტეტის საკრებულოს შორის ურთიერთთანამშრომლობის მემორანდუმი გაფორმდა

ქალთა ფონდ „სოხუმსა“ და ხობის მუნიციპალიტეტის საკრებულოს შორის ურთიერთთანამშრომლობის მემორანდუმი გაფორმდა

ხობის თვითმმართველობის ადმინისტრაციულ შენობაში ურთიერთთანამშრომლობის მემორანდუმს საკრებულოს თავმჯდომარემ - ლევან ქავთარაძემ და ფონდის თავმჯდომარემ - ალლა გამახარიამ მოაწერეს ხელი.

მხარეები შეთანხმდნენ, რომ საკუთარ წვლილს შეიტანენ გენდერული საბჭოების გაძლიერებასა და გადაწყვეტილების მიღების პროცესში ქალთა ჩართულობის ხარისხის ამაღლებაში, ხელს შეუწყობენ ქალების ფსიქო-სოციალური და ეკონომიკური მდგომარეობის გაუმჯობესებას, ერთობლივად განახორციელებენ ეფექტურ ინიციატივებს,ახალგარდულ პროექტებს და სხვა.

ურთიერთთანამშრომლობის მემორანდუმი, არასამთავრობო სექტორისა და ადგილობრივი ხელისუფლების პარტნიორობით, სამოქალაქო საზოგადოებაში დემოკრატიული პრინციპების და გენდერული სამართლიანობის კიდევ ერთი გარანტია.

ჩვენი ფონდი უკვე წლებია ათ მუნიციპალიტეტთან ინტენსიურად თანამშრომლობს და თითოეულთან ბევრი წარმატებული პროექტის განხორციელება შევძელით. იმედი გვაქვს, ხობის მუნიციპალიტეტშიც ბევრ ,,წარმატების ისტორიასშევქმნით ურთიერთთანამშრომლობის სწორი სტრატეგიით  - აცხადებს ქალთა ფონდ ,,სოხუმის“ ხელმძღვანელი - ალლა გამახარია.

R. 

შეიძლება დაინტერესდეთ

​ქალთა ფონდი „სოხუმი“ ახალ პროპექტს იწყებს!

​ქალთა ფონდი „სოხუმი“ ახალ პროპექტს იწყებს!

ქალთა ფონდი „სოხუმი“ მორიგ ახალ პროექტს იწყებს კარგი მიზნებით, საინტერესო გეგმებით და აქტივობებით 10 სამიზნე მუნიციპალიტეტში.

პროექტი ხელს შეუწყობს ქალებისთვის ოჯახში ძალადობის შესახებ სხვადასხვა ინფორმაციის ხელმისაწვდომობას ​ვებგვერდით „ძალადობის მსხვერპლთა სერვისების ციფრული რესურსცენტრი“, რომელიც შარშან შექმნა ქალთა ფონდმა „სოხუმმა“.

ვებგვერდზე იგეგმება რუკის ინტეგრირება, რომელიც მოიცავს მონაცემებს ძალადობის შემთხვევების შესახებ, მხარდამჭერ სამსახურებზე ხელმისაწვდომობის დონეს და მათ ეფექტიანობას (საქართველოს რეგიონების მიხედვით).

მუნიციპალიტეტებში შეიქმნება ურთიერთდახმარების ჯგუფები. ისინი გაავრცელებენ ინფორმაციას ძალადობის აღმოფხვრის კუთხით არსებულ სერვისებზე და დაიწყებენ ქალთა პრობლემების ადვოკატირებას.

პროექტის მხარდამჭერია კანადის თანასწორობის ფონდი.

R.

წაიკითხეთ სრულად