მოგზაურობა ყველასთვის საინტერესო და დაუვიწყარ თავგადასავლებთან, დასვენებასთან, განტვირთვასთან ასოცირდება. ვის სჭირდება დასვენება ყველაზე მეტად, თუ არა გადაღლილ, უძინარ მშობლებს, რომლებსაც პატარები ჰყავთ.
ახალბედა მშობლები ხშირად ფიქრობენ, რომ საკუთარი სიამოვნება და დასვენება უკანა პლანზე უნდა გადაწიონ და ყველაფერი შვილებისთვის უნდა გადადონ.
ალბათ, ფიქრობთ, რომ ეს ყველაფერი ძვირი სიამოვნებაა და თავსაც იკავებთ. თუმცა თუ იმ რჩევებსა და ხრიკებს გაითვალისწინებთ, რაც ავიაბილეთების შეძენასთან არის დაკავშირებული, მაშინ შეძლებთ, საკამოდ ბიუჯეტურ ფასად თქვენი ოცნების მოგზაურობა, დასვენება, განტვირთვა მოიწყოთ.
გთავაზობთ 6 რჩევას ავიაბილეთების იაფად შესაძენად:
1. ავიაბილეთები აუცილებლად თვენახევრით ან ორი თვით ადრე უნდა შეიძინოთ რადგან, როგორც წესი, ფრენის თარიღის მოახლოებასთან ერთად, თვითმფრინავში ადგილების რაოდენობა იზღუდება და ფასებიც იზრდება.
2. ავიაბილეთების ფასები სეზონების მიხედვით ცვალებადია. თუ ბიუჯეტური მოგზაურობა გსურთ, ამისათვის აირჩიეთ გაზაფხული ან შემოდგომა, რადგან ზაფხულსა და ზამთარში, განსაკუთრებით საშობაო პერიოდში, ავიაბილეთებზე ფასები საკმაოდ მაღალია, მოთხოვნიდან გამომდინარე.
3. როგორც წესი, ავიაბილეთები სამუშაო დღეებში შედარებით დაბალ ფასად შეგიძლიათ შეიძინოთ, ვიდრე შაბათ-კვირას.
4. თუ გასამგზავრებლად აირჩევთ დილის ან ღამის რეისებს, შეძლებთ ავიაბილეთების იაფად შეძენას, რადგან ამ პერიოდში, დისკომფორტის გამო, ნაკლები მოთხოვნა არის ხოლმე ავიაბილეთებზე.
5. თუ ორი გზის ავიაბილეთის შეძენას გეგმავთ, აუცილებლად შეიძინეთ ერთად, რადგან ამ შემთხვევაში სააგენტოები და ავიაკომპანიები უფრო დაბალ ფასად გვთავაზობენ მათ, ვიდრე ცალ-ცალკე შეძენისას.
6. ამ რჩევებთან ერთად, მნიშვნელოვანია, გამოიყენოთ მოხერხებული საძიებო სისტემა. მაგალითად, AVIA.GE-ს ვებსაიტი და აპლიკაცია დაგეხმარებათ კომფორტულად და მარტივად შეარჩიოთ თქვენთვის საუკეთესო ვარიანტი.
