Baby Bag

,,ყველა გარდაცვლილი არის აუცრელი, არც ერთი აცრილი ადამიანი არ მომკვდარა''

,,ყველა გარდაცვლილი არის აუცრელი, არც ერთი აცრილი ადამიანი არ მომკვდარა''

რეანიმატოლოგ-ანესთეზიოლოგი არჩილ მარშანია სეიშელის კუნძულებზე ეპიდაფეთქების შესახებ საუბრობს. მის ნათქვამს ​MomsEdu.ge სიტყვა-სიტყვით გთავაზობთ:

,,როგორ შეიძლება სიმართლის თქმით დეზინფორმაციის გავრცელება - ანუ რა მოხდა სინამდვილეში სეიშელის კუნძულებზე.

სეიშელის კუნძულების მოსახლეობის 60%-ზე მეტი აცრილია ვაქცინის ორი დოზით, თუმცა იქ კოვიდ 19-ს ეპიდაფეთქებაა, ამ მოცემულობას კარგად იყენებენ ანტვაქსერული ინფორმაციების გასავრცელებლად, განსაკუთრებით სიოფარმის (ე.წ. ჩინური) ვაქცინის წინააღმდეგ.

მიუხედავად იმისა რომ ინფორმაცია მოსახლეობის ვაქცინაციის და ამის პარალელურად ეპიდაფეთქების შესახებ სიმართლეა, ეს არ ნიშნავს რომ ვაქცინა არ მუშაობს, პირიქით!

თუ რატომ პირიქით ახლავე მოგახსენებთ.

სეიშელის კუნძულების ‘’ქეისი’’ კლასიკური მაგალითია სიმართლის თქმით დეზინფორმაციის გავრცელებისა, ანუ იღებ ამბავს და ამ ამბავს ავრცელებ დეტალების გარეშე ან/და მყვირალა სათაურით რაც შეცდომაში შემყვანია.

დეტალები კი შემდეგია:

  •  სეიშელზე აცრილი მოსახლეობის 57% აცრილია სინოფარმით (18დან 60 წლამდე), ხოლო 43% ასტრაზენეკათი (60 წლის ზევით);
  • ახალი შემთხვევების აბსოლუტური უმრავლესობა ერთმანეთის ახლო კონტაქტია;
  • თითქმის ყველა ადამიანი რომელიც მოხვდა რეანიმაციულ განყოფილებაში არის აუცრელი;
  • ყველა გარდაცვლილი არის აუცრელი, არც ერთი აცრილი ადამიანი არ მომკვდარა;
  • ახალი შემთხვევების 80% არის აუცრელი, მხოლოდ 20% მოდის აცრილი ადამიანების ჰოსპიტალიზაციაზე და არც ერთია კრიტილული ან მძიმე.
ანუ რას რას გვასწავლის სეიშელის ეპიდაფეთქება:

- ვაქცინა მუშაობს;

- რეგულაციების სწრაფი მოხსნის ფონზე არავაქცინირებული ადამიანების დიდი რაოდენობით ტურისტებად მიღება შეიძლება იყოს კატასტროფული შედეგების მომტანი.

ჯანმრთლეობას გისურვებთ,'' - აღნიშნავს არჩილ მარშანია. 


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუ​ფი“)

შეიძლება დაინტერესდეთ

„ყველა ვაქცინა, რომელიც შემოვა, არის კარგი, ამიტომ, რაც იქნება, იმით ავიცრათ,“ - ინფექციონისტი მაია ბუწაშვილი

ინფექციონისტი მაია ბუწაშვილი „სხვა შუადღეში“ კორონავირუსის შემთხვევების მატებას ეხმიანება და აცხადებს, რომ, შესაძლოა, მოვლენები სხვადასხვაგვარად განვითარდეს:

„კორონავირუსის შემთხვევების გააქტიურება ორ რამეზე მიგვანიშნებს, რომ ყველაფერი ან სტაბილიზაციისკენ წავა, ან შეიძლება მოხდეს ის, რასაც ყველა ისედაც ველოდით და დაიწყოს აღმავლობა, იმიტომ, რომ ეს ვნახეთ ძალიან ბევრ ქვეყანაში. 45 ყურს გვჭრის, მაგრამ ეს რეალურად ძალიან პატარა ციფრია, თუ შევადარებთ სომხეთის, თურქეთის ან აზერბაიჯანის სტატისტიკას. ჩვენ მივეჩვიეთ, დიდი კომფორტი იყო ჩვენთვის, რომ ერთეული შემთხვევები იყო. შეიძლება ეს დასტაბილურდეს."

მაია ბუწაშვილის განმარტებით, კორონავირუსით გარდაცვალების შემთხვევების კლება გამოცდილების დაგროვებით არის გამოწვეული:

„კორონავირუსთან ბრძოლაში გამოცდილება დაგროვდა, მეტი ინფორმაცია არსებობს, მართვა უკეთესი გახდა. სამწუხაროდ, ვირუსის ბუნების ცვლილებასა და შესუსტებაზე ლაპარაკი არ არის. ჩვენ აშკარად ვხედავთ, რომ გარდაცვალების პროცენტი მცირდება, მაგრამ ეს გამოიწვია ტესტირების გაფართოებამ. ადრე ტესტირება უტარდებოდათ მხოლოდ იმ ადამიანებს, ვისაც სიმპტომები ჰქონდა, ვინც სტაციონარში ხვდებოდა. მათ შორის გართულებების რიცხვი უფრო მაღალი იყო. ამჟამად ტესტირება ყველა ქვეყანაში გაფართოებულია, მათ შორის, ფართო მასების ტესტირებაც ხდება. ვირუსის გამოვლენა გაუმჯობესებულია, რის გამოც გართულებების პროცენტი მცირდება. ეს იმიტომ არ ხდება, რომ ვირუსი შესუსტდა. ექიმებმაც ბევრად უკეთ ისწავლეს ვირუსის მართვა.“

ინფექციონისტის თქმით, კორონავირუსის გადადების ყველაზე მეტი შემთხვევა ოჯახურ კონტაქტებს უკავშირდება:

„საოჯახო მჭიდრო კონტაქტების შემთხვევაში ინფიცირდება 30-დან 50 %-მდე, სუფრაზე შეხვედრით, ახლოს ჯდომისას, 7-დან 10 % -მდე, მაღაზიაში საყიდლებზე ყოფნისას არაუმეტეს 1 % -ისა. ზომიერება ყოველთვის უნდა დავიცვათ. მე არასდროს გამირეცხავს სახლში მიტანისას შეფუთვები. კარგია ჰიგიენის წესების დაცვა, მაგრამ ექსტრემალურ მდგომარეობაში ვიყავით გადასულები. პანიკამ ბევრი დადებითი შედეგი მოგვცა, მაგრამ ბევრი ნევროზულ მდგომარეობამდე მიიყვანა. მე ვიცი ადამიანები, რომლებიც ყოველდღე პალტოებს რეცხავდნენ, ადეზინფიცირებდნენ. ეს აბსურდია. ზომიერება ამიტომაც არის საჭირო. რაღაც ვადების მერე ადამიანი ამას ვეღარ უძლებს და ყველაზე საჭირო დროს სრული მოდუნება ხდება. შეიძლება ჩვენ ძალიან ადრე დავიწყეთ ეს ყველაფერი. ევროპაში შეეგუენ კოვიდთან თანაცხოვრებას. იქ შემთხვევები ბევრია, მაგრამ ლეტალური შედეგი, საბედნიეროდ, უკვე ძალიან მცირეა.“

მაია ბუწაშვილი აღნიშნავს, რომ ევროპამ უკვე ისწავლა ვირუსის მართვა:

„ევროპაში ძირითად მოწყვლად ჯგუფებში ვირუსმა უკვე გაიარა. რეანიმატოლოგებმა უკეთ ისწავლეს დაავადების მართვა, იციან, როდის უნდა გადაიყვანონ პაციენტი მართვით სუნთქვაზე და როდის - არა. ეს არ არის ტიპიური ვირუსი, არ აქვს ტიპიური მიმდინარეობა და რა თქმა უნდა, პრაქტიკა დაგროვდა.“

„სიმპტომებით ჩვეულებრივ გრიპს და კოვიდს ერთმანეთისგან ვერ განვასხვავებთ. საბედნიეროდ, არსებობს ტესტირება. ეპიდემიის კერაში ნამყოფი ადამიანის ტესტირებას სახელმფიწო პროგრამა აფინანსებს. რამდენიმე ვაქცინა მესამე ფაზაშია, ორი ფაზა წარმატებით გაიარა. არსად იქნება ჯერჯერობით რუსული ვაქცინა, რომელიც თითქოს დასრულდა, მაგრამ მასზე არ არის საკმარისი ინფორმაცია. ჯერჯერობით არ არსებობს მტკიცებულებები, რომ მან წარმატებით გაიარა გამოცდა. ეს ვაქცინა ჰაერშია გამოკიდებული, ეს ფაზები გავლილი არ აქვს. ჯამში ოთხი ვაქცინაა ძალიან კარგ პოზიციებზე. მათგან მინიმუმ ერთი მაინც დაასრულებს კარგად. წელს ყველა ქვეყანა მობილიზებულია, რომ სტანდარტული გრიპის ვაქცინები ცოტა ადრე შემოიტანოს. როგორც კი გაჩნდება გრიპის ვაქცინები, მაშინვე შეგიძლიათ გაკეთება. ყველა ვაქცინა, რომელიც შემოვა, არის კარგი, ამიტომ, რაც იქნება, იმით ავიცრათ,“ - აცხადებს მაია ბუწაშვილი.


წაიკითხეთ სრულად