საქართველოში 1-ლი დეკემბრიდან „მწვანე პასპორტის“ კონცეფცია ამოქმედდება. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი. „მწვანე პასპორტის" მოთხოვნა იმოქმედებს 18 წლის ასაკის ზემოთ მოქალაქეებისთვის. მთავრობის ადმინისტრაცია იმ ობიექტების ჩამონათვალს აქვეყნებს, სადაც მოქალაქეები მხოლოდ „მწვანე პასპორტით“ შეძლებენ შესვლას.
„საკოორდინაციო საბჭოს გადაწყვეტილებით, 1-ლი დეკემბრიდან მოქალაქეები მხოლოდ და მხოლოდ „მწვანე პასპორტის" პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების - საბაგირო გზებზე; აღნიშნული მოთხოვნა გავრცელდება ჩამოთვლილი ობიექტების სტუმრებზე. რაც შეეხება საბავშვო-გასართობ ცენტრებს, „მწვანე პასპორტის" მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის“, - აღნიშნულია მთავრობის ადმინისტრაციის მიერ გავრცელებულ ინფორმაციაში.
,,იცით რა არის ყველაზე მთავარი ამბავი ეხლა?! ისრაელიდან წამოსული ინფორმაცია''
პროფესორი გიორგი ფხაკაძე ვაქცინაციასა და ე.წ დელტა შტამის შესახებ წერს, რომელსაც MomsEdu.ge უცვლელად გთავაზობთ:
,,იცით რა არის ყველაზე მთავარი ამბავი ეხლა?! ისრაელიდან წამოსული ინფორმაცია.
საკმაოდ ცუდი და საყურადღებო ამბავია!
ფაიზერის ეფექტურობა დელტა ვარიანტის წინააღმდეგ არის დავარდნილი 64% მდე!!! მანამდე კვლევები აჩვენებნენ 88% ეფექტურობას!
თქვენ წარმოიდგინეთ დაბალ ეფექტური ვაქცინების ეფექტურიბა რა არის....
შეგახსენებთ ადრეული კვლევები გვაჩვენა რომ ფაიზერის ეფექტურიბა იყო 88% და ასტრაზენეკას 60% დელტა ვარიანტის წინააღმდეგ. სხვა ვაქცინების შესახებ ინფორმაცია არ არის.
ჯანმრთელობას გისურვებთ ...'' - აღნიშნავს გიორგი ფხაკაძე.
