საქართველოში 1-ლი დეკემბრიდან „მწვანე პასპორტის“ კონცეფცია ამოქმედდება. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი. „მწვანე პასპორტის" მოთხოვნა იმოქმედებს 18 წლის ასაკის ზემოთ მოქალაქეებისთვის. მთავრობის ადმინისტრაცია იმ ობიექტების ჩამონათვალს აქვეყნებს, სადაც მოქალაქეები მხოლოდ „მწვანე პასპორტით“ შეძლებენ შესვლას.
„საკოორდინაციო საბჭოს გადაწყვეტილებით, 1-ლი დეკემბრიდან მოქალაქეები მხოლოდ და მხოლოდ „მწვანე პასპორტის" პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების - საბაგირო გზებზე; აღნიშნული მოთხოვნა გავრცელდება ჩამოთვლილი ობიექტების სტუმრებზე. რაც შეეხება საბავშვო-გასართობ ცენტრებს, „მწვანე პასპორტის" მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის“, - აღნიშნულია მთავრობის ადმინისტრაციის მიერ გავრცელებულ ინფორმაციაში.
,,უნდა გავითავისოთ, რომ ცეცხლს ვეთამაშებით და დავიცვათ 5 მთავარი რეკომენდაცია''
დაავადებათა კონტროლის ცენტრის ხელმძღვანელმა ამირან გამყრელიძემ მესამე ტალღის საშიშროებაზე ისაუბრა და კიდევ ერთხელ აღნიშნა, რომ 5 მთავარი რეკომენდაციის დაცვა აუცილებელია:
,, საშიშროება არის მესამე ტალღის, რადგან გაჩნდა საკმაოდ მოზრდილი კლასტერები. ეს არის წინა ეტაპი ქვეყნის შიგნით ვირუსის გავრცელების. ამიტომ ყველამ უნდა გავითავისოთ, რომ ცეცხლს ვეთამაშებით და დავიცვათ 5 მთავარი რეკომენდაცია:
1. პირბადის უნივერსალური ტარება;
2. დისტანციის დაცვა;
3. სანიტარული წესრიგის დაცვა;
4. თავის შეკავება შეკრებებისგან;
5. იმუნიზაციის პროცესის გაინტენსიურება.'' - აღნიშნა ამირან გამყრელიძემ.
