ზაფხული მოგზაურობის, ლაშქრობების, სუფთა ჰაერზე ყოფნის პერიოდია. ადამიანები ცდილობენ, რაც შეიძლება დიდი დრო გაატარონ ბუნებაში. თუმცა არის ერთი დისკომფორტი - კოღოები და სხვა მავნე მწერები, რომლებიც მოსვენებას გვიკარგავენ. სწორედ ამიტომ თუ ბუნებაში გასვლას გადაწყვეტთ, გაიყოლეთ მწერებისგან დამცავი ეს სკამი და თავს გაცილებით კომფორტულად იგრძნობთ.
ასტროლოგმა ქეთი ვაწაძემ საინტერესო რჩევები მოგვცა, თუ როგორ უნდა შევხვდეთ ვეფხვის წელს:
„საახალწლო მზადება ყოველ წელს იწყება იმით, რომ თუ გვაქვს რაიმე ვალი, ნაწილი მაინც გავისტუმროთ. შეპირებები თუ გვაქვს მიცემული ვიღაცისთვის, ავასრულოთ. ქართველი ქალები საახალწლოდ სახლს კაპიტალურად ტყუილად არ ალაგებენ. იქ სადაც გაბზარული, გატეხილი ნივთები, სიბინძურე და ქაოსია, ასეთ სახლში ენერგეტიკაც შესაბამისია. როდესაც დაალაგებ, დააწკრიალებ სახლს, მსუბუქად სუნთქავ და ცხოვრების რაღაც ნაწილი ლაგდება.“
ქეთი ვაწაძის თქმით, ახალ წელს სუფრაზე საქონლის ხორცი არ უნდა გვედოს:
„რა უნდა გვედოს ახალ წელს მაგიდაზე? ხორცი უნდა იყოს, მაგრამ პატარა გამონაკლისით. ახალი წლის ღამეს ნუ დავახვედრებთ საქონლის ხორცს. აღმოსავლეთში არის ლეგენდა, რომ ხარმა გამოიწვია ვეფხვი ორთაბრძოლაში და დაამარცხა, რითიც დაამცირა. ეს ორი ნიშანი დიდად არ მეგობრობს ერთმანეთთან. 31-ში ღამით სუფრაზე ნუ გედება საქონლის ხორცი. ვეფხვს უყვარს მწვანილეული. აუცილებელია წყლით სავსე ფიალა.“
„ვეფხვის პრინტიანი ტანსაცმლით 31 დეკემბერს, პირველ და 4 თებერვალს არ შევხვდეთ. შეიმოსეთ ჩვეულებრივ ფერებში. ფერებს რაც შეეხება, კარგია, თუ იქნება ქვიშისფერი, ოქროსფერი, მწვანე,“ - განაცხადა ქეთი ვაწაძემ.
