Baby Bag

„მაქსიმალისტ ადამიანებს წარმატების მიღწევა უჭირთ... არ შეიძლება ყველაფერი კარგად გააკეთო,“- ფსიქოლოგი ლალი ბადრიძე

„მაქსიმალისტ ადამიანებს წარმატების მიღწევა უჭირთ... არ შეიძლება ყველაფერი კარგად გააკეთო,“- ფსიქოლოგი ლალი ბადრიძე

ფსიქოლოგმა ლალი ბადრიძემ მშობლების მიერ დაშვებულ შეცდომებზე ისაუბრა და აღნიშნა, რომ იდეალური შვილის ყოლის სურვილი შეცდომაა:

„მშობელს არ უნდა დაუჯერო, როდესაც გეუბნება: „გააკეთე ყველაფერი იდეალურად! ათოსანი უნდა იყო!" ის, რომ მშობლებს უნდათ იდეალური შვილები ჰყავდეთ, ბუნებაში იდეალური რა არის?! იდეალური რატომ უნდა ვიყო? ერთი საინტერესო ექსპერიმენტია. 10 ოთახში მილიონი განათავსეს, თითოეულ ოთახში ასი ათასი. ზოგ ოთახში პირდაპირ იდო ეს ასი ათასი, ზოგში ნაწილი დამალული იყო. იდეალურისკენ მიდრეკილი ადამიანები, მაქსიმალისტები, იღებდნენ, რაც ნახეს და დანარჩენს ეძებდნენ უჯრაში, ხალიჩის ქვეშ, მაგიდის ქვეშ. ისინი, ვინც მაქსიმალისტები არ იყვნენ, შევიდნენ ერთ ოთახში აიღეს ნაგვის პარკი, ჩაყარეს, რაც ნახეს, გავიდნენ მოერე ოთახში, აიღე იქაც, ჩაყარეს. ის ადამიანები, რომლებიც ცდილობენ, რომ მაქსიმალურად სწორად გააკეთონ ყველაფერი, დიდი-დიდი ორ ოთახს ასწრებდნენ და მხოლოდ 200 000 დოლარი გამოჰქონდათ. ის ადამიანები, რომლებიც იდეალურად არ ეძებდნენ, 700-800 ათას დოლარს აგროვებდნენ.“

„ბავშვობიდან გვაქვს ჩადებული, რომ თუ გაკვეთილს ისე არ ისწავლი და ათოსანი არ იქნები, ეს ძალიან ცუდია. მაქსიმალისტ ადამიანებს წარმატების მიღწევა უჭირთ. არ შეიძლება ყველაფერი კარგად გააკეთო. ამასთან არის მიბმული: „სხვას აჯობე!“ არ დაუჯეროთ არასდროს, როდესაც სხვას გადარებენ: „იყავი გელაზე კარგი მოსწავლე, აჯობე გელას!“ არავის არ აჯობო! უბრალოდ გააკეთე ის, რაც შენ მოგწონს. არ დავიჯეროთ, რომ გავაკეთოთ სხვაზე უკეთესად. არასდროს არ ეცადო, რომ იმაზე უკეთესად გააკეთო,“- აღნიშნულ საკითხზე ლალი ბადრიძემ რადიო „ფორტუნას“ ეთერში ისაუბრა.

წყარო: ​რადიო „ფორტუნა“

შეიძლება დაინტერესდეთ

„ბიძინა კულუმბეგოვმა დადო პოსტი ჰონგ-კონგში ძალიან მაგარი კვლევა ჩატარდაო, ეს არის სისულელე,“ - გიორგი ფხაკაძე ბიძინა კულუმბეგოვს აკრიტიკებს

„ბიძინა კულუმბეგოვმა დადო პოსტი ჰონგ-კონგში ძალიან მაგარი კვლევა ჩატარდაო, ეს არის სისულელე,“ - გიორგი ფხაკაძე ბიძინა კულუმბეგოვს აკრიტიკებს

პროფესორმა გიორგი ფხაკაძემ ბიძინა კულუმბეგოვი სოციალურ ქსელში ჩინური ვაქცინის კვლევის შესახებ გავრცელებული ინფორმაციის გამო გააკრიტიკა:

​კიდევ ერთხელ აჩვენეთ თქვენ არაპროფესიონალიზმი. ბიძინა კულუმბეგოვი ძალიან კარგი ბიჭია, ალერგოლოგია. მიხედე იმ ალერგიას, ნუ ლაპარაკობ სისულელეებს. პროპაგანდას უკეთებენ ამ ჩინურ ვაქცინას. ბიძინამ დადო პოსტი ჰონგ-კონგში ძალიან მაგარი კვლევა ჩატარდაო. ეს არის როგორი სისულელე. ყველა სააგენტომ აიტაცა, რომ კულუმბეგოვმა დადო პოსტი.“

გიორგი ფხაკაძის თქმით, ჰონგ-კონგში ჩატარებულ კვლევას ჩინეთის მთავრობა აკონტროლებს:

„რა არის მაგარი? არ იცით, რომ ჰონგ-კონგი ჩინეთია? იქ ყველაფერს ჩინეთის მთავრობა აკონტროლებს. კვლევის ლინკი მაქვს დადებული. აბა წაიკითხეთ, ვინ დააფინანსა ეს კვლევა?! ეს კვლევა ჩინეთის მთავრობამ დააფინანსა.“

„ნახეთ რამდენმა ადამიანმა გაიარა კვლევა. კვლევაში მონაწილეობდა 360 ადამიანი. ​ჩინელებმა მილიარდი ადამი​ანი აცრეს და მარტო 360 ადამიანში ნახეს, რომ ჩინური ვაქცინა კარგია?ეს იმდენად სასაცილოა და იმდენად აბსურდის თეატრია, რომ რატომ შვრება ეს ხალხი ამას, ვერ გავიგე. დრო ხომ გავა, ხომ იცით, ტყუილს მოკლე ფეხები აქვს,“ -აღნიშნა გიორგი ფხაკაძემ.

​წყარო

წაიკითხეთ სრულად