Baby Bag

„ბავშვის გარემო უნდა იყოს სულ ღიმილით სავსე, განსაკუთრებით დედის მხრიდან,“ - ფსიქოლოგი ნანა ჩაჩუა

„ბავშვის გარემო უნდა იყოს სულ ღიმილით სავსე, განსაკუთრებით დედის მხრიდან,“ - ფსიქოლოგი ნანა ჩაჩუა

ფსიქოლოგმა ნანა ჩაჩუამ ჩვილ ბავშვთან ურთიერთობისას მშობლის პოზიტიური განწყობისა და დამოკიდებულების მნიშვნელობაზე ისაუბრა. მისი თქმით, ბავშვმა, შესაძლოა, სიხარულის განცდის უნარი ახალშობილობიდანვე დაკარგოს:

​„სიხარულის განცდის უნარის დაკარგვა ახალშობილობიდანაც კი იწყება. სულ რამოდენიმე თვის ბავშვზე ჩაატარეს ასეთი ექსპერიმენტი: დედას დაავალეს, რომ როდესაც ბავშვს უცვლიდა, მას უნდა ჰქონოდა მკაცრი, მოღუშული, მოღრუბლული სახე. ეს რომ რამოდენიმეჯერ განმეორდა და დედა ბავშვთან შევიდა, ბავშვმა თავი განზე გასწია. მან დედას აღარ შეხედა. ეს იყო ოთხი-ხუთი თვის ბავშვი.“

ნანა ჩაჩუას თქმით, ბავშვის გარემო ღიმილით უნდა იყოს სავსე:

„ბავშვის გარემო უნდა იყოს სულ ღიმილით სავსე. ეს განსაკუთრებით უნდა იყოს დედის მხრიდან ან იმ აღმზრდელის მხრიდან, რომელიც ბავშვთან ურთიერთობს. საჭიროა, რომ ბავშვს ღიმილი, სითბო, კეთილგანწყობა, თბილი საალერსო სიტყვები ჰქონდეს, განსაკუთრებით ბიოლოგიური დედისგან.“

„ცნობილი ფსიქოლოგი ერიკ ერიქსონი ამბობს, რომ წლისა და რვა თვის ასაკამდე იმის მიხედვით, თუ როგორია დედის ან აღმზრდელის დამოკიდებულება ბავშვთან, ბავშვს უყალიბდება სამყაროს მიმართ ნდობა ან უნდობლობა. თუ სითბოს ნაკლებობაა, ​თუ ღიმილის ნაკლებობაა, თუ ხმის ტემბრი არ არის ალერსის გამომხატველი, ყალიბდება სამყაროს მიმართ უნდობლობა. ეს სიცოცხლის ბოლომდე ადამიანის საბაზისო მდგომარეობაა. მერე ვინ იცის, რამდენი რამ სჭირდება ადამიანს იმისთვის, რომ ხალისი დაუბრუნდეს,“ - აღნიშნულ საკითხზე ნანა ჩაჩუამ რადიო „ფორტუნას“ ეთერში ისაუბრა.

წყარო:​ რადიო „ფორტუნა“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„იყავით მშვიდები და ბედნიერ ბავშვობაში აცხოვრეთ თქვენი შვილები,“ - ბაკურ კოტეტიშვილის რჩევ...
​ნევროლოგმა ბაკურ კოტეტიშვილმა მშობლებს ურჩია შვილების ბავშვობა უზრუნველყონ და მაქსიმალურად გააუხანგრძლივონ შვილებს ბავშვობის ეტაპი:„მშობლებმა უნდა უზრუნველყონ ბავშვების ბავშვობა. თუ ბავშვები ბავშვება...

შეიძლება დაინტერესდეთ

,,სამწუხაროდ, ზოგჯერ ადამიანებს არ ესმით, რა არის სიყვარული და ვერ უძებნიან მას სწორ ფორმას" - შალვა კეკელია

,,სამწუხაროდ, ზოგჯერ ადამიანებს არ ესმით, რა არის სიყვარული და ვერ უძებნიან მას სწორ ფორმას" - შალვა კეკელია

დეკანოზმა შალვა კეკელიამ გადაცემაში ,,განთიადი" ისაუბრა, თუ რას ნიშნავს ჭეშმარიტი სიყვარული 

,,​ღმერთი არის სიყვარული. სამწუხაროდ, ზოგჯერ ადამიანებს არ ესმით, რა არის სიყვარული და ვერ უძებნიან მას სწორ ფორმას. სიყვარული დაარქვეს ვნებას, საკუთარ მიდრეკილებებს და ა.შ. პავლე მოციქული სიტყვა ,,სიყვარულს" ასე განმარტავს - ,,სიყვარული სულგრძელ არს და ტკბილ". ნამდვილი სიყვარული სულგრძელია და ტკბილია, მას არ შურს, არ ქედმაღლობს, სიყვარულს არ უხარის სიცრუესა ზედა, არამედ უხარის სიმართლესა ზედა. სიცრუე არის ეშმაკთან დაკავშირებული გრძნობა, სიყვარული კი ხარობს ჭეშმარიტებით. ,,ასეთი სიყვარული არა სადა დავარდების" -  ამბობს პავლე მოციქული. 

შენ შეიძლება, გაიღო გრძნობა მეორე ადამიანის მიმართ, თავი გაწირო მის გამო, ანახო ჭეშმარიტი სიყვარული, მაგრამ მან ეს ვერ დაინახოს შენში. თუმცა, ღმერთია სიყვარული, ის ყველაფერს ხედავს, ესმის და შენს ამ სიყვარულს შეიწირავს. დღეს როგორია ისყვარული - ის ეგოიზმზეა აწყობილი. 

ქრისტემ რა გააკეთა შენი სიყვარულის გამო - ნამდვილი სიყვარული გამოავლინა. ღმერთმა გაგვაჩინა, ინება ჩვენი დაბადება. შემდეგ, მიუხედავად ჩვენი შეცოდებებისა, ის მაინც განკაცდა - მოვიდა ადამიანების გამო, რომ გადაერჩინა ისინი. შენ გამო მან დამცირება დაითმინა, ჯვარზე გაკვრა დაითმინა. მოციქულებმა, რომლებიც ,მაცხოვრის მიმდევრები იყვნენ, ზუსტად ამიტომაც გაიარეს ქრისტეს გზა. 

როდესაც წყვილს ჯვარს ვწერ, მათ ყოველთვის ვეუბნები - თქვენ ჯერ ერთმანეთი არ გიყვართ და მათ უკვირთ ხოლმე - თქვენ ამის შემდგომ უნდა შეიყვაროთ ერთმანეთი, უნდა ისწავლოთ სიყვარული. 

ქრისტე პირდაპირ ამბობს - თუ მე გიყვარვართ, მაშინ ჩემი  მცნებები დაიცავით. ვინც ჩემთვის ძალიან ძვირფასია, შენ რომ მას ამცირებ, როგორ შეიძლება, შენი სიყვარული ჩემ მიმართ იყოს სწორი დაჭეშმარიტი? შენ იცი, რომ ყველა ადამიანი არის ქრისტეს შვილი, როდესაც შენ ღმერთის შვილს ქუჩაში აგინებ, ამცირებ, შეურაცხყოფას აყენებ, დასცინი მას  და ა.შ. როგორ შეიძლება, ღმერთი გიყვარდეს?", - ამბობს დეკანოზი შალვა კეკელია.


წაიკითხეთ სრულად