Baby Bag

„ქალს აქვს იურიდიული უფლება, რომ აირჩიოს, რა გზით იმშობიაროს, არჩევანი თავისუფალია,“ - მეან-გინეკოლოგი თიკო გოთუა

„ქალს აქვს იურიდიული უფლება, რომ აირჩიოს, რა გზით იმშობიაროს, არჩევანი თავისუფალია,“ - მეან-გინეკოლოგი თიკო გოთუა

მეან-გინეკოლოგმა თიკო გოთუამ საქართველოში საკეისრო კვეთის გაზრდილი რიცხვის შესახებ ისაუბრა. მისი თქმით, ფიზიოლოგიურ მშობიარობას საკეისრო კვეთასთან შედარებით უპირატესობები აქვს:

„შედარებას თუ გავაკეთებთ, რა თქმა უნდა, ფ​იზიოლოგიური მშობიარობა სჯობს როგორც დედისთვის, ასევე ნაყოფისთვის. ნაყოფი თვითონ არის ჩართული თავის დაბადებაში, თვითონ მიიღო გადაწყვეტილება, როდის მოევლინოს ქვეყნიერებას. ფიზიოლოგიურ მშობიარობას ერთი-ორი დღე აქვს რეაბილიტაციის პერიოდი, საკეისრო კვეთას - უფრო ხანგრძლივი. გართულებები საკეისრო კვეთის შემდეგ უფრო დიდი და სავალალოა, ვიდრე ფიზიოლოგიური მშობიარობის დროს.“

„ჩვენთან ძნელია ზღვარი გაავლო, სად არის ფიზიოლოგია და პათოლოგია. საკეისრო კვეთა უნდა ჩატარდეს ჩვენებით. სამწუხაროდ, მაღალია საკეისრო კვეთის მაჩვენებელი. ამას ისიც ემატება, რომ საკეისრო კვეთის ჩარევის ჩვენებები გაიზარდა. ამას ემატება ქალის იურიდიული უფლება, რომ აირჩიოს, რა გზით იმშობიაროს, არჩევანი თავისუფალია. პირველი იანვრიდან კიდევ მკაცრდება საკეისრო კვეთის ჩარევებთან მიმართებაში სახელმწიფოსგან წესები,“ - აღნიშნულ საკითხზე თიკო გოთუამ რადიო „იმედის“ ეთერში ისაუბრა.

წყარო: ​რადიო „იმედი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„საკეისრო კვეთა თუ კეთდება ჩვენების გარეშე, ექიმმა ეს ბრძოლა წააგო,“ - მეან-გინეკოლოგი ნიკ...
​მეან-გინეკოლოგმა ნიკოლოზ კინტრაიამ ბუნებრივი მშობიარობის უპირატესობებზე ისაუბრა და არასაჭირო შემთხვევებში საკეისრო კვეთის გაკეთების მავნე მხარეებს გაუსვა ხაზი:„საკეისრო კვეთა არის ოპერაცია, რომელსაც...

შეიძლება დაინტერესდეთ

შესაძლებელია თუ არა მომავალი ნაყოფის სქესის წინასწარ დაგეგმვა?

შესაძლებელია თუ არა მომავალი ნაყოფის სქესის წინასწარ დაგეგმვა?

შესაძლებელია თუ არა მომავალი ნაყოფის სქესის წინასწარ დაგეგმვა? - აღნიშულ თემაზე მეან-გინეკოლოგი თიკო გოთუა ​MomsEdu.ge-ს ესაუბრა.

სქესობრივი აქტის პროცესში ქალის საშოში დაახლოებით 300-500 მილიონი სპერმატოზოიდი ხვდებასაშოს მჟავე გარემოში მათი უმრავლესობა იღუპება და მხოლოდ ყველაზე გამძლე, სუსტი ტუტე რეაქციის მქონე სპერმატოზოიდები ხვდებიან საშოს ლორწოვანაში. იქ სპერმატოზოიდების მოძრაობის აქტივობა იზრდება, თუმცა სანამ კვერცხუჯრედს მიაღწევენ, მათ უნდა გაიარონ საშოს ღრუ და მოხვდნენ საშვილოსნოს მილში.

ამ გზის გავლას სპერმატოზოიდები დაახლოებით 2 სააათის განმავლობაში ახერხებენ, ხოლო განაყოფიერების უნარს ინარჩუნებენ 2 დღის განმავლობაში.

ქალის კვერცხუჯრედი ყოველთვის არის X ქრომოსომის, ხოლო მამაკაცის სპერმატოზოიდები ორი სახის - X და Y ქრომოსომის მატარებელი.

თუ კვერცხუჯრედს შეერწყმება Х ქრომოსომის მატარებელი სპერმატოზოიდი, წარმოიქმნება მდედრობითის სქესის ემბრიონი (XX).

ხოლო თუ მასზე ადრე კვერცხუჯრედში შერწყმას მოასწრებს Y ქრომოსომის მატარებელი სპერმატოზოიდი, ჩაისახება მამრობითი სქესის ემბრიონი (XY).

მამაკაცისა და ქალის სქესობრივი უჯრედები - სპერმატოზოიდები და კვერცხუჯრედები ატარებენ გენეტიკური მასალის თანაბარ რაოდენობას - თითო სასქესო და 22 წყვილ სომატიურ (არასასქესო) ქრომოსომას. ამრიგად, როგორც სპერმატოზოიდი, ასევე კვერცხუჯრედი შედგება 23 წყვილი ქრომოსომისგან.

ამ უჯრედების შერწყმისას, განაყოფიერების პროცესში, ხდება ახალი ადამიანის ინდივიდუალური გენოტიპის ფორმირება - 46 XX ან 46 XY.

სქესის განსაზღვრა ხდება ორი სასქესო ქრომოსომის შეთავსებით: კომბინაცია XX - ნიშანდობლივია ქალთა სქესისთვის, ხოლო კომბინაცია XY - მამაკაცთა სქესისთვის.

ერთი სიტყვით, მოკლედ და გასაგებად რომ ვთქვათ - მამაკაცის სპერმატოზოიდი არის ორი ტიპის - X ქრომოსომის და Y ქრომოსომის მატარებელი, ნებისმიერი ქალის კვერცხუჯრედი კი შეიცავს მხოლოდ ერთ - X ქრომოსომას (სხვა სასქესო ქრომოსომა ქალის ორგანიზმში უბრალოდ არ არსებობს).

თუ კვერცხუჯრედს გაანაყოფიერებს მამაკაცის X ქრომოსომა - დაიბადება გოგონა, ხოლო თუ Y ქრომოსომა - გაჩნდება ვაჟი.

ამავე მიზეზით, დაუსაბუთებელია ბავშვის სქესის დაგეგმვის ყველა ის მეთოდი, რომელიც დაკავშირებულია მომავალ დედასთან.

ქალს ნებიმიერ ასაკში შეუძლია მისცეს შვილს მხოლოდ X ქრომოსომა, ხოლო პასუხისმგებლობა მეორე - X ან Y ქრომოსომაზე, რომელმაც უნდა გადაწყვიტოს ბავშვის სქესი, მთლიანად ეკისრება მომავალ მამას.

🔺️ ნუ დაკარგავთ დროს ამაზე ფიქრით.

🔺️ნუ ჩაიტარებთ ათასგვარ, არამეცნიერულ ცდებს და ექსპერიმენტებს.

⛔ ნუ გაიკეთებთ სელექციურ აბორტს❗

#აკეთესიყვარულით

წაიკითხეთ სრულად