„ის სათამაშო, რომელშიც არის სამკუთხედში მოთავსებული ეს რიცხვები, ბავშვისთვის განსაკუთრებულ საფრთხეს წარმოადგენს,“ - ტოქსიკოლოგი ეკა ქურდაძე

რა იწვევს თმის ცვენას და როგორ არის შესაძლებელი მისი შეჩერება - ამის შესახებ პროფესორმა, დერმატოლოგმა, ნინო ლორთქიფანიძემ გადაცემაში ,,იმედის დილა" ისაუბრა,

,,ყველაზე მეტად გავრცელებულია ანდროგენული ალოპეცია, ანუ მამაკაცის ტიპის ცვენა. თუმცა, ნელ-ნელა ცდილობენ, ასე აღარ დაუძახონ. ამ ტიპის ცვენა მამაკაცის 70 %-ს აწუხებს, მაგრამ - ქალბატონების 40 %-ს, 45 წელს ზემოთ. მამაკაცის შემთხვევაში თმის ცვენა იწყება შუბლის წილიდან და გვირგვინიდან, შემდეგ მოიცავს მთლიანად თხემს, ქალებში კი თხემის ადგილი ნელ-ნელა თხელდება. 

ეს ასაკის მატებას ახასიათებს, მაგრამ ძალიან ხშირია თინეიჯერებშიც. 20 წლამდე დაწყებულ თმის ცვენას ჰქვია ნაადრევი ანდროგენული ალოპეცია. თუმცა, საქართველოში ეს ძალიან ადრე იწყება. ანდროგენული ალოპეცია მამაკაცებში არის სრულად გენეტიკური, ქალების 50 %-ის შემთხვევაში ეს არის გენეტიკური, მეორე ნახევარს კი მომატებული აქვს მამაკაცის ჰორმონი. 20 წლამდე ასაკის შემთხვევაშიც ეს გენეტიკურია, თუმცა, იშვიათად, შესაძლოა, მიზეზი იყოს ნაადრევი სქესობრივი მომწიფება. ამ დროს უნდა ჩაერთოს ენდოკრინოლოგიც. 

ანდროგენული ალოპეციის შემთხვევების 70 % გვაქვს, როცა ამოვიყვანით დაცვენილი თმები და 80-90%-ია ალბათობა, რომ შევაჩეროთ თმის ცვენა. ეს შესაძლებელია ტაბლეტებით, არსებობს ასევე სპრეი. თმის ღერის ჯანმრთელობა ნამდვილად ჩვენს ხელშია, ისევე - როგორც თმის სკალპის. თავი უნდა დაიბანო იმ სიხშირით, როგორც შენი სკალპი ითხოვს. თუმცა, ამერიკის აკადემია გეუბნება, რომ თავი დაიბანო ყოველდღე, რადგან ყველაზე უსუფთაო ორგანოა. ზამთარში შრება როგორც კანი, ასევე თმა. ქარი, სიცივე ძალიან მოქმედებს. კონდიციონერები, ზეთები, დამატენიანებლები - ეს ყველაფერი თმას ზამთარში ნამდვილად უფრო მეტად სჭირდება", - გვირჩევს დერმატოლოგი.

წყარო: ​,,იმედის დილა"