Baby Bag

„ოფლიანობა უფრო დამახასიათებელია ჰიპერაქტიური და ემოციური ბავშვებისთვის,“- პედიატრი ინგა მამუჩიშვილი

„ოფლიანობა უფრო დამახასიათებელია ჰიპერაქტიური და ემოციური ბავშვებისთვის,“- პედიატრი ინგა მამუჩიშვილი

პედიატრმა ინგა მამუჩიშვილმა ემოციურ და ჰიპერაქტიურ ბავშვებში ჭარბი ოფლიანობის პრობლემაზე ისაუბრა. მისი თქმით, იმ ბავშვებში, რომლებიც ცელქები ან ჰიპერაქტიურები არიან და ემოციურობითაც ხასიათდებიან, ოფლიანობა უფრო გამოკვეთილია:

„ძალიან მოიმატა ჰიპერაქტიური ბავშვების რიცხვმა. ოფლიანობა არის დამახასიათებელი ჰიპერაქტიური, ცელქი ბავშვებისთვის, რომლებიც არიან ამავდროულად ძალიან ემოციურები. ისინი ემოციას ხარშავენ შიგნით. მათ შეიძლება ემოცია ვერ გამოხატონ. ან ისინი ემოციებს გამოხატავენ მთელი სიმძაფრით. ასეთი ბავშვები უფრო ოფლიანები არიან. ისინი ხშირად ოფლიანობენ, განსაკუთრებით ძილში. ძილიც არ აქვთ ამ ბავშვებს მთლად მშვიდი. ძილშიც ნერვიულობენ, ხედავენ სიზმრებს, უჭირთ ჩაძინების პროცესი.

შეიძლება ეს იყოს გენეტიკური. დედები ხშირად ამბობენ, რომ მამას აწუხებს ძალიან ოფლიანობა. ვირუსულ ინფექციებს ახლავს ხოლმე ასევე, რომ ჰიპერთერმიის შემდეგ ჰიპოთერმია, დაბალი ტემპერატურა ვითარდება. თერმორეგულაციის ცენტრი ვერ იჭერს ნორმალურ ტემპერატურას და აქედან გამომდინარე, ოფლის გამოყოფის პროცესი აქტიურდება. ასეთ შემთხვევაში ეს ბავშვები ელექტროლიტებით უნდა დავტვირთოთ და სასურველია, რომ მიიღონ ელექტროლიტები,“- მოცემულ საკითხზე ინგა მამუჩიშვილმა რადიო „ფორტუნას“ ეთერში ისაუბრა.

წყარო:​ „რადიო ფორტუნა“

შეიძლება დაინტერესდეთ

„თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება,“- ლევან რატიანი

„თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება,“- ლევან რატიანი

ტელეკომპანია „რუსთავი 2“-ის გადაცემა „ექიმების“ წამყვანებმა კვერცხის სასარგებლო თვისებების შესახებ ისაუბრეს და მისი დღიურად მისაღები ნორმაც დაასახელეს:

„ქათმის კვერცხის სასარგებლო და საზიანო ეფექტებზე ძალიან ბევრს საუბრობენ. ზოგი ამბობს, რომ ეს პროდუქტი ძალიან კარგია. ზოგი მასში ყვითელი გულის არსებობის გამო ამას უარყოფს, ვინაიდან ეს გული ქოლესტერინს შეიცავს და ამბობენ, რომ იწვევს ათეროსკლეროზის განვითარებას. ამის გამო ზოგიერთი ადამიანი ერიდება მის მირთმევას. ზოგი პირიქით, ცილის ბუნებიდან გამომდინარე ძალიან ბევრს ჭამს. ზომიერი მიღების შემთხვევაში გულიც და ცილაც ადამიანის ჯანმრთელობისთვის სასარგებლოა.

დღეში ორი კვერცხი ის ოპტიმალური რაოდენობაა, რომელიც ბევრი პრობლემის პრევენციაშიც დაგვეხმარება. რა დაემართება ჩვენს სხეულს, თუ ყოველდღიურად ორ კვერცხს შევჭამთ? ადამიანის თავის ტვინში არსებობს უჯრედები - ნეიროციტები. ნეიროციტების მემბრანაზე არსებობს ნივთიერება ფოსფოლიპიდი. ის აუმჯობესებს მეხსიერებას მასში არსებული ქოლინის გამო. ქათმის კვერცხი შეიცავს ქოლინს. თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება.

კვერცხი გაგიუმჯობესებთ მხედველობას. ის მდიდარია ლუტეინით. ეს ნივთიერება განაპირობებს მკვეთრ, მახვილ და სუფთა მხედველობას. კვერცხი დიდი რაოდენობით შეიცავს D ვიტამინს, ასევე კალციუმს. ჩვენი ძვლოვანი სტრუქტურისა და კბილებისთვის ორივე უმნიშვნელოვანესია. კვერცხი ის საკვები პროდუქტია, რომელშიც შედის B ვიტამინის ჯგუფის ბიოლოგიურად აქტიური ნივთიერებები, განსაკუთრებით B12, რომელიც უამრავ ფიზიოლოგიურ პროცესში იღებს მონაწილეობას. თუ ყოველდღიურად მიიღებთ ორ კვერცხს, B12 დეფიციტის ანემია მკვეთრად იქნება შემცირებული. B12-ს აკისრია ანტიოქსიდანტური აქტივობის ფუნქცია. მისი დეფიციტის დროს მიმდინარეობს ღვიძლის გაცხიმოვნების პროცესი მეორადად.

კვერცხში შემავალი ქოლესტერინი პირიქით სასარგებლოა ჩვენთვის. კვერცხი ხელს უწყობს წონაში კლებას. ამერიკელი დიოტოლოგები დილით უზმოზე კვერცხის მირთმევის რეკომენდაციას გასცემენ. ასე დღის განმავლობაში შიმშილის გრძნობა უფრო ნაკლები იქნება.

კვერცხი პოსტმენოპაუზის ასაკის ქალებში 18%-ით ამცირებს სიმსივნის განვითარების რისკებს. კვერცხი სასარგებლოა იმ ქალბატონებისთვის, რომლებიც ორულობას გეგმავენ. მასში დიდი რაოდენობით არის ფოლიუმის მჟავა. კვერცხი ანელებს დაბერების პროცესს და კანს ამკვრივებს. ეს არის უახლესი ინფორმაცია კვერცხის შესახებ.“

წყარო: ​„ექიმები“

წაიკითხეთ სრულად