Baby Bag

​„ნიუ ჰოსპიტალსში“ ჭარბწონიანი პაციენტებისთვის ქირურგიულ ჩარევებზე უპრეცედენტო შეთავაზება მოქმედებს

​„ნიუ ჰოსპიტალსში“ ჭარბწონიანი პაციენტებისთვის ქირურგიულ ჩარევებზე უპრეცედენტო შეთავაზება მოქმედებს

„ნიუ ჰოსპიტალსი“ მორბიდული სიმსუქნის მქონე პაციენტებს განსაკუთრებულ პირობას სთავაზობს. პაციენტებს, რომელთაც აწუხებთ ჭარბი წონა, შესაძლებლობა ეძლევათ ისარგებლონ ბარიატრიული ქირურგის უფასო კონსულტაციით; ასევე, მიიღონ უპრეცედენტო ფასდაკლება ბარიატრიულ პროცედურებსა და პაციენტის მეთვალყურეობის პროგრამაზე. პაციენტებს სამედიცინო მომსახურებას გაუწევენ 30 წლიანი გამოცდილების მქონე ქირურგი, ​გია მოსიაშვილი​ და ენდოკრინოლოგი, ​ლიკა კაჭარავა.​

კონსულტაცია რეკომენდებულია პაციენტებისთვის, ვისაც აწუხებს:

  • ჭარბი წონა და ჰქონია დიეტით წონის კლების წარუმატებელი მცდელობები. ასევე, პაციენტებისთვის, რომელთაც ხანგრძლივი მკურნალობის შედეგად ვერ მიაღწიეს შედეგს;
  • შაქრიანი დიაბეტი (ტიპი 2) ან აქვს მისი განვითარების მაღალი რისკი;
  • მორბიდულ სიმსუქნესთან დაკავშირებული ცხოვრების ხარისხის გაუარესება.

​მორბიდული სიმსუქნე​ დაკავშირებულია ჯანმრთელობის რისკებთან და იწვევს ისეთ გართულებებს როგორიც არის: შაქრიანი დიაბეტი (ტიპი 2), ღვიძლის გაცხიმოვნება, ინფარქტი, ინსულტი, ხერხემლის და ქვემო კიდურების მსხვილი სახსრების დაზიანება, კუჭ-ნაწლავის ტრაქტის ქრონიკული და მწვავე დაავადებები, არტერიული ჰიპერტენზია და ძილის აპნოე. მორბიდული სიმსუქნით დაავადებულ ადამიანებში მაღალია სხვადასხვა კიბოს განვითარების რისკი და სიკვდილიანობის მაჩვენებელი.

​ბარიატრიული ქირურგია​ მორბიდული სიმსუქნის მკურნალობის მიმართულებაა, რომლის საშუალებით შესაძლებელია ადამიანის ჯანმრთელობის ზოგადი მდგომარეობის და ცხოვრების ხარისხის გაუმჯობესება. ბარიატრიული მკურნალობის მეთოდის შერჩევა ხდება ექიმთან კონსულტაციის შედეგად, ინდივიდუალურად, პაციენტის მდგომარეობიდან გამომდინარე.

„ნიუ ჰოსპიტალსი“ ევროპული სტანდარტების დაცვით აშენებული, ულტრათანამედროვე ტექნოლოგიებით აღჭურვილი, მრავალპროფილური კლინიკაა, რომელიც 2011 წლიდან უმაღლესი ხარისხის სტაციონარულ და ამბულატორიულ სერვისებს სთავაზობს პაციენტებს. ბარიატრიული ქირურგიის ცენტრის მაღალკვალიფიციური გუნდი უახლესი აპარატურის გამოყენებით, თანამედროვე სტანდარტების შესაბამისად უზრუნველყოფს ქირურგიული პროცედურების ჩატარებას და პაციენტების პოსტოპერაციულ მეთვალყურეობას. მკურნალობის პროცესში ერთვება მულტიდისციპლინური გუნდი, რომელიც მოიცავს ბარიატრიულ ქირურგს, ენდოკრინოლოგს, ფსიქოლოგს, გასტროენტეროლოგს, თერაპევტს, კარდიოლოგს, გინეკოლოგს, ანგიოლოგს, ანესთეზიოლოგს და რადიოლოგს. პაციენტებისთვის შესაძლებელია ერთ სივრცეში მიიღონ ყველა აღნიშნული სერვისი, როგორც წინასაოპერაციო ასევე ოპერაციის შემდგომ პერიოდში და აწარმოონ ჯანმრთელობის მდგომარეობის მონიტორინგი.

R. 

​„ნიუ ჰოსპიტალსში“ 7 წლის ბიჭს წინაგულთაშუა ძგიდის დეფექტის მკურნალობა არაქირურგიული მეთოდ...
7 წლის ანდრიას „ნიუ ჰოსპიტალსში“ ჩაუტარდა წინაგულთაშუა ძგიდის დეფექტის არაქირურგიული (ენდოვასკულური) მეთოდით მკურნალობა, რომელიც წარმატებით დასრულდა. ბიჭი მეორე დღესვე გაეწერა კლინიკიდან. მკურნალობის...
ბავშვთა და მოზრდილთა თვალის პათოლოგიებს მკურნალობის თანამედროვე შესაძლებლობები „ნიუ ჰოსპიტ...
რეფრაქციული ანომალიები საკმაოდ გავრცელებული პრობლემაა ბავშვებსა და მოზარდებში. ამდენად, ძალიან მნიშვნელოვანია დროულად მოხდეს რეფრაქციის დიაგნოსტირება და შემდეგ მკურნალობა. „ნიუ ჰოსპიტალსში“ გარკვეული...

შეიძლება დაინტერესდეთ

„ნიუ ჰოსპიტალსში“ კორონარული პროცედურები ამერიკული წარმოების სტენტებით ჩატარდება

„ნიუ ჰოსპიტალსში“ კორონარული პროცედურები ამერიკული წარმოების სტენტებით ჩატარდება

„ნიუ ჰოსპიტალსში“ გეგმიური და გადაუდებელი ჩარევები გულის სისხლძარღვებზე მხოლოდ ამერიკული წარმოებისკომპანია Abbott-ის („ებოტი“) სტენტებით ჩატარდება. ზემოაღნიშნული აქცია ამერიკული კომპანიის წარმომადგენლობასთან მრავალმხრივი თანამშრომლობის შეთანხმების გაფორმებით და სპეციალური ფასების მიღებით გახდა შესაძლებელი.

გულის მკვებავ (კორონარულ) არტერიებზე ჩარევები დახშული მონაკვეთების გახსნის ან შევიწროებული მონაკვეთების გაფართოების მიზნით ტარდება. პროცედურის დროს არტერიაში სპირალური ბადის, ე.წ. სტენტის ჩადგმა ხდება, რომელიც მუდმივად რჩება სისხლძარღვში, რათა სისხლის ნაკადის თავისუფლად მოძრაობა და გულის კუნთის ჟანგბადით მომარაგება შეუფერხებლად უზრუნველყოს.

„ნიუ ჰოსპიტალსის“ კარდიოლოგიისა და კარდიოქირურგიის ცენტრში ულტრათანამედროვე ინფრასტრუქტურის მქონე კათეტერიზაციის ლაბორატორია ფუნქციონირებს, სადაც პაციენტებს შესაძლებლობა ეძლევათ სხვადასხვა სირთულის კორონარული და სარქვლოვანი ინტერვენციები ნაკლებად ინვაზიური მეთოდების გამოყენებით ჩაიტარონ.

„ნიუ ჰოსპიტალსი“ ევროპული სტანდარტების დაცვით აშენებული, ულტრათანამედროვე ტექნოლოგიებით აღჭურვილი, მრავალპროფილური კლინიკაა, რომელიც 2011 წლიდან უმაღლესი ხარისხის სტაციონარულ და ამბულატორიულ სერვისებს სთავაზობს პაციენტებს. კარდიოლოგიისა და კარდიოქირურგიის ცენტრის მაღალკვალიფიციური გუნდი უახლესი აპარატურის და მაღალი ხარისხის სამედიცინო მასალების გამოყენებით, თანამედროვე სტანდარტების შესაბამისად უზრუნველყოფს გულის დაავადებათა სრული სპექტრის დიაგნოსტირებასა და მკურნალობას.

R.

წაიკითხეთ სრულად