,,მოვიშოროთ მითი იმის შესახებ, რომ კოკა-კოლა კლავს! პირიქით, ის გამოიყენება როგორც სადეზინტოქსიკაციო და მასტიმულირებელი საშუალება'' - პედიატრი ინგა მამუჩიშვილი

პედიატრმა, ინგა მამუჩიშვილმა გადაცემაში ,,შენი დილა" ისაუბრა, რა შემთხვევაში არ უნდა ჩავუტაროთ ბავშვებს გამოკვლევები და როგორ უნდა მოვიქცეთ, რომ  ავადმყოფობის დროს მათ არ შეეშინდეთ.

,,თემა ძალიან აქტუალურია. მოგეხსენებათ, ფობიების ეპოქაა და ყველაფრის გვეშინია, განსაკუთრებით - დაავადებების. ამაში დიდი წვლილი, მათ შორის, სოციალურ ქსელებს აქვს. მშობლები სხვადასხვა პლატფორმაზე არიან გაერთიანებული, ეკონტაქტებიან ერთმანეთს, შედეგად, ძალიან ხშირად ხდება ბავშვების უსაფუძვლო კვლევები. რა თქმა აუნდა, ამ შემთხვვევაში, ბავშვი მოწყვლადია შიშის მხრივ, რადგან მშობლის შიში ყველაზე მეტად ბავშვებზე გადადის. იწყებენ შვილების გამოკვლევას პატარა მიზეზის გამო. ამ კვლევების ჩამონათვალი არ არის მარტივი. ისინი არის როგორც ლაბორატორიული, ისე - რადიოლოგიური. ექიმის გადასაწყვეტია, რა გამოკვლევებია საჭირო. ამისთვის პერიატრთან კომუნიკაცია აუცილებელია. ჯანმრთელი ბავშვის შემთხვევაში, გამოკვლევის ჩატარება დასაშვებია წელიწადში ერთხელ. 

მშობლების პანიკა აისახება შვილებზე. ძალიან რთულია, მაგრამ დედამ თავი უნდა აიყვანოს ხელში. ხშირად ასე ხდება, რომ როდესაც გათენდება, მშობლები თვითონ იწყებენ შეკითხვების დასმას - თავი ხომ არ გტკივა? მუცელი ხომ არ გტკივა?

მაღალი ტემპერატურა მშობლებს ძალიან აშინებთ. ამ დროს ყველაზე მეტად მათ ეშინიათ, რომ ბავშვს არ დაემართოს გულყრა. ეს, რა თქმა უნდა, ასე არ არის და ხდება ძალიან იშვიათ შემთხვევაში. 5 წლამდე ბავშვებში ნორმად მიიჩნევა გულყრა. ჩვენ ასეთ დროს უნდა შევეცადოთ, დავუწიოთ სიცხე, უნდა მივაწოდოთ ძალიან ბევრი სახის სითხე, გავაგრილოთ ბავშვი და არავითარ შემთხვევაში არ ჩავფუთნოთ. სანამ ტემპერატურა არ მიაღწევს მაქსიმუმადე, ბავშვს სცივა, აკანკალებს. ასეთ შემთხვევაში უნდა ჩავათბუნოთ. ძალიან მნიშვნელოვან შიშს წარმოადგენს ხოლმე მშობლებისთვის ბავშვის აჩქარებული სუნთქვა, გულისცემა. ეს ყველაფერი მაღალი ტემპერატურის ნორმად მიიჩნევა. ასევე, ხშირად ეშინიათ ცრუ კრუპის განვითარების", - ამბობს ინგა მამუჩიშვილი.

წყარო: ,​,შენი დილა"