Baby Bag

„ასეთ პაციენტებს ნაკლები სიმძიმის კოვიდი ემართებათ,“ - ამერიკაში მოღვაწე ქართველი ექიმი თიმ გურჩი

„ასეთ პაციენტებს ნაკლები სიმძიმის კოვიდი ემართებათ,“ - ამერიკაში მოღვაწე ქართველი ექიმი თიმ გურჩი

ამერიკაში მოღვაწე ქართველი ექიმი თიმ გურჩი პაციენტებში კოვიდ 19-ის მძიმე და მსუბუქი მიმდინარეობის შესახებ საუბრობს. მისი თქმით, ჯანმრთელ ადამიანებში ვირუსი მარტივად მიმდინარეობს:

„კვლევები ჯერჯერობით არ ჩატარებულა, მაგრამ ემპირიულ გამოცდილებაზე დაყრდნობით ბევრი სპეციალისტი მივიდა დასკვნამდე, რომ თუ მოსახლეობა არის მომზადებული, არის ჯანმრთელად, თუ მათ თანმხლები დაავადებები აქვთ კომპენსირებადი, ​არ აქვთ გართულებები, დიაბეტი არის კარგად მართული, კარგად აქვთ ნამკურნალები ჰიპერტონიული, იშემიური დაავადებები, არიან ოჯახის ექიმის ან პირველადი ჯაჭვის ექიმის მეთვალყურეობის ქვეშ, აქვთ ხშირი და სწორი ვიზიტები, დანიშნულებისადმი დამყოლები არიან, ასეთ პაციენტებს ნაკლები სიმძიმის კოვიდი ემართებათ.“

თიმ გურჩი აღნიშნავს, რომ კორონავირუსით გარდაცვალების რიცხვი მაღალია ეკონომიკურად შეჭირვებულ და არაკომპენსირებული თანმხლები დაავადებების მქონე პაციენტებში:

„კოვიდის დაავადებით უფრო ხშირად კვდებიან ის პაციენტები, რომლებსაც აქვთ მრავალი თანმხლები დაავადება, რომლებიც არ არის კომპენსირებული. მათ აქვთ ნუტრიციული პრობლემები, ეკონომიკურად არიან ისეთ მდგომარეობაში, რომ არ აქვთ საშუალება მიმართონ ჯანმრთელობის ქსელს. თუ ჩვენ გვინდა ჩვენი მოსახლეობა მოვამზადოთ მძიმე დაავადებისთვის, ის უნდა იყოს რაც შეიძლება მეტად ჯანმრთელი, რომ რაც შეიძლება ჯანმრთელად შეხვდეს ნებისმიერ გამოწვევას, იქნება ეს ინფექციური თუ არაინფექციური დაავადება. თუ პაციენტი იყო მძიმე მდგომარეობაში, ხელოვნურ ვენტილაციაზე, მრავალი თანმხლები მძიმე დაავადებით, ​ასეთ პაციენტში მოსალოდნელია გახანგრძლივებული გამოჯანმრთელება. არ არის გამორიცხული, რომ ამ პაციენტებს განუვითარდეთ პერმანენტული ცვლილებები ფილტვებში, ნერვულ სისტემაში. ნებისმიერი პაციენტი, რომელიც იყო მძიმე ან საშუალოდ მძიმე მდგომარეობაში, უნდა იყოს ხანგრძლივი დაკვირვების ქვეშ.“

„ერთი ჯგუფი მინდა გამოვყო. ეს დაახლოებით 10 %-ია ამ პაციენტების, რომლებსაც მრავალსისტემური არასპეციფიკური სიმპტომები უჭიანურდება მრავალი კვირისა და თვეების განმავლობაში. ეს პაციენტები ხშირად უჩივიან დაღლილობას, მთელი სხეულის ტკივილს, კოგნიტური დისფუნქციები და უძილობები აქვთ. მათ ობიექტურად არ უვლინდებათ ორგანოების დაზიანება. ცნობილია ასევე პოსტვირუსული სისუსტის სინდრომი და ქრონიკული დაღლილობის სინდრომი. ამ პაცინეტთა მკურნალობა არის ძალიან ძნელი. ​უბრალოდ შეუძლებელია გრძელვადიანი პროგნოზის გაკეთება, მოხდება თუ არა მათი მთლიანად განკურნება. უმეტესად ეს არის სინდრომული და სიმპტომური თერაპია. 80 %-ს არავითარი კვალი არ რჩება კოვიდის გადატანის შემდეგ. ის 20 % მოითხოვს ძალიან ყურადღებიან სიმპტომების მართვას,“ - აღნიშნულ საკითხზე თიმ გურჩი საქართველოს პირველი არხის გადაცემაში „პირადი ექიმი - მარი მალაზონია“ საუბრობს.

წყარო: ​„პირადი ექიმი - მარი მალაზონია“

არ დაგავიწყდეთ !!!

დაემატეთ ჯგუფში საბავშვო რეცეპტები

,,მაღალი ტემპერატურა არ ნიშნავს, რომ კოვიდი მძიმედ მიმდინარეობს''
,,მაღალი სიცხე კოვიდის ერთ-ერთი ჩვეულებრივი სიმპტომია და ეს არ ნიშნავს, რომ დაავადება მძიმედ მიმდინარეობს. ხშირად პაციენტებს სიცხის ხანგრძლივობაც (7-10 დღე) აშინებთ. თუმცა ესეც არ ნიშნავს, რომ და...

შეიძლება დაინტერესდეთ

„მშობლები ამბობენ: რაც ფუტკრის რძის მიღება დავიწყეთ, ბავშვები ბაღში არ ცივდებიან,“ - მეფუტკრე ლადო ვარდოსანიძე

„მშობლები ამბობენ: რაც ფუტკრის რძის მიღება დავიწყეთ, ბავშვები ბაღში არ ცივდებიან,“ - მეფუტკრე ლადო ვარდოსანიძე

მეფუტკრე ლადო ვარდოსანიძემ ფუტკრის რძის სასარგებლო თვისებების შესახებ ისაუბრა და აღნიშნა, რომ ის დედამიწაზე ერთ-ერთი საუკეთესო პროდუქტია:

„ყველაზე გამორჩეული პროდუქტი არის ფუტკრის რძე. ეს ზოგადად დედამიწაზე ერთ-ერთი საუკეთესო პროდუქტია. ეს მოთეთრო-მოყვითალო ფერის ბლანტი მასაა. მუშა ფუტკარი და დედა ფუტკარი ერთი და იმავე კვერცხიდან იჩეკება. დედა ფუტკარი ბარტყობიდანვე რძით იკვებება და მთელი სიცოცხლის განმავლობაში ასე გრძელდება. მუშა ფუტკარი ბარტყობის პერიოდში მხოლოდ სამი დღე იკვებება რძით. მუშა ფუტკარი აქტიურ სეზონში ცოცხლოს 45 დღე. ზამთარში - 180 დღე. დედა ფუტკარი ცოცხლობს რამოდენიმე წელიწადი. განსხვავება მხოლოდ კვებაშია. ​გარდა ამისა დედა ფუტკარი ერთია სკაში და მასზეა მთელი სკა დამოკიდებული. ის სეზონზე დღეში დებს 1500-დან 2000-მდე კვერცხს ყოველდღიურად. ეს რამხელა დატვირთვაა მისი ორგანიზმისთვის წარმოიდგინეთ.“

„რძე არის ცილების, ამინომჟავების ნაკრები. მისი მიღებისთანავე იგრძნობა, როგორი ენერგიაა. მშობლები ამბობენ: რაც ფუტკრის რძის მიღება დავიწყეთ, ბავშვები ბაღში არ ცივდებიან. დღეში ნახევარი გრამი უნდა მიიღონ. ეს არის ბუნებრივი, სუფთა პროდუქტი. მასში არანაირი მინარევი არ არის. არის ზუსტად იმ სახით, როგორსაც ფუტკარი გამოყოფს,“ - აღნიშნულ საკითხზე ლადო ვარდოსანიძემ რადიო „იმედის“ ეთერში ისაუბრა.

წყარო: ​რადიო „იმედი“

წაიკითხეთ სრულად