Baby Bag

„ის, რაც საქართველოში დატრიალდა ნოემბერსა და დეკემბერში, ასეთი ძლიერი ტალღა წესით აღარ უნდა იყოს,“ - მაია ბუწაშვილი

„ის, რაც საქართველოში დატრიალდა ნოემბერსა და დეკემბერში, ასეთი ძლიერი ტალღა წესით აღარ უნდა იყოს,“ - მაია ბუწაშვილი

ინფექციონისტმა მაია ბუწაშვილმა მოსახლეობაში ვაქცინაციისადმი მზაობის შესახებ ისაუბრა. მან აღნიშნა, რომ ვაქცინასთან დაკავშირებით შეთქმულების თეორიები აქტიურად ვრცელდება:

„ალბათ, მოსახლეობის ნახევარი აპირებს ვაქცინის გაკეთებას. არ დაგვავიწყდეს ის ნაწილიც, რომელმაც უკვე გადაიტანა კოვიდი. ​ეს ადამია​ნები პირველი რიგის ასაცრელთა კონტიგენტში არ მოხვდებიან და არც არის ამის აუცილებლობა. ადამიანებს სულ ეჩვენებათ, რომ რაღაცას უმალავენ. ბევრი შეთქმულების თეორია ტრიალებს. თუ ზუსტად ავუხსნით, რა ვიცით, რა არ ვიცით, სასწორი რომელ მხარეს იხრება. ზოგიერთი ჯგუფისთვის ეს სიკვდილ-სიცოცხლის საკითხია. ესეთი აქცენტები ძალიან მკაფიოდ, გამჭვირვალედ უნდა გაკეთდეს, რომ ადამიანებმა შეძლონ თავიანთი არჩევანის სწორად გაკეთება.“

მაია ბუწაშვილის თქმით, კორონავირუსით რეინფიცირების შემთხვევები ძალიან იშვიათია:

„კორონავირუსზე ილუზია, რომ სრულად მყარ იმუნიტეტს იძლევა არ გვაქვს. 7-8 თვე არის კვლევების ვადები, რა ხანგრძლივობით არსებობს ინფორმაცია. უკვე ერთ წელზე მეტი გავიდა. ფაქტი ის არის, რომ რეინფექციები ძალიან ხშირი მაინც არ არის. მხოლოდ იმიტომ, რომ ხელახლა იყო სიმპტომები და ტესტიც ხელახლა დადებითია, ეს არ ნიშნავს რეინფიცირებას. ნამდვილად დადასტურებული რეინფიცირების მხოლოდ რამდენიმე ათეული შემთხვევაა დადასტურებული. რაც ჯერ ვიცით, შეიძლება იყოს უფრო მსუბუქი და უფრო მძიმე შემთხვევებიც.“

მაია ბუწაშვილმა აღნიშნა, რომ ის, რაც საქართველოში ნოემბერ-დეკემბერში მოხდა, სავარაუდოდ, არ განმეორდება:

„ჩვენ ვფიქრობთ, რომ ​ის, რაც საქართველოში დატრიალდა ნოემბერსა და დეკემბერში, იმედი გაქვს, რომ არ უნდა განმეორდეს, თუნდაც იმიტომ, მოსახლეობის მინიმუმ მეხუთედი მაინც ანტისხეულებს ატარებს. რაღაც წრეში ერთ ადამიანს მაინც თუ აქვს ანტისხეულები, იმაზე მაინც წყდება გადაცემა და ის აღარ ხდება წყარო. ასეთი ძლიერი ტალღა წესით აღარ უნდა იყოს, ამის იმედი გვაქვს.“

„სავარაუდოდ ეს პანდემია ყველაზე გრძელი იქნება. იმის საფუძველი, რომ დასასრული ძალიან სწრაფად გამოცხადდება ჯანდაცვის მსოფლიო ორგანიზაციის მიერ, არ ჩანს.​ ჯერჯერობით პროგნოზირებაც კი არ შეგვიძლია, რომ დარჩა მაგალითად, ​თვეები,“ - აღნიშნულ საკითხებზე მაია ბუწაშვილმა ტელეკომპანია „ფორმულას“ გადაცემაში „დილა ფორმულაზე“ ისაუბრა.

წყარო: ​„დილა ფორმულაზე“

არ დაგავიწყდეთ !!!

დაემატეთ ჯგუფში საბავშვო რეცეპტები

„აშკარაა, რომ პანდემია უკან იხევს“ - ინფექციონისტი მაია ბუწაშვილი
ინფექციონისტი მაია ბუწაშვილი საქართველოსა და მსოფლიოში არსებული ეპიდსიტუაციის შესახებ სოციალურ ქსელში საკუთარ მოსაზრებას წერს. გთავაზობთ მის პოსტს: 1. სკოლების გახსნიდან პრინციპში...

შეიძლება დაინტერესდეთ

„ბედნიერია ადამიანი, რომელიც ღირსეულად, ძლიერად, რწმენით შეხვდება განსაცდელს,“ - პატრიარქი ილია მეორე

„ბედნიერია ადამიანი, რომელიც ღირსეულად, ძლიერად, რწმენით შეხვდება განსაცდელს,“ - პატრიარქი ილია მეორე

საქართველოს კათოლიკოს-პატრიარქმა ილია მეორემ ქადაგებაში ადამიანის ცხოვრებაში განსაცდელების არსებობის შესახებ ისაუბრა. პატრიარქმა აღნიშნა, რომ შვილებს აუცილებლად უნდა ვასწავლოთ, თუ როგორ უნდა შეხვდნენ განსაცდელს:

„ადამიანის სიცოცხლე არის დიდი საიდუმლო. ადამიანის ცხოვრება მოცულია სხვადასხვა განსაცდელით. ​ადამიანი მზად უნდა იყოს ამ განსაცდელის დასაძლევად. ჩვენ ძალიან ხშირად ვლაპარაკობთ ჩვენი შვილების აღზრდის შესახებ, მათი განათლების შესახებ. მთავარი რაც არის, ჩვენ არ ვამზადებთ შვილებს ამ განსაცდელისთვის.“

„ყოველ ადამიანს თავისი გზა აქვს. ბედნიერია ის ადამიანი, რომელიც ღირსეულად, ძლიერად, ​რწმენით შეხვდება განსაცდელს,“- აღნიშნა პატრიარქმა.

წყარო: ​საპატრიარქოს ტელევიზია

წაიკითხეთ სრულად