Baby Bag

„ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით,“ - პედიატრი ყარამან ფაღავა

„ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით,“ - პედიატრი ყარამან ფაღავა

პედიატრმა ყარამან ფაღავამ ბავშვებში ჰიგიენის წესების დაცვის მნიშვნელობაზე ისაუბრა. მან აღნიშნა, რომ ბავშვი სამყაროს ეცნობა და სავსებით ნორმალურია, თუ ის რომელიმე ნივთს ან ხელს პირში ჩაიდებს. ამ შემთხვევაში გადამწყვეტია გარემოს სტერილურობა:

„ეს აბსოლუტურად ნორმალურია. ადამიანი ეცნობა გარემოს. თავის სხეულსაც ეხება, სხვა ნივთებსაც. პირშიც მიაქვს ხელი, რომ გემო გაიგოს. ამას ვერ გავექცევით, უნდა ვიყოთ მზად, რომ ასე იქნება. გარემო უნდა შევქმნათ მაქსიმალურად სუფთა. იმასაც არ ვამბობ, რომ ზედმეტად სუფთა იყოს. თუ ზედმეტად სუფთა იქნება გარემო, ინფექციების მიმართ გამძელობა უფრო დაბალი იქნება. ჰიგიენური თეორია არსებობს, რომელიც ძალიან საინტერესოა. იქ, ​სადაც ზედმეტი სისუფთავეა, მეტი ბრონქული ასთმაა. ცოტ-ცოტა ინფექციები საჭიროა ორგანიზმისთვის, რომ მისი თავდაცვითი სისტემა უფრო გაძლიერებული იყოს.”

ყარამან ფაღავამ მშობლებს ურჩია, რომ ზაფხულში ბავშვებს წვნიანი დილის ან საღამოს საათებში მიართვან:

„შესაძლებელია ბავშვს მივცეთ ცივი წვნიანიც, მაგრამ ნამდვილი წვნიანი თბილია. როდესაც სიცხეა, დღისით რომ არ შეჭამს ბავშვი, სჯობს ცხელი საკვები ბავშვს მივცეთ დილით და საღამოთი, შუადღე იყოს უფრო თავისუფალი: ხილი, რძის ნაწარმი. ​ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით. ეს არის: ხილი, ბოსტნეული, მდიდარი ვიტამინებით, ელექტროლიტებით, ბოჭკოებით. ეს განწმენდის პერიოდია.ზამთარშიც შეიძლება, მაგრამ ყველაფერი თავისი სეზონის დროს უნდა მივირთვათ. არ შეიძლება სულ პესტიციდებით გაჯერებული საკვების მიღება. ქართულ ნიორს არცერთი ნიორი არ სჯობს, ქართულ პომიდორს არცერთი პომიდორი არ სჯობს. ბუნებრივია, კარგია და პატრიოტულიც არის.“

​ყარამან ფაღავას თქმით, საუკეთესო სითხე, რომელიც ბავშვს შეიძლება შევთავაზოთ, წყალია:

„მე უპირატესობას წყალს ვაძლევ. მაპატიონ კომერციული ინტერესის მქონე კომპანიებმა, რომლებსაც შემოაქვთ სხვადასხვა სითხე. წყალზე უკეთესი სითხე არ არსებობს. ამაზე უკეთესი ჯანმრთელობისთვის არაფერია. ზოგიერთი დღეში სამ ლიტრას სვამს. ეს შეიძლება ზედმეტიც იყოს. მოზრდილმა ადამიანმა ლიტრ-ნახევარი კი უნდა დალიოს მთელი დღის განმავლობაში.“

„შესაძლებელია, რომ ბავშვი ბოსტნეულს ანიჭებდეს უპირატესობას.​ ხილს თუ არ ჭამს ბავშვი, უნდა დავუფიქრდეთ. შეიძლება ხილს ჩვევის გამო არ მიირთმევს. არაა შეჩვეული. მეორე ამბავიც არის. ხომ არ აქვს ბავშვს ფრუქტოზის აუტანლობა?ასეთ შემთხვევაში გამოკვლევაა სასურველი. ერთბაშად დაძალება არ გვინდა. შესაძლებელია, რომ ამ ქცევის მიღმა რაღაც ბიოლოგიური მექანიზმიც იყოს,“ - აღნიშნულ საკითხებზე ყარამან ფაღავამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

არ დაგავიწყდეთ !!!

დაემატეთ ჯგუფში საბავშვო რეცეპტები

„გაკაჟებისთვის უნდა გამოვიყენოთ ზაფხულის პერიოდი, ჰაერის, მზის და წყლის აბაზანები,“ - თემუ...
​პედიატრმა თემურ მიქელაძემ ბავშვებში პასიური კურორტული მკურნალობის მნიშვნელობის შესახებ ისაუბრა. მისი თქმით, კურორტზე ჰაერის, მზის და წყლის აბაზანების მიღება ბავშვის ჯანმრთელობისთვის ძალიან სასარგებლო...

შეიძლება დაინტერესდეთ

„როდესაც ახალი დაავადების საწინააღმდეგოდ იქმნება ახალი ვაქცინა, ამას ბუნებრივია ახლავს შეკითხვა,“- ინფექციონისტი ფატი გაბუნია

„როდესაც ახალი დაავადების საწინააღმდეგოდ იქმნება ახალი ვაქცინა,  ამას ბუნებრივია ახლავს შეკითხვა,“- ინფექციონისტი ფატი გაბუნია

ინფექციონისტმა ფატი გაბუნიამ კოვიდ-19-ის ვაქცინების მიმართ საზოგადოებაში გავრცელებული უნდობლობის შესახებ ისაუბრა და აღნიშნა, რომ ახალი ვაქცინებისადმი მსგავსი დამოკიდებულება ბუნებრივია:

„ის, რაც არის ძალიან ახალი, რასაც არ აქვს თუნდაც 10-20 წლიანი გამოცდილება, ​როდესაც არის ახალი დაავადება და ამ ახალი დაავადების საწინააღმდეგოდ იქმნება ახალი ვაქცინა, ამას ბუნებრივია, ახლავს შეკითხვა. შიში, ალბათ, მაინც ეფუძნება ინფორმაციის ნაკლებობას ან გაუკუღმართებულ და სახეშეცვლილ ინფორმაციას, რომელსაც რეალურად არ აქვს არანაირი საფუძველი.“

ფატი გაბუნიას თქმით, ორსულისთვის ყველა ვირუსი საშიში არ არის:

„ფორმულირება, რომ ყველა ვირუსი საშიშია მაინდამაინც სწორი არ არის. არსებობს ერთადერთი ვირუსული ინფექცია - წითურა, რომელიც ორსულობის პირველ ტრიმესტრში ნამდვილად საშიშია, იმიტომ, რომ ის გადალახავს საშვილოსნოსა და ნაყოფს შორის ბარიერს, ჩაერთვება ორგანოგენეზში და იწვევს ნაყოფის სიმახინჯეს. რაც შეეხება დანარჩენ ვირუსებს და მათ შორის კოვიდ-19-ის ვირუსსაც, ამ ვირუსს შეუძლია დააზარალოს ნაყოფი მხოლოდ და მხოლოდ იმიტომ, რომ დედა არის ავად. დედის მძიმე მდგომარეობის გამო, შესაძლოა, მოხდეს თვითნებური აბორტი.“

„ჩვენი ორგანიზმი, რომელიც ძალიან ჭკვიანია, ორსულობას განიხილავს, როგორც გარკვეულ იმუნოსუპრესიულ მდგომარეობას.​ სწორედ ამას ეფუძნება მექანიზმი, რომ ორსულებში ბევრად უფრო აგრესიულია დაავადება, ვიდრე არაორსულებში. შესაბამისად ამიტომ ზარალდება ნაყოფი დედის მძიმე მდგომარეობაში. კორონავირუსი არ არის ასოცირებული ნაყოფის სიმახინჯესთან, გარკვეულ ცვლილებებთან ნაყოფის ფორმირების პროცესში,“ - აღნიშნულ საკითხზე ფატი გაბუნიამ ტელეკომპანია „იმედის“ გადაცემაში „ჩვენი ოჯახი“ ისაუბრა.

წყარო:​ „ჩვენი ოჯახი“

წაიკითხეთ სრულად