Baby Bag

„ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით,“ - პედიატრი ყარამან ფაღავა

„ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით,“ - პედიატრი ყარამან ფაღავა

პედიატრმა ყარამან ფაღავამ ბავშვებში ჰიგიენის წესების დაცვის მნიშვნელობაზე ისაუბრა. მან აღნიშნა, რომ ბავშვი სამყაროს ეცნობა და სავსებით ნორმალურია, თუ ის რომელიმე ნივთს ან ხელს პირში ჩაიდებს. ამ შემთხვევაში გადამწყვეტია გარემოს სტერილურობა:

„ეს აბსოლუტურად ნორმალურია. ადამიანი ეცნობა გარემოს. თავის სხეულსაც ეხება, სხვა ნივთებსაც. პირშიც მიაქვს ხელი, რომ გემო გაიგოს. ამას ვერ გავექცევით, უნდა ვიყოთ მზად, რომ ასე იქნება. გარემო უნდა შევქმნათ მაქსიმალურად სუფთა. იმასაც არ ვამბობ, რომ ზედმეტად სუფთა იყოს. თუ ზედმეტად სუფთა იქნება გარემო, ინფექციების მიმართ გამძელობა უფრო დაბალი იქნება. ჰიგიენური თეორია არსებობს, რომელიც ძალიან საინტერესოა. იქ, ​სადაც ზედმეტი სისუფთავეა, მეტი ბრონქული ასთმაა. ცოტ-ცოტა ინფექციები საჭიროა ორგანიზმისთვის, რომ მისი თავდაცვითი სისტემა უფრო გაძლიერებული იყოს.”

ყარამან ფაღავამ მშობლებს ურჩია, რომ ზაფხულში ბავშვებს წვნიანი დილის ან საღამოს საათებში მიართვან:

„შესაძლებელია ბავშვს მივცეთ ცივი წვნიანიც, მაგრამ ნამდვილი წვნიანი თბილია. როდესაც სიცხეა, დღისით რომ არ შეჭამს ბავშვი, სჯობს ცხელი საკვები ბავშვს მივცეთ დილით და საღამოთი, შუადღე იყოს უფრო თავისუფალი: ხილი, რძის ნაწარმი. ​ზაფხულის პერიოდით უნდა ვისარგებლოთ: ეს არის ჩვენი ორგანიზმის ბანკის შევსება საუკეთესო საკვებით. ეს არის: ხილი, ბოსტნეული, მდიდარი ვიტამინებით, ელექტროლიტებით, ბოჭკოებით. ეს განწმენდის პერიოდია.ზამთარშიც შეიძლება, მაგრამ ყველაფერი თავისი სეზონის დროს უნდა მივირთვათ. არ შეიძლება სულ პესტიციდებით გაჯერებული საკვების მიღება. ქართულ ნიორს არცერთი ნიორი არ სჯობს, ქართულ პომიდორს არცერთი პომიდორი არ სჯობს. ბუნებრივია, კარგია და პატრიოტულიც არის.“

​ყარამან ფაღავას თქმით, საუკეთესო სითხე, რომელიც ბავშვს შეიძლება შევთავაზოთ, წყალია:

„მე უპირატესობას წყალს ვაძლევ. მაპატიონ კომერციული ინტერესის მქონე კომპანიებმა, რომლებსაც შემოაქვთ სხვადასხვა სითხე. წყალზე უკეთესი სითხე არ არსებობს. ამაზე უკეთესი ჯანმრთელობისთვის არაფერია. ზოგიერთი დღეში სამ ლიტრას სვამს. ეს შეიძლება ზედმეტიც იყოს. მოზრდილმა ადამიანმა ლიტრ-ნახევარი კი უნდა დალიოს მთელი დღის განმავლობაში.“

„შესაძლებელია, რომ ბავშვი ბოსტნეულს ანიჭებდეს უპირატესობას.​ ხილს თუ არ ჭამს ბავშვი, უნდა დავუფიქრდეთ. შეიძლება ხილს ჩვევის გამო არ მიირთმევს. არაა შეჩვეული. მეორე ამბავიც არის. ხომ არ აქვს ბავშვს ფრუქტოზის აუტანლობა?ასეთ შემთხვევაში გამოკვლევაა სასურველი. ერთბაშად დაძალება არ გვინდა. შესაძლებელია, რომ ამ ქცევის მიღმა რაღაც ბიოლოგიური მექანიზმიც იყოს,“ - აღნიშნულ საკითხებზე ყარამან ფაღავამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

არ დაგავიწყდეთ !!!

დაემატეთ ჯგუფში საბავშვო რეცეპტები

„გაკაჟებისთვის უნდა გამოვიყენოთ ზაფხულის პერიოდი, ჰაერის, მზის და წყლის აბაზანები,“ - თემუ...
​პედიატრმა თემურ მიქელაძემ ბავშვებში პასიური კურორტული მკურნალობის მნიშვნელობის შესახებ ისაუბრა. მისი თქმით, კურორტზე ჰაერის, მზის და წყლის აბაზანების მიღება ბავშვის ჯანმრთელობისთვის ძალიან სასარგებლო...

შეიძლება დაინტერესდეთ

„ბავშვი სამ წლამდე გამოიმუშავებს კვების რეჟიმს: რასაც მიაჩვევთ სამ წლამდე, ისე იქნება მთელი ცხოვრება,“ - პედიატრი ეკა უბერი

„ბავშვი სამ წლამდე გამოიმუშავებს კვების რეჟიმს: რასაც მიაჩვევთ სამ წლამდე, ისე იქნება მთელი ცხოვრება,“ - პედიატრი ეკა უბერი

პედიატრმა ეკა უბერმა ბავშვებში უჭმელობის გამომწვევ მიზეზებზე ისაუბრა და აღნიშნა, რომ მშობლები უჭმელად თვლიან ბავშვს, რომელსაც შერჩევითი უმადობა აქვს:

„თუ ბავშვი არის უჭმელი, ამ ტერმინის ქვეშ, როგორც წესი, იგულისხმება შერჩევითი უმადობა. ბავშვი იღებს ძალიან ბევრ ნახშირწყალს, ცომეულს და არ ჭამს იმას, რაც უნდა ჭამოს. ამაში, ალბათ, რაღაც წილი მშობლების დანაშაულიც არის. მშობლებს ეჩქარებათ ახალი კერძების მიწოდება ბავშვისთვის. ​ყველას უნდა, რომ ჩვენი ნაციონალური, უგემრიელესი ხაჭაპური გაასინჯოს ბავშვს, მისცეს კანფეტები, გაანებივროს ნამცხვრებით. რა თქმა უნდა, როდესაც ბავშვი დააგემოვნებს ამ პროდუქტს, აღარ უნდა სხვა პროდუქტები.“

ეკა უბერის თქმით, 3 წლამდე ასაკის ბავშვმა შოკოლადი არ უნდა გასინჯოს:

„ბავშვისთვის შოკოლადი ზაფხულის პერიოდში პრაქტიკულად აკრძალულია. სამ წლამდე, სასურველია, რომ საერთოდ არ დააგემოვნოს ბავშვმა შოკოლადი. სამ წლამდე არის ყველაზე სათუთი პერიოდი, როდესაც ყალიბდება ორგანიზმის მეტაბოლური და ნივთიერებათა ცვლის მომენტები. ​სამ წლამდე გამოიმუშავებს ბავშვი კვების რეჟიმს. რასაც მიაჩვევთ სამ წლამდე, ისე იქნება მთელი ცხოვრება.“

​ექვს თვემდე შესაძლებელია, რომ ბავშვი სრულ ბუნებრივ კვებაზე იყოს. ის არანაირ დამატებას არ საჭიროებს, თუ ბავშვი კარგად იმატებს წონაში. ექვსი თვის შემდეგ ოპტიმალურია ბოსტნეულის პიურეს პირველი დამატებითი კვების შეტანა. შემდგომში უკვე თანდათანობით ყველა კომპონენტის დაგემოვნება,“ - აღნიშნულ თემაზე ეკა უბერმა ტელეკომპანია GDS-ის გადაცემაში „შუადღე GDS” ისაუბა.

წყარო: ​„შუადღე GDS”

წაიკითხეთ სრულად