Baby Bag

სახიფათოა თუ არა კონდიციონერი ბავშვის ჯანმრთელობისთვის? - ევგენი კომაროვსკის რეკომენდაციები მშობლებს

სახიფათოა თუ არა კონდიციონერი ბავშვის ჯანმრთელობისთვის? - ევგენი კომაროვსკის რეკომენდაციები მშობლებს

ზაფხულის დადგომასთან ერთად სახლში ტემპერატურა იმატებს. უფროსებს და ბავშვებს სიცხე ძალიან აწუხებთ. მშობლები სიცხის მიუხედავად კონდიციონერის ჩართვას ხშირად ერიდებიან, რადგან არ იციან, რამდენად უსაფრთხოა მისი გამოყენება იმ ოთახში, სადაც ბავშვი იმყოფება. ცნობილი პედიატრი ევგენი კომაროვსკი მშობლებს ურჩევს გასაგრილებლად კონდიციონერი გამოიყენონ, თუმცა გარკვეული წესების დაცვა აუცილებელია.

  • 1.კონდიციონერი დაკვირვებით შეარჩიეთ

სახლში მცირეწლოვანი ბავშვი თუ გყავთ, კონდიციონერის შეძენამდე აუცილებლად შეამოწმეთ აქვს თუ არა მას სიმძლავრისა და ჰაერის ნაკადის მიმართულების რეგულირების მექანიზმები.

  • 2.ყურადღებით გაეცანით ინსტრუქციას

კონდიციონერის ჩართვამდე ყურადღებით გაეცანით ინსტრუქციას და ის ზედმიწევნით კარგად დაიცავით. რეგულარულად გამოცვალეთ ფილტრები. თუ ტექნიკური მომსახურება დაგჭირდებათ, მიმართეთ მხოლოდ შესაბამის სპეციალისტებს.

  • 3.გააკონტროლეთ ჰაერის ტენიანობა

ჰაერის ტენიანობის კონტროლი აუცილებელია, როდესაც სახლში კონდიციონერი გაქვთ ჩართული. მისი მუშაობის პრინციპიდან გამომდინარე, ჰაერის გამოშრობის ალბათობა მაღალია. თუ ოთახში, რომელშიც კონდიციონერია ჩართული, ბავშვიც გყავთ, აუცილებლად გამოიყენეთ გიგრომეტრი და ჰაერის დამატენიანებელი.

  • 4.გაითვალისწინეთ კონდიციონერის მთავარი დანიშნულება

კონდიციონერის მთავარი ამოცანა სასიამოვნო გარემოს და ადეკვატური ტემპერატურის შექმნაა. ნუ ეცდებით სახლი მაცივრის რომელიმე განყოფილებას დაამსგავსოთ. თუ გარეთ ტემპერატურა 40 გრადუსზე მაღალია, არ არის აუცილებელი, რომ სახლში ტემპერატურა 18 გრადუსზე დაბლა დაიყვანოთ, 22-24 გრადუსი სავსებით საკმარისია.

  • 5.ჩართული კონდიციონერის წინ ბავშვს ნუ გააჩერებთ

ჩართული კონდიციონერის წინ ჰაერი აქტიურად მოძრაობს. ეს სივრცე, დაახლოებით, 2-3 მეტრის არეალშია. აღნიშნულ სივრცეში ბავშვს დიდხანს ნუ გააჩერებთ. არავითარ შემთხვევაში არ დადგათ ბავშვის საწოლი ამ ზონაში.

  • 6.ხშირად გაანიავეთ სახლი

კონდიციონერის გამოყენებისას არ უნდა დაივიწყოთ სახლის განიავების აუცილებლობა. ყოველდღიურად გამოაღეთ ფანჯრები და სახლი რეგულარულად გაანიავეთ.

  • 7.კონდიციონერის პულტი არ დადოთ ბავშვისთვის ხელმისაწვდომ ადგილას

ბავშვს არავითარ შემთხვევაში არ უნდა ჰქონდეს წვდომა კონდიციონერის პულტთან. მას უნდა აუხსნათ, რომ ეს დედიკოს და მამიკოს ნივთია და მისი გამოყენება სხვებისთვის არ შეიძლება. გახსოვდეთ, კონდიციონერის პულტი ბავშვს ერთი წუთითაც კი არ უნდა მისცეთ.

წყარო: ​goodhouse.ru

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

უსაფრთხოების 10 წესი, რომელიც ბავშვს აუცილებლად უნდა ასწავლოთ - ევგენი კომაროვსკი
​​ცნობილმა პედიატრმა ევგენი კომაროვსკიმ სოციალურ ქსელში პოსტი გამოაქვეყნა, რომელშიც მშობლებს უსაფრთხოების ის წესები გააცნო, რომელთა შესახებ ბავშვმა აუცილებლად უნდა იცოდეს. მართალია, მშობლებს სურთ, რომ...

შეიძლება დაინტერესდეთ

„შეზღუდვებზე არ არის საუბარი ნამდვილად, ამას გიდასტურებთ,“ - ამირან გამყრელიძის განცხადება

„შეზღუდვებზე არ არის საუბარი ნამდვილად, ამას გიდასტურებთ,“ - ამირან გამყრელიძის განცხადება

დაავადებათა კონტროლის ცენტრის დირექტორის ამირან გამყრელიძის განცხადებით ქვეყანაში ახალი შეზღუდვების დაწესებაზე საუბარი არ არის:

„შეზღუდვებზე არ არის საუბარი. პანდემიის მართვის მოდელი შეცვლილია მთელს მსოფლიოში და მათ შორის საქართველოშიც. არის ნაკლები შეზღუდვა, რომელიც ეკონომიკაზე ახდენს ზეწოლას. ე.წ. ლოკდაუნი,​ ე.წ. ჩაკეტვები, ტრანსპორტის შეჩერება არ განიხილება ნამდვილად, ამას გიდასტურებთ.“

ამირან გამყრელიძის თქმით, განიხილება ქვეყანაში მწვანე პასპორტების შემოტანა:

„განიხილება არაპირდაპირი დისკომფორტის, ე.წ. მწვანე პასპორტების შემოტანა. წამახალისებელი ღონისძიებები და ყველაზე მარტივი რეგულაციების დაცვა, რომელსაც ხშირად ვიმეორებთ. ყველას ეკეთოს პირბადე, ყველამ დაიცვას დისტანცია, ყველამ აარიდოს თავი ნებისმიერი მიზეზით დიდ შეკრებას. ხშირად დავიბანოთ ხელები, წავიდეთ და ავიცრათ.“

„12-დან 15 წლამდე ბავშვებში ადრე თუ გვქონდა სამედიცინო ჩვენებით აცრა, დღეს საუბარია, რომ მშობლების სურვილით და თანხმობით გაიხსნას ყველა ბავშვისთვის. ​დღეისთვის საქართველოში 12-დან 15 წლამდე სრულად აცრილია 106 ბავშვი,“ - აღნიშნულ საკითხებზე ამირან გამყრელიძემ უწყებათაშორისი საკოორდინაციო საბჭოს წევრების ბრიფინგზე ისაუბრა.

წყარო: ​ტელეკომპანია პირველი

წაიკითხეთ სრულად