Baby Bag

რომელი სექსუალური დისფუნქციები გვხვდება ხშირად ქალბატონებში და როგორ ხდება მათი მკურნალობა? - სექსოლოგი ზურაბ მარშანია

რომელი სექსუალური დისფუნქციები გვხვდება ხშირად ქალბატონებში და როგორ ხდება მათი მკურნალობა? - სექსოლოგი ზურაბ მარშანია

​​სექსოლოგმა ზურაბ მარშანიამ ქალებსა და მამაკაცებში გავრცელებული სექსუალური დისფუნქციების შესახებ ისაუბრა. მან აღნიშნა, რომ ქალბატონებში ყველაზე ხშირი დისფუნქცია ვაგინიზმია:

„მძიმე სექსუალური დისფუნქციების ხვედრითი წილი ბევრია ქალებშიც და მამაკაცებშიც. ქალების სექსუალურ დისფუნქციებში ჭარბობს ვაგინიზმი. თანამედროვე კლასიფიკაციით ვაგინიზმი გაერთიანებულია ჯგუფში, რომელსაც ეწოდება ქალის სექსუალური ტკივილისა და პენეტრაციის მოშლილობა. სქესობრივი აქტის დროს არის ძლიერი ტკივილი, ამავე დროს არის სპაზმიც. პირადად ჩემი გამოცდილებიდან, ყველაზე ხშირი ვაგინიზმია.“

ზურაბ მარშანიას თქმით, ქალბატონებს ხშირად აწუხებთ ანორგაზმიის პრობლემაც:

„ძალიან ბევრია ანორგაზმია. ეს არის სიამოვნების მიღების არარსებობა ან ხანგრძლივი და მყარი გაძნელება. ​სქესობრივი განათლება და მისი დონის ამაღლება დამოკიდებულია მიწოდებული ინფორმაციის ხარისხზე. მნიშვნელოვანია, ვინ აწვდის ადამიანს ამ ინფორმაციას. ექიმისგან მიწოდებული ინფორმაცია უდიდესი ალბათობით რელევანტურია. ინფორმაცია არ უნდა იყოს მიღებული ფსიქიკურად დაავადებული ადამიანების ბლოგებიდან. ძალიან ბევრია ასეთი. მე ბევრს ვიცნობ ასეთ ბლოგს.“

„რაც შეეხება გამოკვლევებს, ის გარკვეულწილად განსხვავებულია ქალებსა და კაცებში. იდენტური შეიძლება იყოს ჰორმონალური პროფილის გამოკვლევა, რომელიც ორივე შემთხვევაში გამართლებულია და აუცილებელიც არის. თუ მამაკაცებში ამას აქვს ძალიან დიდი მნიშვნელობა, ქალში იმდენად დიდი არ აქვს. ​ქალის სექსუალური დისფუნქციის თითქმის 90-95 % ფსიქოგენური გარემოებებით არის განპირობებული. ასეთივე დიდი პროცენტი, შესაძლოა, ორგანული, მათ შორის ჰორმონალური, ცვლილებებით იყოს განპირობებული მამაკაცებში. მიდგომებიც განსხვავებულია. ქალებში განსაკუთრებით დიდი მნიშვნელობა აქვს ექიმის პროფესიონალიზმს, მის სპეციალიზაციას. როდესაც ჩვენ ვსაუბრობთ ქალის სექსუალურ დისფუნქციებზე, აუცილებელია სწორი ფსიქოლოგიური მიდგომა და მოტივაციის, განწყობის შექმნა. ქალმა უნდა დაიჯეროს, რომ შეუძლია ამ პრობლემის დაძლევა,“ - აღნიშნულ საკითხზე ზურაბ მარშანიამ ტელეკომპანია „იმედის“ გადაცემაში „ანატომია“ ისაუბრა.

წყარო: ​„ანატომია“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

შეიძლება დაინტერესდეთ

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

როგორ ვიკვებოთ 40 წლიდან? - ამ თემაზე „დილა მშვიდობისა საქართველოს“ პირდაპირ ეთერში დიეტოლოგმა ნატალია გოგავამ ისაუბრა.

„ჯანმრთელობისთვის ჩვენს ორგანიზმს ესაჭიროება მთელი რიგი ნუტრიენტები, საჭირო რაოდენობით. თუ კვება იქნება სწორი, დაბალანსებული და მრავალფეროვანი ჩვენ ამ ამოცანას შევასრულებთ. როდესაც ეს პროცესი მწყობრშია, შესაბამისად, დაბერების პროცესიც ნელდება. სხვადასხვა დაავადებისგან და დროული ან ნაადრევი სიბერისგან თავდაცვის მიზნით ჩვენ გვჭირდება ნივთიერებები, რომლებსაც ორ ან მაქსიმუმ სამ ჯგუფად დავყოფ:

  1. ანტიოქსიდანტები - ნივთიერებები, როგორიცაა A,E,C ვიტამინები, ბეტა - კაროტინი, თუთია, ლიკოპინი. მათი მთავარი ამოცანაა ორგანიზმის თითოეული უჯრედი დაიცვან მავნე რადიკალების ზემოქმედებისგან;
  2. არანაჯერი ცხიმ-მჟავები - განსაკუთრებით ომეგა 3.
  3. ნივთიერებები, რომლებიც აფერხებენ კოლაგენის გლიკაციის პროცესს. მოგეხსენებათ, რომ კოლაგენი არის ჩვენი კანის მთავარი სტრუქტურა, რომელიც უნარჩუნებს ფორმას, სიმკვრივეს, ელასტიკურობას, ფერს. ამ პროცესის შეფერხების შემდეგ კოლაგენი კარგავს ამ თვისებებს, შესაბამისად, ჩვენი კანი ნაკლებად მკვრივი ხდება.

პროდუქტების არჩევანი საკმაოდ დიდი გვაქვს, თუმცა, მთავარია როგორ არის მოყვანილი, რამდენად ვარგისიანია და ბევრი სხვა დეტალი. არ შემიძლია არ აღვნიშნო პომიდორი, რომელიც შეიცავს ლიკოპინს. ლიკოპინი არის ნივთიერება, რომელიც ებრძვის ულტრაიისფერ გამოსხივებას, რაც ხელს უწყობს ჩვენი კანის სიჯანსაღეს და ახალგაზრდობას. ლიკოპინი არ იშლება თერმული დაზიანების დროს და პირიქით, უკეთესადაც კი ხდება მისი ათვისება. თუ ადამიანს პრობლემა არ აქვს ნაღვლის ბუშტზე, პომიდორის მიღება შეუძლია კანით, როგორც ცოცხლად, ასევე, გამომცხვარი. ლიკოპინს გააჩნია კიდევ ერთი ძალიან კარგი თვისება, ის ამცირებს თრომბების წარმოქმნის რისკს, ამკვრივებს ჩვენი სისხლძარღვების კედლებს, ქოლესტერინის დონეს დაბლა წევს. რადგან ლიკოპინზე ვსაუბრობთ, აუცილებელია ვახსენოთ წითელი ბულგარული წიწაკა. წითელი ბულგარული წიწაკაც შეიცავს დიდი რაოდენობით ლიკოპინს და ასევე, ბეტა-კარატინოიდებს, რომელიც ებრძვის დაბერებას;

კომბოსტო - მას აქვს ბევრი დადებითი თვისება, C ვიტამინის და კალცის მაღალი დონე. განსაკუთრებით სასარგებლოა ბროკოლი, რომელიც ყველა სხვა კომბოსტოსგან განსხვავებით E ვიტამინსაც შეიცავს ( უმიც დასაშვებია და ოდნავ თერმულად დამუშავებულიც - არ უნდა იყოს ძალიან გადახარშული, დადებითი თვისებების შესანარჩუნებლად). ისპანახი, ოხრახუში (აკავებს კალცს, ებრძვის შეშუპებას, შეიცავს დიდი რაოდენობით ანტიოქსიდანტებს, შეიცავს უჯრედისს, რაც მნიშვნელოვანია ჩვენი ნაწლავების მიკროფლორისთვის);

კაკაო და შავი შოკოლადი - განსაკუთრებულ ნივთიერებებს შეიცავს, ებრძვის ანთებით პროცესებს, აფერხებს ზოგიერთი სახეობის სიმსივნის განვითარებას. თუმცა, ზომიერება არ უნდა დაგვავიწყდეს. შოკოლადის მიღების დროს, ორგანიზმში გამოიყოფა ენდორფინები, ამიტომ ხშირად სტრესის დროს ვიღებთ ხოლმე.

თხილეული და სხვადასხვა სახის თესლი - ჯანსაღი ცხიმის შემცველი პროდუქტები. ომეგა 3-ის შემცველობით პირველ ადგილზეა სელის თესლი, რომელიც შეიცავს კალიუმს, მაგნიუმს, B ჯგუფის ვიტამინებს, უჯრედისს, ამცირებს ქოლესტერინის დონეს სისხლში, სასარგებლოა საჭმლის მონელებისთვის. გოგრის თესლი - მის შემადგენლობაშია ისეთი ნივთიერებები, რომლებიც ებრძვის სიმსივნეს. ნუში - ჯანსაღი ცხიმების შემცველობასთან ერთად, ცილის წყაროა და ამასთან, შეიცავს დიდი რაოდენობით მაგნიუმს.

ჯანსაღი ცხიმის შემცველ პროდუქტებს დავამატოთ - ზეითუნის ზეთი, ცხიმიანი თევზი (ქაშაყი, სარდინები, სკუმბრია, ორაგული).

ანტიოქსიდანტები - კენკრა (ჟოლო, მოცვი, მარწყვი, შტოში); სხვადასხვა მწვანილი(სალათის ფურცელი, რუკოლა, აისბერგი).

მთავარია, ჩვენი კვება იყოს დაბალანსებული და მრავალფეროვანი, სხვადასხვა ელემენტით და ნივთიერებით'' - აღნიშნა დიეტოლოგმა ნატალია გოგავამ. 

წყარო: ​,,დილა მშვიდობისა საქართველო''

წაიკითხეთ სრულად